Jakob 3

1 Ka laÌibungngei le sarnungei, mi tamtak minchupungei chu hong chang no roi. Nin riet anghan eini minchupungei hih chu midangngei neÌkin aÌnngar uolin ei chungroi jeÌkin aom rang ani. 2 Ei reÌngin ei tho minchaÌi bang ngaÌi. Aniatachu miÌn a chong tina han a minchaÌi tet noÌnchu, ama hah achukphar ania, a takpumpui khom a donsuÌi thei ani. 3 Sakor hih chong ei min don theina rangin a baÌia lakam ei min muomin chu ei joÌtna titieng min se rangin atakpum ei mehei thei ngaÌi ani. 4 AninoÌnchu rukuong hih mindon ta u: alienpa aninaÌka chu phaÌivuo raÌtin a seÌmminleÌng khomin rukuongpu’n ameherna chiÌnte leh meheiin a nuomna tiengtak a min se ngaÌi ani. 5 Masikin melei khom hih: achiÌnte khom nirese, neinun lienngei chungroia aÌnsongpam thei ani. Mindon ngaÌn ta u, kho-angin mo meirisi chiÌnte hin ram pumpui akaÌng thei ngaÌi hi! 6 Melei hih mei angin ani. Ma hih rammuol dikloina sip, ei takpumngei suÌnga mun a luoa, male ei pumpuia saloina aminzara. MeidiÌl renga juong akoÌma mei lehan ei ringnun pumpui hih mei chunga adar ngaÌi ani. 7 Miriemin iring paraÌn dangngei murdi ram saÌngei, vaÌngei, aÌnvaÌkngaÌingei le ngaÌngei a vaÌimintep theia, a vaÌi ngaÌi zoi. 8 Aniatachu melei chu tuteÌn vaÌimintep thei tet ngaÌi mak ngei. Melei hih chu asaloi le donsuÌitheijaÌt niloi, thitheina tuÌra sip ani. 9 Ei nin ma hih ei Pumapa le Pa koÌm raÌisaÌnchongrilnaÌn ei manga, midang ngei Pathien anga sina ompu ngei khomaÌksaÌmna khomin ei mang sa ngaÌi ani. 10 Ma baÌi renga nanaÌk han raÌisaÌnchongrilna chongngei le khomaÌksaÌmna ngei ahong suok ngaÌi ani. Ka laÌibungngei le sarnungei, ma anghan chu ani rang nimak! 11 TuinaÌr inkhat nanaÌk renga han tui thum le tui khaÌ hong suok ngaÌi mak. 12 Ka laÌibungngei le sarnungei, theichang kunga olive inra thei ngaÌi mak; graperaÌnga theichang inra thei ngaÌi mak, michi khura khom tui thum musuo thei ngaÌi mak ani. 13 Nin laÌia mi vaÌr le rietna doÌn an om mo? NuninneÌm tak le vaÌr takin an sintho sa le an nunchan saÌn minlang rese ngei. 14 Aniatachu nin mulungriÌl suÌnga narsanangei, mulungkhaÌ le ranghuolna nin doÌnnin chu nin vaÌrna hah songin chongtak kalin nunsie tho no roi. 15 Ma anga vaÌrna hah chu invaÌn renga juong chum nimaka; rammuol ta, rathatienga niloiin ramkhori renga ani. 16 Innarsana le ranghuolna omna naÌma chu baÌiinkhamna le asaloi jaÌt murdi khom aom ngaÌi ani. 17 Aniatachu chungtieng renga vaÌrna chu motontaka aÌnthienga; inngeÌi a nuoma, a nunaÌnneÌma, chongpui a hoia, lungkhamna le sintho sa amaraÌn asipa, zenuolna le asarothol doÌn ngaÌi mak ani. 18 Satna hih inngeÌina mara, ma hih inngeÌina sinpu ngeiin chimungei an tuhna renga hong musuo ani.