Galatia Mingei 5

1 ZaleÌnna ei nei chu, Khrista han mi mojoÌk zoi! Hanchu zaleÌn mingei ang takin inding det ungla nin theiin suok achang noÌk rangin inphal khaÌi no roi. 2 RangaÌi roi! keima Paul’n nin koÌm ki ti ani, sertan rangin nin inphalin chu Khrista hah ninta rangin ite asena om tet loi niÌng a tih. 3 Sertan ngei ngaÌn chu balam chong murdi joÌm ranga nuom an ni iti ki min riet noÌk. 4 Balam joÌm sika Pathien koÌma adik inchang aboÌk ngei, Khrista leh nin insen zoia, Pathien moroina peÌntieng han nin om ani. 5 Keini rangin chu, kin taksoÌnnaÌn Pathien Ratha sinthotheina jaÌrin Pathien koÌm adik inchang kin tih iti kin sabei ani. 6 Khrista Jisua leh inzomna han chu sertan khom, sertanloi khom ite ateina ommak, lungkhamna sika taksoÌna sin vai aseÌna aom ani. 7 Nin tho minsa sabak! chongdik hah nin joÌm loina rangin tumo nangni akhap? Inmo nangni a metheÌm. 8 Mahi chu nangni koipu Pathien renga chu nitet mak. 9 An ti anghan, “Chol haÌr chiÌnte hin vaÌipoÌl pumpui athoi zit ngaÌi." 10 Aniatachu, nangni ka la taksoÌn tit Pumapa ei ringna aÌn zomna sikin mindonna dang uol nei no tunui ti ka sabei; hanchu, nangni minjeÌlpu ha chu i-anga mi nikhomsenla, Pathien’n duÌkmintong a tih. 11 Ka malngei keiman sertan anaÌng tiin lei misiÌr ngaÌi inlang, ithomo duÌk ko tong ranga? Ma anghan nisenla, khros chong ki misiÌr hin intakna suok no nih. 12 Nangni minjeÌl kai chu sertan vai ni loiin, ma anghan tho lilia rese ngei anthenin tanpit rese ngei ku nuom ani. 13 Ka malngei, nangni chu zaleÌn ranga koi nin ni. Aniatachu nin zaleÌnna hah nin taksa mulungboÌkngei rangin zoranchumin mang no roi. ManeÌkin, in lungkham inloÌmin sintho insan inloÌm roi. 14 “Nangma neÌn lungkham anghan nu bungmingei lungkham roh” iti chong hin Balam pumpui chongpeÌk inkhatin a kaikhoÌm let ani. 15 Aniatachu, ramsa anghan nin inpetta, nin insaÌk inloÌm duoiin chu, nin inmang let loina rangin indiÌn roi. 16 Ki ti chu mahih ani; ratha’n nin ringnun ruoi rese, hanchu, miriem nina mulungboÌkngei hah nin joÌm loi rang ani. 17 Ei miriem nina mulungboÌk hah ratha mulungboÌkin a doi ngaÌia, ratha mulungboÌk khom miriem nina mulungboÌkin adoi ngaÌi. Ma ngei inik hah raÌl an ni. Masikin nin sin tho nuomngei hah nin tho theiloina ani. 18 Ratha’n nangni a ruoia anin chu Balam nuoia ommak chei. 19 Miriem nina sintho ngei chu aÌnlang-iem. Mangei hah inditnasaloingei, inthiengloina ngei, hurna ngei, 20 mirimil biekna ngei, doÌi theina ngei. Mingei raÌl inchangin an indoia, an innarsaa, an ningathika an inmumaÌka. PaÌl dang le loÌm dangin an inkeÌm ngaÌi. 21 narsana ngei, ju inruÌina ngei, hurinliekna ngei le ma anga adang dang an tho ngaÌi. Motona nangni ke lei ril sai anghan atuÌn khom nangni ki ril noÌk, ma anga sin tho ngei hah chu Pathien ReÌngram luo tet noni ngei. 22 Aniatachu Ratha mara chu; lungkhamna ngei, raÌisaÌna ngei, inngeÌina ngei, tuongtheina ngei moroina ngei, satna ngei, taksoÌn omna ngei, 23 rangaÌiinchiÌna ngei le indiÌntheina ngei hih ani. Ma ngei akal rangin balam reng ommak. 24 Khrista Jisua mingei chu an miriem nina hah an mindonna le an mulungboÌkngei murdi leh an that suozoi. 25 Ratha’n ringna thar mi peÌk zoia; ama’n ei ringnun khom a jeÌk ngeÌt rang ani. 26 InpaÌka, insuol inkhalin le inkhat le inkhat innarsaÌn ei om tet rang nimak.