Romans 10

1 Ku suÌngsuokngei Israelngei chu sanminringin om rese ngei ti hih ku nuom tak le Pathien koÌma ki ngeÌn ngaÌi tak ani. 2 Pathien tieng ningsietakin an om ti ki riet, aniatachu an inpeÌkna hah rietna diktaka inngam nimak. 3 Pathien’n mi dik a minchang lam hah riet theiloiin anni an lampui an juÌi ngita, Pathien’n dik a min changna balam nuoia han inpeÌkluÌt nuom mak ngei. 4 Khrista chu Balam murdi mongna ania, a iem murdi chu Pathien koÌm dik intuma an om theina rangin. 5 Moses han Balam joÌm sika dik changna thurchi hi anghin a miziek, “Balam chongpeÌk a joÌmpu chu ring atih,” ti. 6 TaksoÌnna sika dik changna thurchi rek chu, “Tumo invaÌna kal ranga?” (Mahan tumo chungtieng renga Khrista hong ruoi rang tina ani) 7 Tumo pilriÌla juong se ranga? (thina renga tumo Khrista hong ruoi rang, tina ani) nin mulungriÌlin ti no roi, a tia. 8 Hanchu imo a ti? “Pathien chong han, nu muÌr le nu mulungriÌla nang anaÌi ani,” ma taksoÌnna chong hah kin misiÌr ani. 9 Na muÌrin Jisua hah Pumapa ani tiin nu phuonga, thina renga Pathien’n a kaithoi ti nu mulungriÌlin ni iemin chu sanminringin om ni tih. 10 MulungriÌla taksoÌn chu dik minchang an nia, muÌra thop chu sanminringin an om sa ngaÌi. 11 Pathien lekhabu’n, “Tukhom ama iem murdi chu maÌimoÌkinshakin om no ngei,” a ti ani. 12 Juda le Jentialngei hah ite lei teina doÌn mak ngei, Pumapa inkhat hah anreÌnga Pumapa ania, Ama ralam ngei kai chu sat a vur ok ngaÌi. 13 Pathien lekhabu’n, “Tukhom Pumapa riming ralam ngei murdi chu sanminringin om an tih,” ati anghan. 14 Nikhomsenla, an iem loi hah i angin mo an ralam thei ranga? An rietloi hah i angin mo an iem thei ranga? Thurchi misiÌrpu omloiin kho angin mo an riet thei ranga? 15 ItiÌr niloiin kho angin mo thurchi an misiÌr ranga? Pathien lekhabu’n Thurchi Sa hong mintungpu ngei chu en ahoi baÌk na! ati anghan. 16 Hannisenla, Thurchi Sa hah anreÌngin chu pom let mak ngeia, Isaiah reng khomin, “Pumapa kin chongril tumo a iem?” a ti ani. 17 Ma anghan, taksoÌnna hah chong riet sikin ahong oma, chong rietna hah Khrista thurchi misiÌrna sikin ahong om ngaÌi. 18 Hanchu, thurchi an riet loi tatak mini? an riet ngeÌt Pathien lekhabu’n, “An roÌl miring hah ramtina aÌnthanga; An thurchi hah koÌlkung deÌnin aÌnthang suo zoi,” ati anghan. 19 Hanchu, Israelngeiin an riet loi mini? amotontaka Moses rengin “Nama telkhaÌiloi ngei hah nangni min narsa ka ta; Nam inmoÌlngei sikin nin takminsi ki tih,” a lei ti ani. 20 Isaiah’n haÌi uolin, “Mi rok loi ngeiin min mua, mi ralam loi ngei koÌma keÌn laÌr,” a lei ti sa. 21 Hannirese, Israelngei chungroia chu, “Hedonloi ngei le inhel mingei modoÌm rangin suÌntuonin ka baÌn ka phar ngaÌi,” a ti.