Mark 14

1 KalkaÌn kuÌt le Cholboi VaÌipoÌl KuÌt rang suÌnnik motona ochaisingei le Balam minchupungeiin Jisua inruÌktea suÌra male that rang lampui an rok banga. 2 “Khohoi suÌngin chu ei tho tet rang nimak,” aninoÌnchu “mingei laÌia injeÌlna om duoi ni,” an tia. 3 Jisua chu Bethany taka Simon phaÌrpa ina a oma, Jisua buneÌk laÌitakin, nuvengte inkhat nard sariek mirimhoi man luttak alabaster biloÌr sipmat a hongchoÌia. Amanu han biloÌr hah a khoia male a lu chunga a buoka. 4 Ha muna om mingei senkhatin chu an ningathika, “Khoitho mo hi sariek mirimhoi hih an minpaÌmchien hi? 5 Duli razan thum neÌka tama juora asum hah inrieng ngei peÌk thei ke ani duo!” an tia. Male amanu hah asaÌn an chierkhum zoi. 6 Hannirese, Jisua’n an koÌm, “Amanu hah atheiin maÌk roi! Khoitho mo nin jeÌl hi? Ka ta rangin neinun satak le enhoitak a tho ani. 7 Mi inrieng ngei chu nin koÌma an omtit rang an nia, male nin nuom titika nin san thei. Aniatachu keima chu nin koÌm hin omtit no ning. 8 Amanu hih a theidoÌrin a tho ania; ka takpum hih phuÌm ranga lei chereÌla mirimhoi a lei buok ani. 9 AtuÌn hin, adiktakin nangni ki ril, rammuol pumpuia Thurchisa an misiÌrna muntina hinu sintho khom hi an riettitna rangin misiÌr sa ngaÌi an tih,” a tia. 10 Hanchu ruoisi soÌmleinik ngei laÌia mi inkhat, Judas Iscariot han Jisua a minsuÌr theina rangin ochaisingei koÌm ava sea. 11 A ti rang an lei rieta an raÌiasaÌn sabaka, male sum peÌk rangin an inkhaÌma. Masikin Judas han Jisua ha an kuta a baÌng theina rangin chuminreÌn a rok zoi. 12 Khohoia Cholboi VaÌipoÌl bukhalaÌi otni suÌn masatak han, KalkaÌn KuÌt bukhalaÌi otna ranga belritengei an that ngaÌi ni han a ruoisingeiin a koÌm, “Nangma rangin KalkaÌn KuÌt bukhalaÌi hih khonmo nang va minsuÌk pe unglang nu nuom?” tiin an rekela. 13 Hanchu a ruoisingei mi inik hi rilnangei lehin a tiÌr ngeia: an koÌm, “Khopuiliena se ungla, male pasal tui-uÌm rokot nangni intongpui atih. Ama hah juÌi ungla 14 a luÌtna taka in pumapa koÌm han: ‘Minchupu’n, khonmo ku ruoisingei le KalkaÌn KuÌt kin saÌkna rang khaÌltan hih?’ a ti, va ti roi. 15 Hanchu ama rengin khaÌltan chunginchuon inzar lienpa, neinun aom sai, mintuodir sai nangni min muÌng a ta, mahan eini rangin va minsuÌk roi,” a tia. 16 Ruoisingei ha an inpheÌta, khopuilien han an sea, Jisua’n a ril ngei anghan neinun murdi ha an va mua; KalkaÌn KuÌt bukhalaÌi hah an va minsuÌk zoi. 17 Kholoi ahongni lehan, Jisua hah ruoisi soÌmleinik ngei leh an se zoia. 18 DosaÌnga bukhalaÌi an ot laÌitakin Jisua’n, “Nangni ki ril; nin laÌia mi inkhat, ko koÌma saÌk mi saÌkpuipu leleÌ hin ni minsuÌr atih” a tipe ngeia. 19 Ruoisingei an mulungduÌk atoÌng pe ngeia, male inkhat suole inkhat adoÌnin, “Adiktakin keima mo mi ni tina?” tiin an rekel paka. 20 Jisua’n an koÌm, “Nangni soÌmleinik ngei laÌia inkhat, maÌiraÌnga a vaÌipoÌl mi michie puipu hi ani. 21 Pathien Lekhabu’n, Miriem NaÌipasal hih a thi ranga a lei ti anghan a thi rang ania; hannirese Miriem NaÌipasal minsuÌrpu chungroi chu aÌntak sabak rang! Ma miriem rangin chu aÌnzir loi nisenla chu ama rangin asa uol rang ani!” tiin a thuon ngeia. 22 An saÌk laÌitakin, Jisua’n vaÌipoÌl haÌr a laÌka, chubaithoÌn raÌisaÌnchong a rila, maha a khoia, male a ruoisingei koÌm maha a peÌk ngeia. “LaÌk ungla saÌk roi,” ama’n, “ma hih ka taksa ani,” a tia. 23 Hanchu kilaÌt a laÌka, Pathien koÌm raÌisaÌnchong a rila, male maha a peÌk ngeia; male anreÌngin an neÌk pak zoi. 24 Jisua’n an koÌm, “Ma hih ki thisen mi tamtak ranga asuok, Pathien chonginkhitna athar mindetna ani. 25 Nangni ki ril, Pathien ReÌngrama uain thar ke neÌk ni atung maÌka chu hi uain hih neÌk noÌk khaÌi noning” a tia. 26 Hanchu minpaÌkna laÌ inkhat an thoa, Olive Muola an se zoi. 27 Jisua’n an koÌm, “Nin reÌngin rot riei nin ta, ni maÌk riei nin tih, Pathien lekhabu’n, ‘Pathien’n belrihoÌlpu hah that a ta, belringei ha chekinchaÌi chit an tih’ ati sikin. 28 AninaÌkachu aringin keÌn thoinoÌk suole chu Galilee rama nin motona lei se ki tih,” a tia. 29 Peter’n a koÌm, “Adangngei naÌmin nang maÌksan riei khomsenla ngeia, keiman chu nang maÌksan tet no ning!” tiin a thuona. 30 Jisua’n Peter koÌm, “Nang ki ril avien jaÌn voinik aÌrkhuong maÌn nangman voithum mi ipdel ni tih,” a tipea. 31 Peter’n chong angar uolin a thuona, a koÌm, “Ni thina thisa rang khom ni ronga nang ipdel tet noning!” a tia. Male ruoisi adangngei naÌm khomin ma angdeÌnin an ti paka. 32 Gethsemani an ti mun hah an hong tunga, male Jisua’n a ruoisingei koÌm, “Chubai ko tho suÌngkaÌr chu mahin lei insung roi,” a tipe ngeia. 33 Peter, Jacob le John ngei hah a koÌm a tuong ngeia, asaÌn rathaÌnvaiin a mulungduÌk atong tataka, 34 male an koÌm, “Ku mulungduÌk ana rai sikin thi rang angin ke ko om zoi. Mahin om ungla male inningchienin om roi” a tipe ngeia. 35 Amoton tieng ava se uol vieta, pila aÌnboka, male ha tuongna rang zora ha anitheiin chu a loÌi theina rangin chubai a thoa. 36 “Pa,” “O ka Pa! Nangma rangin chu neinunngei murdi anithei let. Hi tuongna kilaÌt hih ko koÌm renga mi khaÌi pai pe roh. Aniatachu keima ka racham niloiin nangma na racham tak nirse,” tiin chubai a thoa. 37 Hanchu a hongkiÌra, male ruoisi inthum ngei hah an innin a hong mu ngeia, Peter koÌm han “Simon, na la in tit mo? Konta khat luo amengin nin om thei loi mo?" 38 Male an koÌm, “Huongna nin luÌt loina rangin inningchienin om ungla, male chubaitho roi. Ratha’n chu a nuoma, hannirese taksaÌn chu phaÌri mak” a tipe ngeia. 39 VeÌlkhat a va se noÌka, male chongbaÌingei a ti deÌn hah va tiin chubai ava tho noÌka. 40 Hanchu a ruoisingei tieng a hongkiÌr noÌka, male an lei in deÌnin a hong mu ngei noÌka; an mitngei reng meng thei khaÌi maka. Male a koÌm ti rang khom riet khaÌi mak ngei. 41 Avoithumna a hongkiÌr noÌkin chu an koÌm, “AtuÌn ten khom soÌlinngamin nin la in deÌna? Ahun zoi! Azora ahong tung zoi! En ta u, atuÌn Miriem NaÌipasal hih mi nunsiengei sinthotheina kuta bangin aom rang ani. 42 Inthoi ungla, se ei tih u zoi. En ta u, mahin mi minsuÌr rangpu hih a hong naÌi zoi!” a tipe ngeia. 43 Jisua a la chong laÌitakin, a ruoisi soÌmleinik ngei laÌia Judas hah a hongtung kelena. Ama leh ochaisingei, Balam minchupungei le upangei leh lokongei an hongtiÌr ngeia, khandaingei le molbongngei choÌiin an hongtunga. 44 A minsuÌr rangpu han, “A bieng ku tum tak hah nin rokpu hah ani, suÌr ungla male tuong kelen roi, enkol roi” tiin minsinna a lei ril ngei sai ani. 45 Judas a hongtung harenghan, Jisua koÌm ava se kelena, “Minchupu!” tiin a bieng a tum pea. 46 Masikin Jisua hah an suÌra male an khitbel zoi. 47 Hataka inding ngei laÌia mi inkhatin a khandai a keÌlsuoa male Ochai Inlaltak suok, a kuor a tukthaÌk pe zoi. 48 Hanchu Jisua’n anni ha a rokoÌka, an koÌm “khandaingei le molbongngei choÌiin balampalpu suÌr rang angin mi suÌr rangin nin hong mo hi? 49 AniÌngtin Biekina nangni minchu rangin nin koÌm ko om ngaÌia, hannirese mi suÌr mak choia. Aniatachu Pathien Lekhabungei ahongtung adik ngeÌtna ranga ani hi,” a tia. 50 Hanchu a ruoisingei han ama an maÌk raka, male an taÌn khip zoi. 51 Ruotharte inkhat, rosompuon leh vai invoÌn Jisua a juÌia. Ama khom suÌr sa rang an puÌta, 52 hannirese a puon hah maÌkrakin a korongin a taÌnpat zoi. 53 Hanchu Jisua hah Ochai Inlaltak ina an tuonga, mahan ochaisingei naÌm le Balam minchupungei le upangei khom an hong intuÌp sa kelena. 54 Peter’n alazanna renga a juÌia, Ochai Inlaltak khalaÌidung deÌnin a sea. Mahan a rungpungei laÌia mei ava uota. 55 Ochaisingei le roijeÌkpungei murdi han Jisua an that theina rangin a minchaÌina an man theina rang abi an mazama, aniatachu ite man mak ngei. 56 Rietpuipungei tamtakin Jisua doiin milakin an noÌnna, hannirese, an noÌnna thurchingei hah intok thei mak. 57 Mi senkhat an indinga male Jisua doiin milakin an noÌnna: 58 “Hi mi hin, miriemin an lei sin ‘Biekin hih set ka ta, male suÌnthumin adang inkhat kuta sin niloi in minding ki tih’ a ti kin riet” an tia. 59 Nikhomrese, ma an noÌnna thurchingei hah khom intok uol maka. 60 Ochai Inlaltak hah an renga an moton han a vaÌndinga, male Jisua koÌm chong a rekela, “Nang an noÌnna roia hin ite thuonna no doÌn loi rang mo?” a tia. 61 Aniatachu Jisua chu a daÌireka, male chongbaÌi khat luo ti maka. AveÌlin Ochai Inlaltak han a koÌm, “Nangma ha Satvura om Pathien NaÌipasal, Messiah hah ni ni mo?” tiin a rekel noÌka. 62 Jisua’n a koÌm, “Ki ni,” male, “Miriem NaÌipasal hih RaÌtinchung chang tieng insungin, invaÌna suÌmngei laÌia juong nin reÌngin la muÌng nin tih!” tiin a thuona. 63 Ochai Inlaltak han a puonsilngei a potkheÌra, male “Rietpuipu adang reng naÌng khaÌi mak meh! 64 Pathien aÌnti le a rilsiet ti chu nin riet zoia. Imo nin roimasat?” a tia. An reÌngin ama an doia: ama hih theiloina a doÌna male that rang piel ani an ti paka. 65 Senkhat ngeiin a maÌi an michil phuta, a maÌi an hiÌp pea, male an jeÌma. A koÌm, “Mi ril roh tumo nang a jeÌm!” an tia. Male rungpungei han an tuonga male ama an beÌn zoi. 66 Peter hah thangtienga khalaÌidunga a la om laÌihan Ochai Inlaltak tiÌrlaÌm doÌngmate inkhat a honga. 67 Peter mei lei uot hah a mu lehan a enririna, a koÌm, “Nangma, khom Nazareth Jisua leh munkhata om ngaÌi ni ni nah” a tipea. 68 Hannirese Peter’n a ipdela, “Riet mu-ung Khoimo ni ti reng rietthei mu-ung,” tiin a thuona, male mokot peÌntieng ava joÌka. Masuole han aÌr akhuong kelen zoi. 69 TiÌrlaÌm doÌngmate han a va mu noÌka, a koÌla inding ngei koÌm han, “Hipa hih khom an laÌia mi inkhat ani sa!” a ti noÌka. 70 Aniatachu Peter’n a ipdel noÌk reÌka. Chomolte suole chu a koÌla inding ngeiin Peter koÌm, “Galilee rama mi ni ni sa sikin nang khom an laÌia mi ni ni khet,” tiin an deia. 71 Hanchu Peter’n an koÌm, “Chongtak rilin khomaÌk keÌn saÌm ani! Adik noÌnchu Pathien’n duÌk ni tho rese! Ma miriem nin ti chungroi hah riet reng riet tatak ngaÌi mu-ung!” a tia. 72 Masuole han aÌr voinikna ahong khuong noÌk zoia, male Jisua’n Peter koÌm han, “AÌr voinik akhuong maÌn nangman voithum keima hi riet ngaÌi mu-ung ni ti rang,” a tipe chong hah a hong rietsuok noÌka. Male a mulungakoi pea, a chap ngu-nguÌi zoi.