Iesusɨm Mbɨsevisir Gumasi 26

1 Mauthughura Agripa kamagh Polɨm mbɨÅgeeghi, “Nɨɨ nombɨra nombɨn niaghɨ.” Mauthughura Pol nona afharimuu ufhuegha nona akaa vɨÅgɨ kamaghɨusue, 2 “Ativasi gumagh Agripa, khɨɨ Judarir akhoghɨn gumasi naÅga asira akaman khav ikaravaghousua bar vhusvhusi. Kha anaaÅn gun nɨɨ mbɨkɨmaÅÅga. 3 Ee Judarii kamagha amuava, nori vɨÅgɨ norira norigha atharava amui bisir kharsi nɨɨ bara anda ikaaÅi. Kamagha amuisi khɨɨ nɨɨna azaaghi, ‘Nɨɨ inɨmɨrara apheraghɨv ikhɨva nana akava oraa.’ 4 Judarii mee bar na ikaaÅi, nani ikhɨrano othɨv, khɨɨ irɨrɨvare ikava nonɨ uÅuuna andarasir phorughavɨre ikha gua khɨɨ gumughun zaa Jerusalemɨni iti. 5 Mee fhomɨra na ikaaÅi, mee vhusvhusighɨv, nana othevir gun nɨɨm mbɨkemighemi. Khɨɨ ikhamarei ikava, FarisiiÅn akoghɨn gumaghan mavɨn mɨn otogha meno othevir gɨn zui. Gumasi avhɨrara FarisiiÅn othevir gɨn maÅÅamɨusuava amuava bar iÅguraÅguraisima kha andar gɨn zui. 6 Khɨɨ thighira osɨmndɨsia rɨkɨrir gumasir arɨmasi rɨfhaaÅnɨ uthusir bigham mbɨnɨɨŠa kamagh gu. Got fhomɨra ena avhavir phorughava akama rɨÅgɨran mavɨ amuisima khɨɨ nɨghɨnɨghana aghavagharara akaman khavɨn ikava, aÅn gɨn zaaousua mbɨkemisi bisivɨusuavɨra gara itima mee anaaÅmɨusuavɨra osɨmndɨghan naaÅga anɨndi. 7 En 12 pɨlan akhosir gumasi rako amisi, mee aroe rako rɨmaÅgarir Gotɨni izɨɨ ufhava nɨghɨnɨghana aghavagharara aÅn ikava bighan khavɨusuavɨra gari. O ativasir gumagh, ee bighan khavɨusua garima, bighan khavɨusuavɨra, Judarii aÅmɨusua akaman naÅga asi. 8 Manmaghɨusua gee gumasir marsi kamagh nɨghɨnɨsi, Gotɨn arɨghira guesi tharsi ramuightima mee nomthegh rɨkhavighem thughatɨs phatɨ? 9 Khɨɨ fhomɨra nombɨ kamaghɨusue, ‘Khɨɨ bisira avhɨrara ramuightima anda NasaretiiÅn gumagh, Iesusɨni izɨɨra afharavaghami.’ 10 Khɨɨ bisir kharsi Jerusalemɨn andagha amui. Khɨɨ Gotɨna aphuraphurava aghae rako bisir aÅga anɨndi gumasiri ikii andar gamgaaÅ nigha, khɨɨ Gotɨn gumasi rako amisi mena avhɨrara nigha rɨvɨnan khɨrthɨghan mee arɨghi. Uthughun khavɨn gumasira aphani mem mbɨsoghtima mee aremighaousuava mem mbɨÅgeema, khɨɨ ivhɨra kamaghɨusue, mee arɨmɨghireghɨri. 11 Uthusira avhɨrara khɨɨ Gotɨn phorugha mbɨÅgeer rɨphenigha aruava andara avhen gua, menɨ usuigha mem mbɨsosi. Khɨɨ ambaragh mee ramutima mee akaar maghatɨsir Ikhɨvam mbɨkɨmɨva aÅni izɨɨra afharavaghami. Nan nav memɨusua phuvɨra nan sima khɨɨ isaghuni iti uÅuimbar gua mera afaravaghasoua mamemɨusua uri." 12 Pol mbɨÅgɨ guava kamaghɨm mbɨÅgeeghi, “Uthughun mavɨn, Gotɨna aphuraphurava aghae rako bisir aÅga anɨndi gumasiri ikiira, mee akamana aghavagharan naÅga anɨɨÅgava, mee na amandasima khɨɨ Damaskusɨnɨ uÅuuni ikhɨvan zui. 13 O ativasir gumagh, uthugh kamagh 12 okloghɨn zuima, khɨɨ utuavɨn gua, garima, aÅaran mav Gotɨn uÅuuni ikhegha zaa naÅgi isira, aÅaran khav bara aghavagharigha arona aÅara afhira. Nan phorughava arui tharsi aÅaran khav bar eÅgi isira. 14 Kamagha amuisima ee barɨ unuaghɨn aÅgi iree, khɨɨ orasima ithɨɨÅn mav HibruiiÅna akaman kamagh nam mbɨÅgeeghi, ‘Sol, Sol, nɨɨ manmaghɨusuavɨra nara afharavaghavɨre iti? Nɨɨ nara afharavasi phatɨ, nɨɨ mbɨzaghɨn nombɨra nombɨa anɨndi.’ 15 Mauthughura kha aÅna azaaghi, ‘Ikhɨv, nɨɨ thɨɨÅra?’ Khɨɨ mbɨÅgeema Ikhɨv na ikara, ‘Khɨɨ Iesus, nɨɨ nara afaravasi. 16 Nɨɨ rɨkavigh uthuu. Khɨɨ thighira noni iÅaarivɨusua niam mbɨsɨvaousuava nɨmba oto. Nɨɨ thighira ganisi bisi rako, khɨɨ gɨn nɨɨn khɨvamir bisi na andara akamɨ ukunaÅga. 17 Khɨɨ nɨɨa amandaghtima igharisirɨ unuaghɨnan gumasi rakoma, Judarir akhoghɨn gumasi rako amisi mee iphas nɨɨ ramutima, khɨɨ nɨɨn ganɨva nɨɨna akuruvaghtima, mee nɨra afharavaeghem phatɨghami. 18 Nɨɨ kamaghɨrara ramuighɨva nɨɨ mena arɨmasi osemseghtima, mee akɨrɨ ɨraghɨva gɨngɨnan itira othevir maghatɨsigha aseghɨva, aÅaran zaami. Mee Satanɨn gamgaaÅ athaeghɨva, Gotɨusua zaami. Mee kamaghɨ ramuightima khɨɨ meno othevir maghatɨsi gɨna amaaÅga, mee ivhɨra nɨghɨnɨghana aghavaghar nani iti gumasi rako amisir arɨghan aÅan niaÅga. Nan gumasi rako amisir kharsi, mee nɨghɨnɨghana aghavaghar nan itima, khɨɨ meÅga amuisima mee uzue. Nɨɨ iÅaaran khavɨ ramuamɨusua, khɨɨ memɨusua nɨɨa amandi.’ “ 19 Arama Pol mbɨÅgɨ guava kamaghɨm mbɨÅgeeghi, “Ativasi gumagh Agripa, khɨɨ Gotɨnɨ uÅuuni ikhegha zesi bighan mavɨn ganigha aÅgɨ phɨrphɨrsi phatɨ, kha aÅna akaman gɨn zui. 20 Khɨɨ ufhuaragha Damaskusɨnɨ uÅuuna akamɨ ukunigha, Jerusalemɨna akamɨ ukunigha, Judian distrighɨn itira aÅaani bara andara akamɨ ukurava, ivhɨra khɨɨ igharisirɨ unuaghɨnan gumasi rako amisivɨusua guava akamɨ ukurava, kamaghɨusue, ‘Gen non nɨghɨnɨsigh ɨraghɨva nomthegh Gotɨusua zɨɨ. Gee amuiro othevi, gumasi andar ganɨva ikeeÅgɨm mbɨkɨmaÅÅga gee non nɨghɨnɨsigh ɨragha gɨva.’ 21 Khɨɨ bisir kharsira akamɨ ukurima, mee Gotɨ rɨphenam mbɨroghɨn nanɨ usuira. Uthughun khavɨn Judarii na mbɨsuesima khɨɨ arɨmamɨusuavɨrama amui. 22 Got nana akurasima khɨɨ inderaghavɨre ikha zaa thighira, khɨɨ khaghɨ utughava akaman gumasir kɨni rako gumasir ikii bar mem mbɨÅgeeghi. Akaman khavɨra, Moses ri Gotɨna ambuuÅn gumasi fhomɨra aÅn gunɨ mbɨkemi. Khɨɨ nomthegha akaman igharisi thavɨ ukuri phatɨ. 23 Mee kamaghɨusue, ‘Got nom ee niamɨusua mbɨsevisi gumagh, Krais aÅm mbɨzagh nighɨva aremighɨva, a ufhuaraghɨvɨra rɨkhavighemi gumagh maghɨ. A Gotɨn aÅaran Judarir akoghɨn gumasi rako igharisirɨ unuaghɨnan gumasir khɨvami.’ “ 24 Pol akamɨ ukuravɨre itima, Festus akaman ikhɨvan kamagh aÅm mbɨÅgeeghi, “Pol, nɨɨ oÅani! Nɨɨ surera avhɨrara amuisima nɨɨni ikaaÅmaran ikhɨv, nɨɨÅga amuisima nɨɨ oÅani!" 25 Pol kamaghɨm mbɨÅgeeghi, “Gumaghan ikhɨv Festus, khɨɨ oÅanisi phatɨ, khɨɨ guisimbaaÅram mbɨÅgeeghi, khɨɨ nɨghɨnɨgh ikava khɨɨ mbɨÅgeeghi. 26 Ativasi gumagh Agripa bisir kharsi bar anda ikaaÅi, anda mondughava otuivisi phatɨ, khɨɨ ikaaÅi, a ti bisir kharsiv oraghava, andar garava arama anda ikheeÅgamati. Kamagh amuisima khɨɨ atiti phatɨgha, bar andar gun ativasi gumagh Agripa mbɨÅgeeghi. 27 Ativasi gumagh Agripa, nɨɨ nɨghɨnɨghana aghavaghar Gotɨna ambuuÅn gumasir iti, o phatɨ? Khɨɨ ikaaÅi, nɨɨ nɨghɨnɨghana aghavaghar iti." 28 An aÅm mbɨkemisima Agripa kamagh Polɨn azara, “Manmagha amui, nɨɨ kha uthughun othɨvanÅra nam mbɨkɨmɨtima khɨɨ manmaghɨra Kraisɨn gɨn maÅɨ ti?" 29 Ana aÅm mbɨkemisima Pol ana ikara, “Uthughun othɨva thav o uthughunɨ uruara thav, khɨɨ kamagh Gotɨn phorughum mbɨkɨmaÅga, nɨɨ koma kheeÅa, gee thighira nana akamam mbaraghi, gee bar nan mɨno othuivhami. Bighanɨ uvhuavɨra, mee ukuaghaviir gee ikeghɨva gee nigh rɨvɨnan khɨrthɨghan gee rarɨghan, khɨɨ iphɨrphɨri." 30 Mauthughura ativasi gumasi rako gavmanɨn gumasir aphan koma Bernaisin phorugha ikesi tharsi, mee bar rɨkavighava 31 rɨphena thaegha gugha norira nori vɨÅgɨ kamaghɨusue, “Gumaghan khav othɨvhan maghatɨgha thavɨ ramuighɨva, ana aremighemi, o a rɨvɨnan kɨrthɨghan ikaami. AÅno othɨvhan maghatɨgha thavɨ amuisi phatɨ." 32 Mauthughura Agripa kamagh Festusɨm mbɨÅgeeghi, “A nombɨra kamaghɨusue, Sisar nana osɨmndɨsiva oraghɨva anda rɨkɨrami. A ti kamaghɨ mbɨkemis phatɨghav khasima, ee thighira ana thesima ana akɨran guaghi."