MATTHEW 8

1 Jisua hah taÌng renga a juong chum lehan chu mipui tamtakin an juÌia. 2 Hanchu a koÌm mi phaÌr inkhat a honga, a makunga khuÌkinbilin, “Pu, nu nuomin chu, mi ni minthieng thei,” a tia. 3 Jisua’n a kut a hongsoÌna, a toÌna, “Ku nuom, Inthieng ta roh!” tiin a thuona. Harenghan a phaÌr hah ahon thieng kelena. 4 Male Jisua’n a koÌm han, “RangaÌi roh! Tute ril no roh, hannirese, Ochai koÌm thengpat inla, va min en roh; hanchu mi murdiÌn na damzoi, ti an rietna rangin Moses’n inboÌlna peÌk ranga a lei khaÌmsai hah va peÌk roh a tipea." 5 Jisua capernaum khuoa a hong luÌtin chu, Rom raÌlmi ruoipu ahon tongpuia san rangin aÌnvuÌia: 6 “Pu, ki tiÌrlaÌm damloiin insuÌnga jaÌlmuna siÌnginsa theiloiin ana sabakin aom,” a tia. 7 Jisua’n, “Hong ka ta mindam ki tih,” a tia. 8 Ruoipu han a koÌm, “O Pu, ma anghan nimak,” tiin a thuona. “Ki ina chu nu luÌtna ngaÌi jaÌt nimak. ChongbaÌi korongin tiin la ki tiÌrlaÌm dam kelen a tih. 9 Kei khom ruoipu inchungtak rachamneina nuoia om ki nia, male ku nuoia khom raÌlmingei an oma. Mi inkhat koÌm, ‘Se roh!’ tiin chong ke peÌkin chu a se ngaÌia, midang inkhat koÌm ‘Hong roh!’ tiin chong ke peÌkin chu a hong ngaÌi; male ki tiÌrlaÌm koÌm khom, ‘Mahi sin roh!’ ki tiin chu a sin ngaÌi." 10 Jisua’n ma chong hah a rietin chu a kamaÌm sabaka, loko a juÌingei koÌm han, “Nangni ki ril, Israelngei laÌia khom tute hima doÌra taksoÌnna doÌn hi chu la mu tet ngaÌi mu-ung. 11 Adiktakin nangni ki ril, nisuo tieng le nitaÌk tieng renga mi tamtak hong an ta, Abraham, Isaac, Jacob ngei koÌm invaÌn ReÌngrama ruolhoia insung an tih. 12 Aniatachu ReÌngram naÌingei hah chu peÌntieng ijiÌnga paiin om an ta, male mahan chap le haÌ rielin om an tih." 13 Male Jisua’n raÌlmi ruoipu tiÌrlaÌm koÌm han, “Ni ina se ta roh, ni iem angin nata rangin sin niÌng atih,” a tia. Hanchu ma mit misim kongkaÌr han raÌlmi ruoipu tiÌrlaÌm hah a dam zoi. 14 Jisua hah Peter ina a sea, Peter tarpi jaÌlmuna jaÌlin ritun damloiin a juong mua. 15 Amanu kut hah a toÌn pea, a mintun hah a mathaÌna, male aÌnthoia a sin a tho pe zoi ani. 16 Kholoi ahong niÌnchu, mipui ngeiin, Jisua koÌm ramkhori suÌr mi tamtak an hong tuonga. Jisua’n chongbaÌiin ratha saloi ngei hah a notpaia, male damloi murdi khom an dam sa zoi. 17 DeÌipu Isaiah’n, “Ama leleÌn ei natna ngei a laÌk paia, ei damloina ngei a peÌl zoi,” tia alei misiÌr hah ahong tung adik theina rangin maha a tho ani. 18 Jisua’n mipui ngei an hong uÌm a muÌn chu, diÌl raÌl tienga inkaÌn rangin a ruoisingei chong a peÌk ngeia. 19 Balam minchupu a koÌm ahonga. “Minchupu,” “Ne sena muntina nangma leh se rangin inthoksai ki ni zoi,” a tia. 20 Jisua’n a koÌm han, “Sialngei kuo an doÌna, vangei khomin rubu an doÌna, aniatachu Miriem NaÌipasal chu a lu minngamna rang luo doÌn mak,” tiin a thuona. 21 Midang inkhat, ruoisi laÌia mi han a koÌm, “Pu, insuÌnga mi min se noÌk inla, ka pa la vaphuÌm bak hi rong,” a tia. 22 Jisua’n a koÌm han, “Ni juÌi roh, mithi ngeiin an mithi champui chu phuÌm rese ngei,” tiin a thuona. 23 Jisua rukuong chunga a chuonga, a ruoisingei khom ama leh an se sa. 24 Inningloiin phaÌivuopui raÌttak hah diÌl ahong dea, male rukuong hah ngiÌm rang doÌrin tuidaÌr aÌnsoka. Aniatachu Jisua chu a lei inphara. 25 Ruoisingei hah a koÌm an sea, an va kaithoia. “Pumapa, mi sanmojoÌk ta roh! kin thi rang keÌng ani zoi!” an tia. 26 Jisua’n an koÌm han, “Ithomo nin chi baÌka?” “Nin taksoÌna doÌn khom hi idoÌrtaka chiÌn mo ani zoi!” tiin a thuona. Hanchu aÌnthoia, phaÌivuopui le tuidaÌrinsok hah mong rangin chong a peÌka, male chu aÌnthim ngung zoi. 27 Mi murdi’n an kamaÌm sabaka, “Hi mi hih kho anga miriem mo ani hi? PhaÌivuopui le tuidaÌrinsok ten khom a chong an joÌm hi!” an tia. 28 DiÌl raÌl tieng Gadara rama Jisua a hongtung lehan, ramkhori suÌr mi inik thaÌn renga hongsuok ngeiin an intongpuia, Ma ngei hah chi an om sikin ma lampuia han tute se ngam ngaÌi mak ngeia. 29 Harenghan anni hah an in-ieka, “Pathien NaÌipasal, imo mi lo rang ni ti? Zora khaÌm atung maÌn duÌk mi tho ranga juong mo ni ni?” an tia. 30 Ala baÌkloina han vok paÌlpa saÌk rok an oma. 31 Masikin ramkhoringei han, “Mi ni rujuÌl rangin chu vok paÌlngei suÌnga son mi min se roh,” tiin Jisua an ngeÌna. 32 Jisua’n, “Se roi,” a tipe ngeia; hanchu an joÌka, vokngei suÌnga an va luÌta. Vok paÌl murdi hah diÌl rakham roÌlsora an taÌnna, diÌla an taÌkriei zoi ani. 33 Vok donsuÌi mingei hah an taÌnna, khopui suÌnga an sea, a thurchi anreÌngin an va misiÌra, ramkhori suÌrngei chunga neinun omtie ngei murdi khom hah an va misiÌr zoia. 34 Masikin khopui renga mi murdi Jisua intongpui rangin an suoka; male an va mua anin chu, an ram renga joÌkpai rangin an ngeÌn zoi.