John 4

1 Phariseengei han John neÌkin Jisua ruoisi atam uol, ama’n tui leh mi a baptis a min tam uol ti an riet zoia. 2 (Adikin, Jisua’n chu tute baptis maka; a ruoisingei vaiin ke mi an baptis ngaÌi ani.) 3 Masikin Jisua’n ha anga an ti hah a rietin chu Judea ram a maÌka Galilee tieng a kiÌr noÌka; 4 a se tieng Samaria ram palin a se rang anaÌng ani. 5 Samaria ram suÌnga han khopui inkhat Sychar an ti han a hong tunga, Jacob’n a naÌi Joseph mun a peÌkna koÌl hah ani. 6 Jacob tuikuong khom mahan aoma, Jisua’n a lam loÌnna a soÌl sikin ha tuikuong koÌla han aÌnsung raka, ma hah suÌnchimripa ani. 7 Samaria nupang inkhat tuithaÌl rangin a honga, male Jisua’n a koÌm, “Tui neÌk rang mi peÌk roh,” a tipea. 8 (A ruoisingei chu saÌkruo rochoÌk rangin khopui suÌnga an sea). 9 Nupangnu han a koÌm, “Nangma Juda mi ni nia, keima Samaria nupang ki nia, kho-angin mo tui neÌk rang mi ni zong hi?” (Judangei han khuri mo, khuriaÌi mo, Samaria mingeiin an mangna chu mang ngaÌi khaÌi mak ngei.) 10 Hanchu Jisua’n a thuona, “Pathien neinunpeÌk le buong rang mi peÌk roh tipu hi ni riet nisenla chu, nangman keng a koÌm zong na ta; hanchu, ama’n ringna-tui nang a peÌk rang ani,” a tia. 11 Nupangnu han a koÌm, “Pu, tui thaÌlna laka ite doÌn mak chea, tuikuong lak aÌnthuÌk zana. Khotieng mo ringna-tui na man rang? 12 Kin pu Jacob’n hi tuikuong hih mi peÌka; ama le a naÌingei le a saÌ vaÌi ngei murdi khom ma renga hih an lei neÌk ngaÌi ani. Kin pu Jacob neÌkin no roiinpui uol mo?" 13 Jisua’n a thuona, “Tutu khom hi tui neÌk ngei chu an tui laÌn raÌl noÌk a ta, 14 Hannirese, tukhom an koÌma tui ke peÌk rang a neÌk ngei kai chu an tui inraÌl noÌk tet khaÌi no nih. Keiman tui ke peÌk rang chu, an suÌnga tuinaÌr hong chang a ta, tuinaÌr han ringna-tui le kumtuong ringna peÌk atih,” a tia. 15 Nupangnu han a koÌm, “Pu, ma tui hah ni peÌk roh! ku tui aÌnraÌl khaÌi loina rang le hi tena laÌ tuithaÌl ko hong khaÌi loina rangin,” a tia. 16 Jisua’n ha nu koÌm han, “SeÌnla, no loÌmpa va koi inla, hong noÌk roh,” a tipea. 17 Nupangnu’n a koÌm, “LoÌmpa la doÌn mu-ung,” tiin amanu han a thuona. Jisua’n chong a melea, “LoÌmpa doÌn mu-ung, ni ti hih, ni ti mindik ani. 18 Pasal rangnga in ne neipui zoia, male atuÌna no ompuipa khom hih no loÌmpa tatak nimak. Chongdiktak ni ni ril ani,” a tia. 19 Nupangnu han a tia, “Pu, deÌipu ni ni ti ki riet." 20 “Kin Samari richibulngeiin chu hi taÌnga hin Pathien chubai an muÌk ngaÌi, aniatachu, nangni Judangeiin chu Jerusalema Pathien chubai kin muÌk ngaÌi ani, nin ti ngaÌi." 21 Jisua’n, nupangnu koÌm han a tipea, “Nupangnu, keima mi iem roh, hi taÌng le Jerusalem ngeÌt ni loi khomin mingeiin Pa chubai an muÌk zora la tung atih. 22 Nangni Samari mingeiin chu nin riet loi chubai nin muÌk ngaÌi; aniatachu keini Judangeiin chu kin riet ke chubai kin muÌk ngaÌi ani, sanminringna hih Judangei renga hong suok keÌng ani sikin. 23 Hannirese azora atung rang ani zoi, male atuÌn khom atung tir ani zoi, ma tikin chu Pathien chubaimuÌk ngeiin Ratha le Chongtakin Pa chubaimuÌk an tih, Pa’n ma anga mingei ha ama chubaimuÌk rangin a nuom ngaÌi ani. 24 Pathien chu Ratha ania, ama chubai muÌk ngeiin Ratha le chongtakin chubai an muÌk rang ani,” a tia. 25 Nupangnu han a koÌm, “Messiah la juong atih, ti ki riet, a juong tikin chu neinunngei murdi mi ril atih,” a tia. 26 Jisua’n a thuona, “Keima nang chongpuipa hih, ama hah ki ni,” a tia. 27 Ma laÌitak han a ruoisingei an hong kiÌr noÌka, nupang leh an chong an mua an kamaÌm sabaka. Aniatachu, tuteÌn ha nu koÌm han, “Imo no zong?” aninoÌnchu ama koÌm, “Ithomo nupang no chongpuia?” tiin khom ite rekel mak ngei. 28 Hanchu nupangnu hah a tuibeÌl maÌkrakin khopui suÌnga a kiÌra, male mingei koÌm, 29 “Ki sin lei tho ngei murdi a ril thei let mi inkhat a oma, hong en ta u, Messiah ni thei ni mo?” a tia. 30 Masikin khopui renga an honga Jisua koÌm an va se zoi. 31 Ma zoratak han ruoisingeiin, “Minchupu, saÌk-saÌk bak hi roh!” tiin an lei ngeÌna. 32 Nikhomsenla Jisua’n, “Nin riet loi bu neÌk rang ko doÌn,” tiin a thuona. 33 Masikin ruoisingei han anni leh anni anin rekela, “MiÌn bu an hong choÌi pe mini?” an tia. 34 Jisua’n an koÌm, “Mi tiÌrpu lungdo sin le a sin zoi rang hi ku bu tuitak ani, a tipe ngeia. 35 Nangnin chu, ‘Bu aÌtna rang tha minli ala om nin tia.’ Aniatachu nangni ki ril, loingei so en sabak ta u; atuÌn renga aÌt rangin bungei an min zoi! 36 A aÌtpu’n chu rathaman a man ngaÌia, kumtuong ringna deÌna om rangin amara a mintuÌp ngaÌi; masikin a lingpu le a aÌtpu an raÌisaÌn aÌnruol theina rangin. 37 ‘Mi inkhatin a linga, mi dangin a aÌt ngaÌi,’ ti hi adik ani. 38 Nin sin loina muna nangni ki tiÌr; mi dangin an sina, an sin sai hah nin aÌt ani,” a tia. 39 Nupangnu han, “Ki sin lei tho ngei murdi ni ril let,” tiin a thurchi a misiÌr pe ngei sikin Samari khopui mingei, mi tamtakin Jisua an iem zoi. 40 Masikin, Samari mingei ha Jisua koÌm an honga, an koÌm om rangin an ngeÌna, male Jisua’n ha khopui han suÌnnik a chaÌm zoi. 41 Midang tamtakin khom a thurchi misiÌr sikin an iem sa zoia, 42 male anni ngei han nupangnu koÌm, “AtuÌn chu mi ni misiÌr pe sika ni loiin keini leleÌn a thurchi misiÌr kin rieta, hi mi hih rammuol sanminringpu ani khet ti kin riet zoi,” an tia. 43 Ma khopui han suÌnnik a chaÌm suole chu a maÌka Galilee rama a se zoi. 44 Jisua’n ama rang nanaÌk aÌn tia, “DeÌipungei chu an ram nanaÌka chu miritin om ngaÌi mak ngei,” tiin. 45 Galilee rama a tungin chu mipuingeiin an lei phaÌm tataka, Jerusalema KalkaÌn KuÌt han inchelin Jisua sintho ngei murdi ha an mu sikin. 46 Hanchu, Jisua ha Galilee rama Cana khuoa tui uain a min changna han a hong noÌka, sorkaÌr ulien inkhat a oma, a naÌipasal Capernaum khuoa dam loiin a om ani. 47 Jisua Judea ram renga Galilee rama a hong ti a riet lehan a koÌm a sea, Capernaum khuoa sea, a naÌipasal juong mindam rangin Jisua a ngeÌna, a naÌipasal hah a thi vang zoi ani. 48 Jisua’n an koÌm, “SininkheÌlngei le neinun kamaÌmomngei nin mu noÌnchu tuteÌn iem no tu nui,” a tipe ngeia. 49 SorkaÌr ulien han, “Pu, ka naÌipasal a thi maÌn ni juong pe roh,” tiin a thuona. 50 Jisua’n a koÌm, “Se noÌk ta roh, na naÌipasal a dam zoi!” a tipea. Ha mi han Jisua chongngei ha iem pumin a se zoi. 51 Hanchu a in a pan laÌiin lampuia a tiÌrlaÌmngei leh annin tonga, “Na naÌipasal a dam zoi!” an tipea. 52 Ama’n an koÌm, a naÌipasal lei dam zora tak hah a rekel ngeia, annin a koÌm, “Mazan chonuÌktieng daÌrkhat inring han a mintun a lei mathaÌn zoi,” an tipea. 53 Hanchu, a pa han Jisua’n a koÌm, “Na naÌipasal a dam zoi,” a tipe zora tak hah ani ti a riet zoi. Masikin ama le a inmingei anreÌngin an iem zoi ani. 54 Ma hah Jisua’n Judea ram renga Galilee rama a hong suo nuÌka a sininkheÌl sin avoinikna ani.