MATTHEW 2

1 ReÌng Herod aÌnlal laÌihan Judea rama Bethlehem khopuia Jisua ajuong inzira. AÌnzirsuo, harenghan, aÌrsi tienga lekha inchuÌ ngaÌi mivaÌrngei senkhat nisuotieng renga Jerusalema an juonga 2 “Khotieng mo Judangei reÌng ajuong inzir naÌitesen hah a om? Nisuo tienga ama aÌrsi kin mua, ama chubaimuÌk rangin kin juong ani,” an tia. 3 Ma roi hah ReÌng Herod’n a rietin chu, a mulungjiÌng sabaka, Jerusalema mi murdi khom an mulung ajiÌng sa ani. 4 Ochaisingei le Balam minchupungei murdi munkhatin a koibuÌm ngeia, an koÌm han, “Khotieng mo Messiah aÌnzir rang?” tiin a rekel ngeia. 5 Hanchu, anni han a koÌm, “Judea ram Bethlehem khopuia,” tiin an thuona, DeÌipu’n hi anghin a lei mizieka: 6 “Judah ram suÌnga Bethlehem, nangma Judah khopuilienngei laÌia achiÌntak ni tet mak che; na suÌng renga ruoipu alaÌn zir rang ani, ki mi Israelngei ruoi rangpu hah." 7 Masikin Herod’n nisuo tienga mivaÌrngei hah a koi ngeia, aÌrsi aÌnlang zora tak hah anni renga a man theina rangin inruÌkteÌn aÌntongpui ngei zoi. 8 Hanchu hi chong hih beÌ‘n anni hah Bethlehem’a a tiÌr ngei: “Se ungla, naÌite hah asadimin va rok ungla, nin muÌn chu mi hong ril noÌk roi, masikin keima khom ama chubaimuÌk ke se theina rangin,” a tia. 9 Hanchu an maÌka, male an lampuia an sea, nisuo tienga aÌrsi deÌn hah an mu noÌka. AÌrsi hah an muÌn chu an raÌiasaÌn sabaka, idoÌr taka raÌisaÌn mo an ni zoi! NaÌite omna chung ridiÌn aphaÌk maÌka chu inngam loiin an moton a ruoi ngei banga. 11 InsuÌnga an va luÌta, male a nu Mary leh naÌite hah an va mua, khuÌkinbilin chubai an muÌk zoi. NeinunpeÌk ranga an choÌi, raÌngkachak, bero le myrrh (murrah) an kaisuoa, a koÌm an peÌk zoi. 12 Hanchu, Herod koÌm tieng se noÌk khaÌiloi rangin an ramangin Pathien’n inningna a peÌk ngei sikin lampui danga an ram tieng an kiÌrnoÌk zoi. 13 Hanchu, anni ngei hah an maÌk suole chu, Pumapa vaÌntiÌrton inkhat Joseph koÌm ramangin ajuong inlaÌra, a koÌm han, “Herod’n naÌite that rangin a rok rang keÌng. Masikin inthoi inla, naÌite le a nu hah tuong inla, Egypt rama rotpui ngei roh, hong noÌk rangin nang ki ril maÌka chu mahan omchien roi,” a tia. 14 Joseph aÌnthoia naÌite le a nu a tuong ngeia, hani jaÌn renghan Egypt ram an pan kelen zoi. 15 Herod thi maÌka chu mahan an omchien zoi. Pumapa’n deÌipu baÌia, “Ka naÌipasal chu Egypt ram renga ko koi suok,” a lei ti hah ajuongtung dikna rangin maha ahong om ani. 16 Herod’n nisuo tienga mivaÌrngei han an huong ti a rietin chu a ningathik sabaka. MivaÌrngei koÌm renga aÌrsi aÌnlang zora roi a riet dungjuÌiin Bethlehem le a reveÌla naÌipang pasal kumnik nuoitienga murdi chu that riei rangin chong a peÌk zoi. 17 DeÌipu Jeremiah’n a lei misiÌr: 18 “Ramah khuoa in-iek miring rietin aoma, RangaÌisie taka chap miring hah. Rachel’n a naÌingei ranga a chaÌ; amanu hah taÌi thei khaÌi mak an thi pe zoi sikin,” ti hah ahongtung zoi ani. 19 Herod a thi suole chu, Pumapa vaÌntiÌrton inkhat Egypt rama Joseph koÌm ramangin aÌnlaÌra, 20 a koÌm, “Inthoi inla, naÌite le a nu hah tuong inla, Israel rama se noÌk ta roi, naÌite that ranga boÌkngei hah an thi zoi,” a tia. 21 Hanchu, Joseph aÌnthoia, naÌite le a nu a tuonga Israel rama an se noÌk zoi. 22 Aniatachu, Archelaus a pa Herod ruthuÌlin Judea rama reÌng a chang ti Joseph’n a rietin chu ha taka se hah a chia. A ramangin rilin a om noÌka, masikin Galilee ramhuol tiengkaÌng han an sea 23 khopui inkhat Nazareth an tia han anva om zoi. Hanchu deÌipungeiin, “Ama hah Nazareth mi tiÌng an tih,” tia an lei ti hah adikin ahongtung ani.