Mark 6

1 Jisua’n ha mun hah a maÌka, a omna ngaÌi khopui tieng a se noÌka, a ruoisingei khomin an juÌi tita. 2 Sabbathnin chu Synagog taka mi a minchua. Mahan mi tamtak an oma; male a chongril hah an riet lehan anreÌngin kamaÌm aom tatak an tia, “Hi mi hin hi ngei naÌm hih kho renga mo a man hi?” an tia. “A koÌm, khoi vaÌrna mo peÌkin aom hih? Kho angin mo sininkheÌlngei a sin thei hi? 3 Mary naÌipasal, mistri sin ngaÌi, a laÌibungngei khom Jacob, Joseph, Juda le Simon ngei nimak mo? A sarnungei khom ei koÌma an om ngaÌi nimak ngei mo?” an tia. Male chu ama hah an hengpai zoia. 4 Jisua’n an koÌm, “DeÌipungei chu an omna ngaÌi khopui le a suÌngsuokngei le a insuÌngmingei laÌia tiloiin chu muntina an jaÌ ngei ngaÌi a tia." 5 Ha muna han chu mi damloi ngei toÌmte chunga a kutngei minngamin a mindam tiloiin chu ite sininkheÌlngei sin thei khaÌi mak. 6 Mingei han taksoÌnna an doÌn loi sikin a jaÌmminzal sabaka. Jisua’n ruoisi soÌmleinik ngei a tiÌrsuokna (Mat 10:5-15; Luk 9:1-6) Hanchu Jisua’n ha reveÌla khuongei han a chai titira, mingei ha a minchu tira. 7 Ruoisi soÌmleinik ngei hah a koi mintuÌp ngeia inik, inikin a tiÌrsuoka. Ratha saloingei chunga rachamneina a peÌk ngeia, 8 male an koÌm, “Nin khuolchaina khiengrol tiloiin chu ite vaÌipoÌl khom, kutdo choli khom, nin pepngeia sum khom choÌi no roi. 9 Kebunngei chu bun ungla, hannirese, kaÌncholi inshak chu choÌi no roi” tiin chong a peÌk ngeia. 10 AmananaÌkin an koÌm, “Nangni an lei modoÌmna ina han om ungla ma mun hah nin maÌk, maÌka chu madeÌn han om tit roi. 11 Hanchu tu khopui khom mingeiin nangni an modoÌm noa, nin chong an rangaÌi noÌnchu maÌkrak ungla, nin ke rabab akop ngei hah khoÌng liei roi. Maha anni rangin inning roi tina niÌng atih." 12 Masikin an sea, male mingeiin an sietnangei renga an insiÌr theina rangin thurchi an misiÌra. 13 Ramkhoringei tamtak an rujuÌl paÌia, male damloi tamtak ngei olive sariek an pola an mindam ngei zoi. 14 Hanchu Jisua riming muntina aÌnthang zit zoi sikin ReÌng Herod’n a lei rieta. Mingei senkhatin chu, “Baptispu John hah a hong ring noÌk zoi! Masika han hi sininkheÌlngei sin theina ranak hi a doÌn ani,” an tia. 15 Nikhomrese, adangngeiin chu, “Ama hih Elijah ani” an tia. Midangngei an ti noÌk chu “Tiena deÌipungei angin, ama hih deÌipu inkhat ani” an tia. 16 Mahah a lei rieta, Herod’n chu, Baptispu John ani! “A lu ka tana nikhomrese, a hong ring noÌk ani!” a tia. 17 Herod leleÌn John hah a minsuÌra, khitbelin jeÌl ina a lei khum ani. Herod’n ma anga a thona chu, Herodias hi a naÌipa Philip loÌmnu nikhomsenla a loÌmnu a minchang sika ani. 18 John’n Herod koÌm, “Na naÌipa loÌmnu in ne neipui noÌk hih Balam nimak!” tiin a lei ril tit ngaÌia. 19 Masikin Herodias han John a mumaÌka that ngeÌt rang a boÌka hannirese, Herod sikin that thei maka. 20 Herod’n John hah mi sa le mi inthieng ani ti a riet sikin a chia, masikin a mojoÌk ngaÌi ani. John chongril a riet racham asaÌn injeÌlpui ngaÌi khomsenla, a chongril rangaÌi rang a nuom ngaÌi ani. 21 Azoinataka chu Herod suokni ahong tungin chu, sorkar ulienngei, raÌlmi ulienngei le Galilee rama mi lienngei rangin bukhalaÌi otna a minsuÌka, ha ni han chu Herodias’n chuminreÌn a mana. 22 Herodias naÌinupang a hong luÌta, a laÌma, Herod le a khuolmingei raÌiaminsaÌn pe ngei oka. Masikin reÌngpa han nupangte koÌm han, “Imo doÌn rang nu nuom? Nu nuom tak nang peÌk ki tih” a tia. 23 ChonginkhaÌm tamtak doÌnin a koÌm, “Kho khoi khom mi ni zong kai chu ke reÌngram phalkhat tena khom nang peÌk rangin chong keÌn khaÌm!” a tia. 24 Masikin nupangte hah a joÌka, a nuÌ koÌm, “Imo mo ko zong rang?” tiin a va rekela. A nu’n, “Baptispu John lu” tiin a thuona. 25 Nupangte hah innottakin a kiÌra, reÌngpa koÌm han, “AtuÌn Baptispu John a lu maÌiraÌnga mi ni peÌk rangin ku nuom” tiin a zonga. 26 Masikin reÌngpa hah aÌn nguÌikhak zoia, aniatachu a khuolmingei makunga inkhaÌmnangei a lei tho sika han maÌngti thei khaÌi maka. 27 Masikin reÌngpa han a rungpu inkhat a tiÌr kelena, John lu hong laÌk rangin chong a peÌka. Rungpu han aÌnpheÌt kelena, male jeÌl ina a sea. John lu ava tana; 28 hanchu maÌiraÌnga a hong choÌia, nupangte koÌm a peÌka, nupangte han a nuÌ koÌm ava peÌk zoia. 29 Ma roi hah a ruoisingeiin an riet lehan an honga, John ruok hah an choÌia, male an phuÌm zoi. 30 TiÌrtonngei hah an kiÌr noÌka male Jisua an intongpuia, male an sintho murdi le an minchu sai murdi Jisua koÌm an rila. 31 Mingei ha ase le ahong an tam rai sikin Jisua le a ruoisingei chu buneÌk zora luo man mak ngeia. Masikin an koÌm, “Tho ei theivaia ei om theina rangin mun senkhata chomola nin inngam theina rang muna se rei u” a tia. 32 Masikin mun inthimngangna panin an theiviekin rukuonga an se zoia. 33 Nikhomrese, mingei tamtakin an selaÌi an mua, anni ngei ti an riet kelena; masikin khopuingei murdi renga mingei hah taÌng tieng renga an taÌnna, Jisua le a ruoisingei hah an lei chomtan ngeia. 34 Jisua hah rukuong renga a juong chum lehan, loko tamtak a mu ngeia, male belri a hoÌlpu boi angin an ni sikin, anni ngei rangin a mulungriÌla inriengmuna leh asipa. Masikin neinun tamtak ngei a minchu ngei phut zoi. 35 Kholoi ahongni lehan, a ruoisingei hah Jisua koÌm an honga, male a koÌm, “Mahi mun inthimngang ke ania, nisa khom ase ok zoia. 36 Mingei hih tiÌr pai ngei inla, male akoÌl kienga loingeia mo, khuongeia mo, anninanaÌkin an saÌkruo imakhat an rochoÌk theina rangin” an tia. 37 Jisua’n an koÌm, “Nangnin saÌkruo imakhat peÌk ngei roi,” tiin a thuon ngeia. Annin a koÌm, “Anni ngei vaÌi theina rangin vaÌipoÌl chunga duli razannik kin va thaÌm rangin nu nuom mo?” tiin an rekela. 38 Masikin Jisua’n an koÌm, “VaÌipoÌl kho doÌr mo nin doÌn? Se ungla, va en roi” tiin a rekel ngeia. An doÌn doÌr hah an riet lehan, “VaÌipoÌl rangnga le nga inik” tiin an rila. 39 Hanchu Jisua’n mingei naÌm hah apaÌl apaÌlin sensaÌi ungla, durba chunga min sung ngei rangin ruoisingei a ril ngeia. 40 Masikin mingei hah apaÌl apaÌlin, raza khat paÌlin le soÌmrangnga paÌlin an min sung ngeia. 41 Hanchu Jisua’n vaÌipoÌl rangnga ngei le nga inik hah a laÌka, invaÌn tieng tangin Pathien koÌm raÌisaÌnchong a rila. VaÌipoÌl hah a khoia, mingei hah sem pe ngei rangin a ruoisingei kuta a peÌk ngeia. Nga khom hah anreÌngin sem ngei rangin a peÌk ngei sa zoi. 42 Mitinin an saÌka male an khop chita. 43 Hanchu an saÌk minieng vaÌipoÌl haÌr le nga ronoÌi hah tabong soÌmleinik ruoisingeiin an ruÌt min sipa. 44 A vaÌi ngei mijoÌn hah mi ulien kai isaÌng rangnga an ni. 45 Lokongei a minchiÌn suole harenghan varaÌl tienga Bethsaida khuoa, a motona lei se rangin a ruoisingei rukuonga a min chuong ngeia. 46 Mingei hah chonghoiin a mathaÌn suole chu chubaitho rangin muol chunga a se zoia. 47 Kholoi ahongni lehan, rukuong hah diÌl aÌnlaÌina taka aoma, Jisua chu atheivaiin taÌnga han aoma. 48 PhaÌivuo hah anoÌk tieng aseÌm sikin, a ruoisingeiin an rukuong jaÌp hah an mulungjiÌng okin a mua; masikin jiÌng koÌlinsaluom rangtoÌn diÌl chunga loÌnin an tieng a hong pana, anni ngei kheÌlpai rang angin aoma, 49 hannirese anni han tui chunga a loÌn an mua. “Mirluoi keÌng ani!” tiin an mindonna, male an iniek raka. 50 Ama an mu lehan an reÌngin an rathataÌka. Harenghan Jisua’n an koÌm, “HaÌitakin om roi!” ama’n, “Keima ke ki ni, chi no roi!” a tipe ngeia. 51 Hanchu an koÌm rukuonga han a chuong sa zoia, male phaÌivuo hah amonga. Ruoisingei chu an kamaÌm sabaka, 52 mi isaÌng rangnga a vaÌina roi aomtie diktak hah an rietthei loi sikin; an mulungboÌkngei han amanphaÌk loi ani. 53 DiÌl raÌl an inkaÌnna, Genesaret rama an tunga, mahan an rukuong an thunga. 54 Rukuong renga an chuma, mingeiin harenghan Jisua ani ti an riet kelena. 55 Ha ram pumpuia mingei hah an hong taÌn leta; a omna an rietna tena a koÌm damloingei an jaÌmphera jaÌl pumin an hong rojoÌna. 56 Male Jisua a sena muntina, khuongeia mo, khopuingeia mo, loingeia mo, bazar munngeia khom damloingei an hong tuonga, a puonmor luo toÌn thei rangin phalna an ngeÌnna. Male a toÌn ngei murdi chu an dam pak ani.