Iesusɨm Mbɨsevisir Gumasi 21

1 Ee mee thaegha ukur nigha Kosɨn mɨghsɨmamɨ usuavɨra zii. Amɨrɨtusi rɨmaaÅra ee Rodesɨn mɨghɨsɨman ze. Ee Rodesɨn mɨghsɨma thaegha Pataranɨ uÅuun ze. 2 Ee Pataranɨnɨ uÅuunɨ ukuran mavo otosima, a Fonisian distrighɨn zima, ee aÅn bɨnigha zii. 3 Ee Saiprusɨn mɨghsɨman gara, agharan guvɨna amandaghava aÅgi indɨragha, Sirian distrighɨn zii. Ee Tairɨnɨ uÅuuna aghegha ukuran iti bisi anamogha anda rarɨghousua. 4 Ee anamogh Kraisɨna andarsivɨusua gara gua men ganighava 7 pɨlanɨ uthusir mena aghani ikhee. Uthughun khavɨn Gotɨnɨ Utum mem mbɨkemisima mee Polɨ mbɨÅgɨ kamaghɨusue, “Nɨɨ Jerusalemɨnɨ uÅuun maÅÅa thaghɨri." 5 Mauthughura ukur Tairɨnɨ uÅuua thamraghaousava amuima, Kraisɨna andarsi nona amuuir rako boorir akua en gɨnɨ uÅuuni ikhɨvana akɨran guava oÅarana ataaÅn ee bar ithevia rɨphɨrigha Gotɨn phorugham mbɨÅgeeghi. 6 Ee men phorugha ivhɨra nona agharirɨ usuigha gɨvagha, ee ukur nigha zuima mee nomthegha nor rɨphenir zii. 7 Uthughun khavɨn ee Tairɨnɨ uÅuua thaegha Tolemesɨnɨ uÅuuno othuivigha, uthughun aghuuÅ Kraisɨna andarsigha aniiÅgava ee men phorugha uthughunɨ uvhuavɨre men phougha ikhee. 8 Amɨrɨtusi rɨmaaÅra ee mea thaegha Sisarianɨ uÅuuno othuivigha Filivɨ rɨphenan iti. A Ikhɨvana akamana aghuuÅ ukurir gumaghan mav. Filiv a 7 pɨlan gumasir thooÅn gumaghan mav Iesusɨm mbɨsevisi gumasir akuruvasir gumagh. 9 A guivani ikaman phunini ko phunini iti, mee Gotɨna ambuuÅna amisir marsir mɨna akamɨ ukuri. 10 Ee nom uthusir marsi Sisarianɨ uÅuuni itima, Gotɨna ambuuÅn gumaghan mav, Agabus, a Judian distrighɨni ikhegha Sisarianɨ uÅuun zeghirɨ. 11 A ena aghan zaava Pol noni ivha dira arɨkhavan nona afharimuuni koma suani ikhegha kamaghɨm mbɨÅgeeghi, “Gotɨnɨ Utum kamaghɨm mbɨÅgeeghi, ‘Kamaghɨra Judarir akhoghɨn gumasir marsi Jerusalemɨnɨ uÅuuni ikava, arɨkhavan khavɨn guav ikeghɨva ana nigh muu igharisirɨ unuaghɨnan gumasira anɨɨÅga.’ “ 12 Pol kamaghɨm mbɨkemisima, ee koma Sisarianɨ uÅuun gumasi rako amisi Jerusalemɨn maÅÅan Polɨn thɨvava aÅga aghori. 13 Mem mbɨkemisima Pol mee ikaragha kamaghɨm mbɨÅgeeghi, “Gee thoghousua aziava nan nava amuima a magharɨsi? Mee na ikeghemi, anaaÅ indera. Khɨɨ Iesusɨn izɨɨn Jerusalemɨna avhen aremighemi, anaaÅ ivhɨra indera." 14 Pol bar athuesima ee ana athaegha kamaghɨm mbɨÅgeeghi, “Got bigha thavɨn nɨra amuamɨusua ramutima anaaÅ mara nɨmba othuiv." 15 Uthusir marsir gɨn ee bisiar rɨkɨrigha gɨvagha Jerusalemɨn uÅuun guavanambosima Sisarianɨ uÅuuni itir Kraisɨn suren gumasi rako amisi, mena marsi ena akua gua Nasonɨ rɨphenan ee athɨsima ee anamoghi iti. A Saiprusɨn mɨghsɨman gumagh. A barɨ ufhuaraghavɨran Kraisɨn suren gumaghan mav. 17 Ee gua Jerusalemɨno othuivisima Kraisɨna andarsi emɨusua bari inighinisi. 18 Amɨrɨtusi rɨmaaÅra, Pol ena marsir phorugha Jemsɨn ganamɨusua zui. Kha uthughun Kraisɨna andarsir gumasira aphani bar ivhɨre iti. 19 Polɨ uthughun aghuuÅ meÅga aniiÅga, kamaghɨusue, “Ikhɨv bisira avhɨrara igharisirɨ unuaghɨnan gumasi rako amisira arɨghan naÅga amuisima, khɨɨ andar gun gem mbɨngeeghi." 20 Kraisɨn phoesi tharsi, men gumasira aphani kamagh oraegha Gotɨn izɨɨ ufhii. Mee Polɨm mbɨÅgɨ kamaghɨusue, “Ena avheeÅmphom, nɨɨ ikaaÅi Judarir akhoghɨn gumasi rako amisir avhɨrara nɨghɨnɨghana aghavaghar Iesusɨn iti. Mee Moses osɨrisir othevivɨusuava bar aghavaghari. 21 Gumasir marsi akaman nɨɨÅga asava nɨɨn gɨna amaaÅga nɨɨm mbɨÅgɨ kamaghɨusue, nɨɨ igharisirɨ unuaghɨnan gumasir thooÅn itir Judarir akhoghɨn gumasi marsi vɨÅgɨva Moses osɨrisir othevir gɨn maÅÅan men thevi. Nɨɨ kamaghɨusue, ‘Gen non boorir momooÅn niro ofhɨsia rɨghora thaghɨri, Judarii ee nono othevi ramua thaghɨri.’ 22 Ee ikaaÅi, mee nɨɨ zesira akamam mba oraegha gɨva. Ee nomthegh manmaghɨra ramuti? 23 Ee nɨɨ ramuaÅgamiro othɨva thavɨn gun nɨm mbɨkemightima nɨɨ anaaÅ ramuri. Nɨɨ kamagh ramuightima, gumasi rako amisi ganigh ikeeÅgɨm mbɨkɨmaaÅga. Mee aÅga asira akaar kharsi anda guisimbaaÅran akaa phatɨ. En phorugha khagh iti gumaghan phunini ko phunini Gotɨn phorugha akama rɨÅgɨrana aghavagharan mavɨ amui. Nɨɨ mee nigh maÅÅɨva gee Gotɨna arɨmasi rɨfhaaÅnɨ uzueghousua othɨvhan khavɨ ramuri. Nɨɨ aphurapuramir aghee rako bisighɨ uvhuesightima, mee nona aphaniraarɨsighi isaami. Judarir akoghɨn gumasi kamagh ikaaÅi nɨɨ ivhɨra Moses osɨrisiro othevir gɨn zui. 25 Uthughun khavɨn igharisirɨ unuaghɨnan gumasi marsi ivhɨra Iesusɨn gɨn zui, ee non nɨghɨnɨghanɨ mbɨgharan mav osɨrigha memɨusua fhomɨrama ane amanda. Ee mbɨÅgɨ kamaghɨusue, ‘Gee mee marvir guagha anɨndir aghaer rama thaghɨri. Gee ivhɨra Åae itira asɨsi rako asɨsi mee ufhuri rafhava mbɨsosi tharsi rama thaghɨri, nori niava akuira othevir maghatɨsir ramua thaghɨri.’ “ 26 Kamagha amuisima Pol thaegha gua gumasir kharsi nighava, amɨrɨtusi rɨmaaÅra a men phorugha gua mee norira Gotɨna arɨmasi rɨfhaaÅnɨ uzueghousua othevir khasigha amui. A gɨn gua Gotɨ rɨphenam mbɨroghɨn gugha Gotɨna aphuraphurava aghae rako bisir aÅga anɨndi gumasi vɨÅgɨ kamaghɨusue, “Ee Gotɨna arɨmasi rɨfhaaÅnɨ uzueghemirɨ orɨrɨvhanɨ uthugha gɨvousua ramutima, mee emɨusua uvhuaghɨuvhuaghɨva aphuraphurir othevira ramuaÅga." 27 Uthusir 7 pɨla gɨvousuava amuima Judarir akhoghɨn gumasi Esian distrighɨn iti tharsi Gotɨn rɨphenam mbɨroghɨn Polɨn gani. Mee gumasi rako amisir navighi inivima mee Polɨnɨ usuiragha kamagh dɨɨ mbɨÅgeeghi, 28 “IsraeliiÅn akhoghɨn gumasi, gee ena akura! Gumaghan khav, en gumasi rako amisira rafaravaghava, igharis gumasir rako uÅuimbar igharis tharsi bar men surea amui. A Moses osɨrisir othevi ko Gotɨ rɨphenaÅga asɨghasɨghousua mbɨÅgeeghi. A ivhɨra GrighiiÅna akamaÅga aghuuir gumasir marsi nigha, Gotɨ rɨphenam mbɨroghɨ athɨgha zui. Ma gumagh Got nombɨusua mbɨsevir rɨphenam mbɨroghɨn zɨɨva aÅra amuightima a Gotɨna arɨmasi rɨfhaaÅn maghatiighemi." 29 (Mee ufhuaragha Efesusɨnɨ uÅuun gumaghan mav, Trofimusɨn garima, a Polɨn phoruhga Jerusalemɨnɨ uÅuuni ikhɨvana avhena arui. Mee kamagh nɨghɨnɨsi, Pol ana nigha Gotɨn rɨphenam mbɨroghɨn gu.) 30 Mee Jerusalemɨnɨ uÅuuni ikhɨvan iti gumasi rako amisi bar men navighi ninivima, mee atamatamɨra akhɨrɨsiigha zii. Mee Gotɨ rɨphena mbɨroghɨn Polɨnɨ usuiragha ana ukurugha zui. Mee uvhuarira Gotɨ rɨphena mbɨroghɨn iti rɨvɨnan ithɨman ikhɨva aphui. 31 Mauthughura Judarir akhoghɨn gumasi rako amisi arɨmamɨusuavɨra amuirɨm mbɨzorughan Polɨa amuima RomiiÅ mbɨzorsir gumasi bar men gumaghan aphan oraghi. Uthughun khavɨnɨ mbɨÅgɨÅgɨm gua kamagh aÅm mbato, Jerusalemɨn gumasi rako amisi nori vɨsosi. 32 Mauthughura a uzuamɨra mbɨzorsir gumasir garir gumasi rako mbɨzorsir gumasir marsi nigha, mee akhɨrɨsiigha gua gumasi rako amisira avhɨrara itira aÅanan zui. Mauthughura Polɨ mbɨsuesi gumasi, mee mbɨzorughan gumaghan ikhɨv koma aÅm mbɨzorsir gumasir ganigha Pola thaghi. 33 Mauthughura mbɨzorsir gumasi bar men gumaghan aphan zaa Polɨnɨ usuiragha mem mbɨÅgeema, mee ukuaghavan phuninina ana ikhee. A Judarir akoghɨn gumasir azaaghi, “Khara thɨɨÅra, a theeghɨnaÅga amui?" 34 Maghɨra avhɨran ikhɨvan khavɨn avhen iti tharsi mee phura atamatamɨra bisi vɨÅgeeghi. Mee nɨÅnɨɨÅn maghatɨgha amuima, mbɨzorsir gumasi bar men gumaghan aphan inderaghɨvɨra bigha thav ikeeÅsi phatɨ. Kamagha amuigha a nom mbɨzorsir gumasi vɨkemisima, mee ana nigha nori no rɨphenan zui. 35 Pol rɨphenan khavɨna andɨrɨghana othuivousuava amuima mee aÅm mbɨsoghousua bar khaghɨra ana rɨsi. Uthughun khavɨn mbɨzorsir gumasi aÅgi isaghuphɨgha zui. 36 Gumasi rako amisira avhɨra men gɨn zui tharsir men dɨɨ kamaghɨm mbɨÅgeeghi, “AÅm mbɨsueghti, ana aremighɨri!" 37 Mee Pol nigha mbɨzorsir gumasir iti rɨphenana avhen maÅÅamɨusuava amuima, a men gumaghan ikhɨv GrighiiÅna akaman aÅna azaaghi, “Khɨɨ bigha thavɨn nɨɨm mbɨkɨmaÅgami, o?” Mauthughura mbɨzorusi gumasi bar men gumaghana aphan aÅna azaaghi, “Nɨɨ GrighiiÅna akamam mbɨÅgeeghi? 38 Khɨɨ kamaghɨusue, nɨɨ IsiviiÅnɨ unuaghɨnan gumagh. IsiviiÅn gumaghan mav, a fhomɨra gavmanɨn phorugha mbɨsogha, 4,000ɨn gumasi maghatɨsi nigha gua gumasi iti phatɨsira aÅanan gu. Nɨɨ ma gumaghara ti?" 39 Ana aÅm mbɨkemisima, Pol kamaghɨm mbɨÅgeeghi, “Phatɨ. Khɨɨ Judarir akhoghɨn gumagh, khɨɨ Silisian distrighɨna avhen itirɨ uÅuun Tarsusɨn gumagh. Khɨɨ izɨɨ itirɨ uÅuun ikhɨvan gumagh. Khɨɨ nɨɨm mbɨÅgeeghi, nɨɨ nam mbɨnamɨnaaÅ ratɨghtima, khɨɨ akama thavɨn gumasi rako amisi vɨkɨmamɨusua." 40 AÅm mbɨÅgeema mbɨzorusir gumasi bar men gumaghana aphan aÅm mbɨkemisi, Pol andɨrɨghanɨ utugha non afharara gumasi rako amisi rɨkagharɨsi. Mee barbar inɨmɨre iti. Mauthughura a HibruiiÅna akaman mem mbɨÅgeeghi.