John 16

1 “Nin taksoÌnna nin maÌk loina rangin mahi nangni ki misiÌr pe ani. 2 Synagogngei renga nangni la khaÌipai an ta, nangni that ranga boÌk ngei han Pathien sin an tho anga an inbe zora la tung atih. 3 Mingeiin nin chunga hima anghan la thoÌng an tih, Pa le keima min riet loi sikin. 4 Hannirese mahi nin koÌm ke lei misiÌr ani, masikin ma neinunngei tho ranga an zora ahong tung tikin, nangni ke lei misiÌr pe zoi ti nin riettit theina rangin. Ratha Inthieng sintho “Hi neinunngei hih aphut renga nangni ka la ril loi ani, nin koÌma ka la om sikin. 5 Aniatachu, atuÌn chu mi tiÌrpu koÌm ke se rang keÌng ani zoi, hannoma nin laÌia tuteÌn ke sena rang merkel mak chei. 6 Male atuÌn nangni ki misiÌr pe lechu nin mulungngei duÌkin asip zoi ani. 7 Aniatachu chongdiktak nangni ki ril: ke se hah nangni rangin chu asa uol ani, ke se noÌnchu Sanpu hah nin koÌm juong no nih. Hannirese ke seÌn chu ama hah nin koÌm juongtiÌr ki tih. 8 Male a juong tung tika chu sietna tieng mo, chong dika mo, Pathien roijeÌkna tieng mo theiloi an chang tie hah rammuol mingei koÌm min muÌng atih. 9 Sietna tieng theiloi an chang ani, keima min iem loi sikin; 10 chong dika khom theiloi an chang ani, Pa koÌm ke se rang sik le mi nin mu khaÌi loi rang sikin; 11 male roijeÌkna tieng khom adikloi an chang ani, hi rammuol roijeÌkpu khom jeÌkin aom zoi sikin. 12 “Nangni misiÌr pe rang tamtak ka la doÌn, aniatachu atuÌna rangin chu ariet nangni laÌntak pe rai atih. 13 Nikhomrese, Ratha, Pathien chongtak minlang ngaÌipu hah a juong tika chu chongtak ngei murdia nangni ruoi min luÌt atih. Ama rachamin ite misiÌr no nia, a riet ha keÌng a misiÌr rang male ahong tung rang neinunngei ha nangni ril atih. 14 Ama han roiinpuina mi peÌk atih, ko chong ti ngei hah laÌk a ta, nangni a ril rang sikin. 15 Ka Pa’n a doÌn ngei murdi chu kata ani; masika han keÌng Ratha han ke peÌk hah laÌk a ta male nangni ril atih, ki ti ani. 16 “ChomolteÌn chu mi mu khaÌi no tunuia, male chomolte suole chu mi mu noÌk nin tih,” a tia. 17 A ruoisingei senkhatin anninanaÌkin annin rekela, “Ei koÌma a thurchi misiÌr hi imo a tina? Chomolte chu mi mu no tunuia, chomolte suole chu mi mu noÌk nin tih; a tia male, ‘Pa koÌm ke se rang sikin’ khom a ti hi, an tia. 18 ‘Chomolte’ a ti hih imo a tina? A misiÌr hih ei riet thei loi keÌng!” an tia. 19 Jisua’n ama chong rekel rang an joÌt ti a rieta, an koÌm, “Chomolte chu mi mu no tunuia, chomolte suole chu mi mu noÌk nin tih,” ki ti ha mo nangni nanaÌkin ni nin rekel inloÌm? 20 Chong diktak nangni ki ril: nangni chu chap le inruÌmin om nin ta, hannirese, rammuol chu taÌi atih; innguÌiin om nin ta, aniatachu nin innguÌina hah taÌinaÌn aÌnthuÌl rang ani. 21 Nupangin naÌiha a tuong laÌitak chu aÌn nguÌikhak ngaÌi, a duÌktongna zora ahong tung pe sikin; aniatachu naÌi a nei suole chu a duÌktong hah a mingil noÌk ngaÌi, naÌite rammuola juong suok hah a raÌisaÌnpui sikin. 22 Nangni khom ma anghan nin ni: atuÌn chu innguÌiin nin oma, aniatachu nangni mu noÌk ki tih, nin mulungriÌl raÌisaÌnnaÌn la sip atih. Ma raÌisaÌnna ha chu tuteÌn nangni sut thei khaÌi no ni ngei. 23 “Ma nikhuo hah ahong tungin chu ite mi rekel khaÌi no tunui. Chongdiktak nangni ki ril: ki riminga nin zong kai chu Pa’n nangni peÌk atih. 24 AtuÌn tena chu ite ki rimingin la zong mak choia; zong ungla man nin tih, nin raÌisaÌnna akip theina rangin. 25 “Ha neinunngei hah minteÌknangei chongin nin koÌm ki misiÌr ani. Aniatachu, minteÌknangei chong mang loiin aÌnlangiemin Pa chungroi ha nin koÌm ki misiÌr zora ala hong tung rang. 26 Ma nikhuo hah ahong tungin chu, ki rimingin Pa koÌm zong nin ta; male keiman Pa koÌm nin ruthuÌlin nangni zong pe ki tih ki tina nimaka, 27 Pa leleÌ han nangni a lungkham ngaÌi. Keima mi nin lungkham sik le Pathien renga juong ki ni, ti mi nin iem sikin nangni a lungkham ngaÌi ani. 28 Pa koÌm renga ku juonga, male rammuola ku juong ani; male atuÌn chu rammuol maÌkin Pa koÌm ke se noÌk rang ani zoi,” a tia. 29 Hanchu a ruoisingei han a koÌm, “AtuÌn chu aÌnlangiemin ni misiÌra, minteÌknangei chong reng mang khaÌi mak chea. 30 AtuÌn chu neinuntin ni riet let tiin kin riet zoi; tute koÌm ite ne rekel ngei rang naÌng mak che. Hima sika hin Pathien renga juong ni ni tiin kin iem zoi ani,” an tia. 31 Jisua’n an koÌm, “AtuÌn chu nin iem mo zoi? 32 Azora ahong tungtir zoi, anaÌikik zoi, matikin chu chekinchaÌi var nin ta, nin in, nin ina se nin ta, ke theivaiin mi maÌkrak nin tih. Hannirese Pa hah ko koÌm aom sikin ke theivaiin chu ni no ning. 33 Masikin keima leh inpumkhata omin rathaÌnngamna nin doÌn theina rangin hi chong hih nangni ki misiÌr pe ani. Rammuolin intak nangni min tuong atih. Hannirese haÌitakin om roi! Keiman rammuol ke mene zoi ani,” a tia.