Hebrews 2

1 Masikin tuong minmanga ei om loina rangin chongtak ei riet ngei hah ei suÌr mindet tit rang ani. 2 VaÌntiÌrtonngeiin ei richibulngei koÌma chongbe an lei mintung luo ha adika, tukhom a joÌmloi le a juÌiloi chu duÌk an manruo ngei chu an man kelen ngaÌi ani. 3 Hima doÌra sanminringna roiinpui vang hite lunghaÌng tho loiin om ila, kho angin mo eÌnthup thei ranga? Hi sanminringna hi aphut han Pumapa’n a phuonga, masuole ama riet ngeiin adik ani ti min minthaÌr pe ani. 4 Ma angdeÌn han Pathien khomin sininkheÌl jaÌt dadang le kamaÌmom neinun sinin le ama lungdoa Ratha Inthieng neinunpeÌkngei semin ma ngei hah rietpuipu a boÌksa ani. 5 Pathien’n vaÌntiÌrtonngei hah rammuol thar la hong om rang ei misiÌr chunga roijeÌkpu rangin dar mak. 6 ManeÌkin chu, khomuna mini Pathien Lekhabua lei ti anghan: “Miriem hih imo ania, O Pathien, ni mindon tit ngaÌi; Miriemngei khom hi imo no donsui tit ranga? 7 Anni hah chomolte rangin vaÌntiÌrton ngei neÌkin aÌnnuoi uolin ni sina, roiinpuina le miritnaÌn ni minkhuma, 8 male neinunngei murdi chunga roijeÌkpu rangin ni sin zoi.” Pathien’n miriem, “Neinunngei murdi chunga roijeÌkpu’n a sin” a ti sikin lam tina ahuom let ti aÌnthaÌr. Hannoma, atuÌn chu neinun murdi chunga roijeÌk mi la mu mak me. 9 Aniatachu Jisua, chomolte ranga vaÌntiÌrton ngei neÌka innuoi uola sin hah ei mu ani, Pathien moroina jaÌra mitin ta ranga thi rangin. Thina a tuongna sika han roiinpuina le miritna inkhumin atuÌn hin ei mu zoi ani. 10 Pathien, neinun ngei murdi sinpu le hoÌipu ta rangin chu, a roiipuina changsa ranga naÌingei tamtak a hong tuong theina rangin Jisua hah tuongna sika achukphara sina om le adik ani. Jisua hah sanminringna tienga mingei ruoipu ani sikin. 11 Ama’n mingei an sietna renga a min thieng ngaÌi, male ama le a mi inthieng ngei hah an Pa munkhat ani. Masikin Jisua’n ma ngei hah suongsuok ngei tia koi inzakpui mak. 12 Pathien koÌm, “Ki mingei koÌm ni sintho ngei misiÌr ka ta; An intuÌpna nang minpaÌk ki tih,” a ti. 13 “Pathiena ka taksoÌnna minngam ki tih,” a ti noÌka. Male “Pathien’n naÌipang mi peÌk ngei leh hin kin om,” a ti noÌk sa. 14 Jisua’n naÌipang a koi ngei hah taksa le thisen doÌn mi anni sikin ama ngeÌt khom anni ngei anga juong omin an miriem nina a juon sempui ngei sa ani. Ma hah a juong thona abitak chu thina chunga rachamneipu Diabol hah a minmang theina rang le, 15 ma angdeÌn han athi rang chia damsuÌnga suoka om murdi ngei hah a sanminjoÌk theina ranga ani. 16 A san ngaÌi hah vaÌntiÌrtonngei nimak ngei ti aÌnthaÌr. ManeÌkin, “Abraham suonpaÌrngei a san ngaÌi." 17 Masika han Pathien sin a thona han miriemngei Ochai Inlaltak, taksoÌnom le lungkhamna sip a hong nia, an sietna ngaÌidam an ni theina rangin lam tina a suÌngsuokngei anghan a om anaÌng piel ani. 18 Male ama ngeÌtin huongna tongin a lei tuong zoi sikin, atuÌn chu huongna tong ngei a san thei zoi ani.