Lulanga lwa 54

1 Gwârhi omukulu w’abimbiza. Oku nzihwa z’emisî. Nyigîrizo. Za Daudi. 2 Amango abantu b’e Zif bàlibwîra Saulu, mpu: «Ka Daudi arhali e mwîrhu acîfulisire obu?» 3 Mâshi Nyamuzinda oncize n’izîno lyâwe mâshi, ontwîre nâni luno lubanja oku buhashe bwâwe. 4 Yâgirwa Nyamuzinda mâshi, yumvîrhiza omusengero gwâni, rhega okurhwiri oyumve ebinwa byâni. 5 Kulya kubà balya bacîgenza banyandûsirekwo, balya b’ecikalarhu nabo banshimbire mpu bantenzemw’omûka. 6 Awa, Nnâmahanga oyûla oli ntabâla, Nyakasane ye Nyamwegemerwa w’omûka gwâni. 7 Abashombanyi bâni orhangibayêrekeza obuhanya n’oku bwinjà bwâwe, Nyamuzinda obashâbe buyumpa. 8 Nnonzize nkurhûle enterekêro, nnangashânize izîno lyâwe, Nyakasane, bulya liri linjà. 9 Kulya kubà lyândikûzize oku ngasi mbaka, nanabwîne oku abashombanyi bâni bacôcoboka n’enshonyi.