John 12

1 KalkaÌn kuÌt rang suÌnruk motona Jisua chu thina renga a kaithoi Lazarus omna Bethany khuoa a sea. 2 Ama rangin kholoibu neÌk rang an mintuo pea, Martha hah bu-an, semin a san ngeia, Lazarus chu dosaÌnga Jisua bukhalaÌi otpui ngei laÌia inkhat ani. 3 Hanchu Mary’n nard sariek mirimhoi man luttak liter in-ang a hong choÌia, Jisua ke a buoka, a sam leh a ke a huÌi pea. Ha sariek mirimhoi han insuÌng pumpui asip zit zoi. 4 Jisua ruoisingei laÌia inkhat Judas Iscariot, ama a minsuÌr rangpu han, 5 “Hi sariek mirimhoi hih ithomo duli razanthumin juorin male inrieng ngei koÌm a peÌk loi?” a tia. 6 Hi chong hih inrieng ngei rang lunghaÌng aÌn shak sika a ti nimaka, inru ani sika ani. Ha mi han sumkok a choÌia asuÌnga sum hah ama rangin a laÌk ngaÌi sikin ani. 7 Aniatachu, Jisua’n a koÌm, “RokoÌk no roh! a doÌn hih phuÌma ko om nia rangin reÌ rese. 8 Inrieng ngei chu nin koÌma om tit rang an ni, kei chu nin koÌm om bang no ning,” a tia. 9 Mi tamtakin Bethany khuoa Jisua a om ti an rietin chu Jisua mu rangin le Lazarus Jisua’n thina renga a kaithoi noÌkpu mu sa rangin an sea. 10 Hanchu Ochaisingei han Lazarus khom that sa rangin an boÌka, 11 ama sika Juda tamtakin anni ngei hengin Jisua an iem zoi sikin. 12 AnangtuÌka chu KalkaÌn kuÌt khohoia hong loko tamtakin Jisua Jerusalema a hong ti an rieta. 13 Masikin letuÌmbuongei an choÌia ama lamdon rangin an sea, “Hosanna! Pumapa riminga juongpu chu Pathien’n satvur rese! Pathien’n Israel ReÌngpa satvur rese!” tiin an inieka. 14 Jisua’n sakuording inkhat a mua, a chunga a chuonga, Pathien Lekhabu’n ati anghan, 15 “Chi no roh, Zion khopuilien! Ne ReÌng hah sakuordingte, chunga chuongin a hong ani." 16 Ha chong hah aphut han chu a ruoisingeiin riet thei mak ngeia; aniatachu Jisua inlaltakin inthoiin a om suo tena chu Pathien Lekhabu’n ama chungroi a lei miziek ani ti le a chunga ha anga han an lei tho ti an riet zoi. 17 Jisua’n Lazarus thaÌn renga a koi suoka, thina renga a kaithoi laÌia mipui om ngei han a thurchi an misiÌr tir zoia. 18 Ha sininkheÌl hah an riet sikin mipui ngeiin an lei don ani. 19 Hanchu Phariseengei han, “En ta u, ite chang khaÌi mak me! En roi, rammuol pumpuiin ama keÌng an juÌi zoi hi!” an tia. 20 Khohoia Pathien chubaimuÌk ranga Jerusalema hong se ngei laÌia han Greekngei senkhat an oma. 21 Anni ngei han Philip (Galilee rama Bethsaida khuo mi) koÌm an sea, “Pu, Jisua mu kin nuom,” tiin an ngeÌna. 22 Philip a sea male Andrew ava rila, male anruonin an sea, Jisua an va rila. 23 Jisua’n an koÌm, “Miriem NaÌipasal inlaltaka a om zora atung zoi. 24 Chongdiktak nangni ki ril: buhuÌm pila a taÌka athi noÌnchu aramalin aom chien ngaÌi, athin vai keÌng tamtakin aÌnra ngaÌi. 25 Tukhom an ringna moroi kaiin machaÌn an ta, tukhom rammuola an ringna min paÌm loi kaiin kumtuong ringna doÌn tit an tih. 26 Tukhom ki sintho nuom kaiin chu mi juÌi ngeÌt rese ngei, masikin ki sinthopu ngei chu ko omna an om sa theina rangin. Tukhom ki sintho ngaÌi kai chu ka Pa’n mirit tho ngei atih. 27 “AtuÌn hin ku mulung akaÌng male imo ki ti rang ani zoi? ‘Pa, hi zora hih ku chunga mi mintung pe no roh ki ti rang mini’? Aniatachu, hi duÌktuong rang piela juong ki ni, masika han hi duÌktuongna zora hih palin ke se rang ani. 28 Pa, ni riming roiinpuina juong mintung roh!” a tia. Hanchu invaÌn renga roÌl ajuon ringa, “Ko roiinpuina ku juong mintung zoi, la juong mintung noÌk ki tih,” a tia. 29 Lokongei a koÌla aÌnding ngei han ma roÌl hah an rieta, male an laÌia senkhatin, khuonri keÌng ani an tia, adangngeiin chu, “VaÌntiÌrtonin a chongpui keÌng!” an tia. 30 Aniatachu Jisua’n an koÌm, “Ma roÌl ha keima ranga ajuon ring nimaka, nangni ngei rang keÌng ani. 31 AtuÌn hin hi rammuol roijeÌkin aom rang zora ani zoi; hi rammuol roijeÌkpu khom hi atuÌn, pai niÌng atih. 32 Pilchung renga makhaÌiin ko om tikin chu mi murdi ki tieng kaikuoi ki tih,” a tia. 33 (Hi chong hih thina a tuong rangtie riet theina ranga a ti ani.) 34 Mipuingeiin a koÌm, “Kin Balam lekhabu’n Messiah chu tuonsoÌtin ring tit atih” tiin mi ril ngaÌi. Hanchu, kho angin mo nangman, “Miriem NaÌipasal hi taÌrin om atih, ni ti thei? Hi Miriem NaÌipasal hih tumo ani?” tiin an thuona. 35 Jisua’n a thuona, “VaÌr hi chomolte chu nin laÌia la om niÌng atih. VaÌr nin doÌn laÌiin leÌng roi, masika han ijiÌngin nangni adeÌ loina rangin; tukhom ijiÌnga a loÌnin chu a sena riet ngaÌi mak. 36 VaÌr nin doÌn laÌihin vaÌr hi iem ta roi, avaÌr mingei nin ni theina rangin,” a tia. Mingei iemloina Jisua’n hi chong hih a ti suole chu a thengpata, an mu thei loina ranga a vaÌnthup zoi. 37 An mitmua sininkheÌlngei tamtak a sin suonuÌk khomin anni ngei han ama iem mak ngeia, 38 masikin deÌipu Isaiah lei ti hah ahong tung adik theina rangin: “Pumapa, kin thurchi misiÌr tumo a iema? Tu chunga mo Pumapa’n arnak a minlang?" 39 Male masika hi an iem thei loi ani, Isaiah nanaÌkin a tia: 40 “Pathien’n an mit a mincho pe ngeia male an mulungboÌkngei khom a min moÌl pe ngei sa, masikin an mitin an mu loina rang, le an mulungboÌkngei khomin an rietthei loina rangin, male ko koÌm an hoÌnhei noÌk duoia, ke lei mindam ngei theina rangin, Pathien’n a tia." 41 Isaiah han Jisua roiinpuina a mu le a thurchi a misiÌr sikin hi chong hih a ti ani. 42 Nikhomsenla Juda rachamneipu tamtak ngeiin Jisua an iem zoia; hannirese Phariseengei sikin misiÌr minlang ngam mak ngeia, ma anghan ani noÌnchu synagog renga khaÌipaiin an om rang ani. 43 Pathien pomna neÌkin munisi pomna an min lut uol ani. 44 Jisua’n roÌl inringtakin a tia, “Tukhom mi iempu chu keima mi iem vai niloiin mi tiÌrpu khom a iem sa ani. 45 Tukhom keima mi mu chu mi tiÌrpu khom a mu sa ani. 46 Rammuola hin vaÌr angin ku juong ani, masikin tukhom mi iem ngei murdi chu ijiÌnga an om loina rangin. 47 Tukhom ku thurchi misiÌr a rieta a joÌm loi khom nisenla, keiman an roijeÌk no ning. Rammuol roijeÌk ranga juong ni mu unga, rammuol sanminring ranga juong keÌng ki ni. 48 Tukhom keima me henga, ku thurchi misiÌr pomloi ngei chu anni ngei roijeÌk rangin mi inkhat aom. Ku thurchi misiÌr ha suÌn nuÌktaka chu anni ngei roijeÌkpu la ning atih! 49 Mahi adik ani, asikchu Keima ka rachamin ite misiÌr ngaÌi mu unga, ka Pa mi tiÌrpu’n keÌng ki ti rang le ki misiÌr rang chong mi peÌk ngaÌi ani. 50 Male a chongpeÌk ngei chu kumtuong ringna ani ti ki riet. Masikin ki ti ngei hi Pa’n mi ril lam angtakin ki misiÌr ani,” a tia.