Titus 3

1 Ni mingei hah roijeÌkpungei le rachamneipungei jaÌ ngei rang, chongdon rang, le lamtina asa tho rangin inningchien tit rangin minrietnoÌk ngei roh. 2 Tute eÌro loia, inngeÌidiÌl le insuÌk-irin, le mi naÌm chunga nunneÌmtakin om tit rangin ril ngei roh. 3 Eini nanaÌk khom zora khat chu amotak, chongdonloi le dikloi tak ei lei nia. oÌina saloi le hoiinhaÌinangei naÌma suok changin ei lei om ani. Ei ringnun ngei hih narsasie le nunsien ei manga; mi enjoÌt makmea, mingeiin khom mi enjoÌt mak ngei. 4 Hannirese, mi Sanminringpu ei Pathien inriengmuna le lungkhamna a juong minlanga han, 5 mi mojoÌk zoi. Mahih eini ei rachama sin sa ei tho sika nimaka, ama mi moroina han mi mojoÌka, Ratha Inthieng jaÌrin, mi rusuÌka suoktharna le ringna thar mi peÌk zoi ani. 6 Pathien’n, Sanminringpu Jisua Khrista jaÌrin ei chunga hin Ratha Inthieng hah a bun ok zoi. 7 A moroina sika Pathien koÌm midik mi minchanga, ei lei sabei kumtuong ringna rochonluopungei ei ni thei zoi. 8 Mahi adiktaka ti ani. Hi chongngei hih aliekin, lunghaÌng thoriÌtin ni misiÌr tit rangin nang ku nuom ani, hanke Pathien iempungei chu an zora mang han, sintho asa le mitin ta ranga mangruo sa ngei hah, tho rangin an boÌk duoi thei. 9 Hannirese amo inkhal, richibulngei suÌinangei, inkhalnangei, Balam roia insuolnangei chu nuÌksong roh; mangmunboi le kaÌmnaÌngloi ani. 10 Insenna sin ngaÌipu hah veÌlnik doÌr chu inningna chong peÌk inla, masuole chu ite tho pe ngei naÌng khaÌi mak. 11 Ma anga mingei hah chu mi saloi mulungkoÌitak ani ti ni rieta, an sietnangei han an dikloina a minlang ngaÌi ani. 12 Artemas aninoÌnchu Tychicus mini no koÌma ko hongtiÌr tika chu Nicopolis taka ko koÌm juong rang boÌk tatak roh, asikchu ma muna han phalbi zora kai chu om rangin ko boÌk ani. 13 Balamtheipu Zena le Apolos hah, an chaina ngeia ite an insam loina rangin ne theidoÌr chu san ngei roh. 14 Ei mingei hah sin sa thonaÌn an ringnun mang ngeÌt rese ngei, anaÌng tatak ngei hah sem theia aomna rangin; ringnun kaÌmboiin an om rang nimak. 15 Ko koÌma omngei naÌmin chibaimuÌknangei nang an hong muthuon. TaksoÌnna taka ei malngei hah chibai peÌk ngei roh. Pathien moroina chu nin chunga om rese.