Ephesi Mingei 1

1 Pathien nuomlama Khrista Jisua a tiÌrton Paul han, Ephesi taka om Pathien mingei, Khrista Jisua leh munkhata an ringnun taksoÌnoma mang ngei. 2 Pathien ei Pa le Pumapa Jisua Khrista’n moroina le inngeÌina nangni peÌk rese. 3 Pathien le ei Pumapa Jisua Khrista Pa koÌm ei raÌisaÌnchong mintung ei tih u! Khrista leh eÌn joÌmna sika han invaÌnrama ratha satvurnangei naÌm mi vura. 4 Rammuol insieng maÌn renga, Pathien’n Khrista jaÌra a makunga inthieng le minchaÌinaboi nirangin mi lei thangsai ani zoi. A lungkhamna sikin 5 Pathien’n Jisua Khrista jaÌra a naÌingei mi minchang rangin alei mintuosai ani, maha a raÌisaÌnna le a neinunkhiÌn ani. 6 A lungkhamna roiinpuitak hah, a naÌipasal taka han neinun manboipeÌk mi peÌk sikin Pathien chu minpaÌk ei tih u! 7 Khrista inboÌlna thisen sikin ei sietnangei ngaÌidamin, joÌkin ei om zoi. Pathien moroina roiinpui tie hih, 8 minkhiÌna lientak mi peÌk hi! A vaÌrna le a rietheina ngei naÌmin 9 Pathien neinunkhiÌn ngei hah zoiin aoma, a lungdo inthup hah zoi ranga a lei khaÌm chu Khrista taka han min zoi rangin mi min riet zoi. 10 Ma a lungdo hah azora diktaka Pathien’n neinunsinngei naÌm, invaÌn le pilchunga omngei naÌm minchunin Khrista han alutak ani rang. 11 Neinunngei murdi hih Pathien lungdo le a jeÌklam angtaka tho ania; hanchu Pathien’n aphutnataka a mintuo lam angtakin Khrista taka a mingei nirangin mi thang zoi ani. 12 Tho masikin eini Khrista lei sabei masa ngei hin Pathien roiinpuina minpaÌk ei tih u. 13 Sanminringna Thurchi Sa, chongtak nin riet lehan Pathien mingei nin hongni zoi. Jisua Khrista nin iema, male Pathien’n Ratha Inthieng a khaÌm lehan pumanina mohoÌr nangni nam ani. 14 Pathien’n a mingei a khaÌm pe ngei hah la man ei tih, ti hah ratha khaÌmna ania, Pathien mingei murdi zaleÌn pharna peÌk atih, ti khom mi min riet sa ani. Tho a roiinpuina minpaÌk ei tih u! 15 Masikin keima khom, Pumapa Jisua nin taksoÌn le Pathien mingei nin lungkhamna ti ki riet renga chu, 16 Pathien koÌm raÌisaÌnchong ki mintung hih mong khaÌi mu-ung. Chubai ko thoÌna khom nangni ki riettit ngaÌi. 17 Male ei Pumapa Jisua Khrista Pathien, Pa roiinpuitak han, ama nin rietna rangin, Ratha vaÌrna le inlaÌrna nangni peÌk rangin ke ngeÌn ani. 18 Ama vaÌr nin mu theina rangin nin mulungriÌlngei aÌn-onga, nangni a koina taka sabeina aom ngei, a mi inthieng ngei ranga a khaÌm satvurnangei kamaÌmruoi tamtak ngei le, 19 keini a iemngei kaÌra sinthotheina lien tie ngei hah nin riet theina rangin ke ngeÌn ngaÌi ani. Hi raÌtna, kin chunga sin atho tit hih raÌtna inthieng 20 Khrista thina renga inthoinoÌka invaÌnrama a chang tienga aÌnsung laÌia a mang nanaÌk hah ani. 21 Khrista chu invaÌna roijeÌkpungei, rachamneipungei, sinthotheinangei, le pumangei; hi rammuol le rammuol a lahong om ranga rachamneipungei chunga riming aÌnchungtak a la doÌn rang ani. 22 Pathien’n neinunngei murdi hih Khrista ke nuoia a dara, ma neinunngei murdi hah Pumapa aÌnchungtak han koiindang koÌm a peÌk zoi. 23 Koiindang chu Khrista takpum ani, mun naÌma neinun murdi mikhippharpu kipna hah ani.