Sinthongei 7

1 Ochai Inlaltak han Stephan koÌm, “hi chong hi adik mo?” a tia. 2 Stephan’n, “Ka laÌibungngei ka pangei rangaÌi roi, ei richibul Abraham hah Haran khuoa ava om maÌn, Mesopotamia rama aom laÌihan, roiinpuina Pathien hah a koÌm aÌnlaÌra. 3 ‘Na ram le ni insuÌngmingei maÌksan inla, ram nang ka la min muÌna rang tieng se roh,’ a tipea. 4 Masikin, a ram renga aÌnpheÌta, Harana om rangin a sea. Abraham a pa thi suole, ha mun renga atuÌna nin omna rama hin Pathien’n nangni a min thon ani. 5 Pathien’n ite mun luorang, a ke sirna rang doÌr luo peÌk maka, aniatachu ama le anuÌka a richisuonpaÌrngei tena peÌk rangin aÌnkhaÌm ani. Pathien’n ha chong aÌnkhaÌm laÌihan Abraham chu naÌi la doÌn mak. 6 Pathien’n hi anghin a tia, ‘Nin richisuonpaÌrngei chu mi rama khuolmi la niÌng an ta, kum raza minli mi suoka omin asaÌn duÌkmintong la niÌng an tih. 7 Hannirese suoka tuong rang mingei chu keiman jeÌk ka ta; masuole joÌk an tih, hi muna hin ni la biek an tih,’ a tia. 8 Pathien’n Abraham koÌm chonginkhitin an sertan rangin chong a peÌk zoi. Masikin Abraham han a naÌipasal Isaac hah suÌn sari suoleh a ser a tanpea; Isaac’n a naÌi Jakob a tanpe noÌka, Jakob’n a naÌi soÌmleinik ei richibulngei inthang ngei a tanpe noÌka. 9 “Jakob naÌipasalngeiin an laÌibungpa Joseph hah an narsa zoia, Egypt rama suok rangin an juora, hannirese, Pathien’n a ompuia. 10 Intak a tuongna murdia a san minjoÌka, Egypt rama ReÌng Pharoah mitmua mi vaÌrtak le midit omtak a min nia; Pharaoh han Egypt ram le a ina mi murdi chunga raÌioÌt ni rangin a min changa. 11 Hanchu Egypt le Canaan ram pumpuia maÌitaÌm achula, asaÌn intak an tuonga, ei richibulngei han saÌk le neÌk rang reng man khaÌimak ngeia. 12 Jakob’n Egypt rama bu aom ti a rietin chu a naÌingei a tiÌra, ma hah an se phutna tak alei ni. 13 Avoinikna an se han Joseph han a laÌibungngei le inrietna a lei thopui ngeia, Egypt ReÌng han khom Joseph insungmingei a lei riet zoia. 14 Hanchu, Joseph han a pa Jakob le a insuÌngmingei murdi Egypt rama om rangin a koia, an reÌngin soÌmsari-leirangnga anni. 15 Hanchu Jakob hah Egypt rama a va sea ha muna han ama le a naÌipasalngei chu an thi zoia. 16 A ruok hah Shechem khuo an hong choÌia, Hamor ruÌingei renga Abraham’n suma a rochoÌk thaÌna han an phuÌm zoi. 17 “Abraham koÌma Pathien chongkhaÌm ahongtung rang zora ahong naÌi tena ha mingei hah Egypt rama an hong pung zoia. 18 AnuÌktaka Egypt rama han reÌng dang Joseph riet loi ahong inlal zoia. 19 Ama han ei richibulngei hah a huong ngeia, duÌk amintong ngeia, naÌitesenngei ring loina rangin an suok suo peÌntieng pai rangin rangraÌtin chong a peÌka. 20 Ma zora tak han Moses ajuon zira naÌitesen meÌl satak a nia. A pa ina thaÌn thum an donsuia, 21 an in renga an pai suo nuÌkin, Pharaoh naÌinupangin a laÌka a naÌipasal rangin a vaÌia. 22 Moses hah Egypt rama vaÌrna murdi an minchua, hanchu chongril theitak le sinthothei tak a hongni zoi. 23 “Kum soÌmminli a hong niÌnchu, a mulung suÌnga a sungsuok Israel champuingei kho angin mo an om mu rang nuomin ava pana. 24 A va seÌn chu mi inkhat Egypt min duÌk amintong laÌi ava mua, masikin a sanna, duÌktongpu chunga han phuÌba a laka Egypt mipa hah a thata. 25 (Moses han, ama mangin Pathien’n a mingei mojoÌk atih ti a sungsuok ngeiin an riet mini tiin a boÌka hannirese riet mak ngei.) 26 AnangtuÌka chu Isreal mi inik insuol laÌitak ava tonga ava sel ngeia, ‘RangaÌita u suÌngsuokngei,’ laÌibungreÌng keÌng nin ni, ithomo hima anga nin insuola? tiin min suÌk ngei rang a boÌka. 27 A theiloi uolpu han Moses hah a nampaia, ‘Kin chunga ruoipu le roijeÌkpu rangin tumo nang phun?’ a tia. 28 ‘MajaÌna Egypt mi na that angdeÌn han ni that noÌk rang no boÌk mo?’ a tia. 29 Ma chong hah a riet lehan, Moses a rota, Midian rama ava oma, mahan naÌipasal inik a neia. 30 “Kum soÌmminli avun suole chu, Sinai Muol ramchaÌr koÌla chiÌmbuk akaÌngna han vaÌntiÌrton a koÌm aÌnlaÌra. 31 Moses’n a neinun mu hah a kamaÌm tataka, minthaÌr rang boÌkin a va naÌia, Pumapa roÌl a rieta: 32 ‘Keima hih ni richibulngei Pathien, Abraham Pathien Isaac Pathien, Jakob Pathien hah ki ni,’ a lei tia, Moses hah ichiÌn aÌnniÌka en ngam khaÌi maka. 33 Pumapa’n, a koÌm, ‘Ne kekokngei ha khek roh, neÌn dingna mun hah mun inthieng keÌng. 34 Egypt rama ki mi omngei dengthei tie ku mua, an inruÌmnangei khom ki rieta anni ngei minjoÌk rangin ku juong ani. Hong ta; Egypt rama nang lei tiÌr rong,’ a tia. 35 “Ha Moses koÌma ruoipu le roijeÌkpu rangin tumo nang phun? tia an makhal hah chiÌmbuk kaÌngna taka vaÌntiÌrton a koÌma inlaÌr han a sanna, Pathien’n ama lele hah ruoipu le sanminjoÌkpu ni rangin ai tiÌr ani. 36 Ama han anni hah a ruoisuoka Egypt rama, tuipui sena, ramchaÌra kum soÌmminli suÌng han KamaÌnruoi le sininkheÌl tamtak thoÌn a ruoi ngeia. 37 Moses hah Israel mingei koÌm, ‘Pathien’n keima, mi tiÌr angin nin suÌngsuokngei laÌia om deÌipu nangni la minchang pe atih,’ tipu hah ani. 38 Ama hah ani ramchaÌra Israel mi intuÌp ngei laÌia oma; ei richibulngei koÌma le Sinai muola a chongpuipu vaÌntiÌrton koÌma, eini mi peÌk ranga Pathien chong ring laÌkpu hah ani. 39 “Hannirese ei richibulngei han a chong joÌm nuom mak ngeia; ama hah an nampaia male Egypt ram tieng kiÌr noÌk an nuoma. 40 Masikin Aaron koÌm, ‘Kin moton ruoipu rangin pathienngei mi sin pe roh. Moses Egypt ram renga mi ruoipu laka a thurchi reng riet khaÌi mak meh,’ an tia. 41 Masuole chu, ma ngei han seraÌt chalte rimil an sina, a rimil hah sa thatin an bieka, male an kut suoka han mirit thonaÌn ruolhoi an thoa an raÌi an minsaÌna. 42 Hanchu, Pathien’n anni hah nuÌk a song ngeia, invaÌna aÌrsingei an biek theina rangin a rotsan ngeia, deÌipu lekhabua: ‘Israel insung mingei! kum soÌmminli suÌngin ramchaÌra han inboÌlna sa thatin nin peÌk ngaÌi hah keima ni mu ung. 43 Molech pathien puon-in nin choÌia nin pathien le Rephan nin aÌrsi pathien; rimilngei hah chubaimuÌk rangin nin sin ngei hah an ni. Masikin Babylon kheÌl tieng nangni min taÌng ki tih, tia aÌnziek anghan.’ 44 “RamchaÌra han ei richibulngeiin Pathien omna Puon-in an neia, ma in hah Pathien’n Moses koÌm sin rangin a bea, a rimil a min mu lam taka sin ani. 45 Ha ngei hah ei richibulngei khomin an hong doÌn banga, Pathien’n ei richibulngei motona ai not pai naÌmngei rama an luo laÌihan Joshua luÌt zoraÌn an luÌtpui ani. David a zora tena a oma. 46 Ha David hah Pathien mitmua miditin a hong oma, Jacob Pathien ta ranga omna rang sin pe rangin a zonga. 47 Hannirese, in hah chu Solomon’n keÌng a sin pe zoi. 48 “Nikhomrese, AÌnchungtak Pathien chu kuta sin in ngeia om ngaÌi mak; DeÌipu’n, 49 ‘Pumapa’n, invaÌn ke ReÌngsukmun ania pilchung ke ke sirna ani. I anga in mo mi ni sin pe rang? Khotieng mo keÌn ngamna rang mun khom aom? 50 Hi neinun murdi hih keima ki sin nimak mo?’ 51 “KhodoÌra mulung ngar mo nin ni! MulungriÌl le kuor in-ongloi sertanloingei anga, nin richibulngei tho ngaÌi lam angin Ratha Inthieng nin dem tita! 52 Nin richibulngeiin, deÌipungei laÌia tumo duÌkmintong loia an dar? midik tak juong rang lei juong ril Pathien tiÌrtonngei hah an thata, atuÌn nangni hih mi min suÌrpu le a thatpu nin ni hi. 53 Nangni hi Pathien balam, vaÌntiÌrtonngeiin an juong thak muchaka joÌmloi ngei nin ni!” a tia. 54 RoijeÌkpungei han Stephan chong hah an rietin chu an takasia, a chunga an rakam an taÌta. 55 Hannirese, Stephan hah Ratha Inthienga sip ania, invaÌn tieng a en ngita, Pathien roiinpuina le a changtienga Jisua inding a mua. 56 “En ta u! invaÌn in-ong ku mua, Pathien changtienga Miriem NaÌipasal inding ku mu!” a tia. 57 Hanchu, roijeÌkpungei han inringtakin an inieka, an kutngei leh an kuorngei an hiÌpa. Hanchu ha renghan a tieng an taÌna. 58 Khopuilien suÌng renga an mojoÌk paia, lungin an deÌnga rietpuipungei han ruotharte inkhat a riming Sual an tih koÌm han an puon an maÌka. 59 Lungin an deÌng laÌiin Stephan’n Pumapa a koia, “Pumapa Jisua ka Ratha laÌk ta roh,” a tia. 60 KhuÌk aÌnbila, roÌl inringtakin aÌnieka, “Pumapa! hi an sietna hih riet pe ngei khaÌi no roh!” a tia. Ha chongbaÌi hah a ti suole chu a thi zoi.