2 Timothy 2

1 Ka naÌipasal, nang chu Khrista Jisua leh inzoma moroina eita han raÌt takin om roh. 2 Rietpuipungei tamtak makunga ku phuong, minchunangei ni riet hah mi taksoÌnom, midangngei khom minchu thei noÌk rang ngei koÌm minkol roh. 3 Khrista Jisua raÌlmi iemomtak anghan intak nu tuong rangtum hah tuong roh. 4 RaÌlmi chang ranga thanga ompu hah an ulienpu a raÌiminsaÌn theina rangin, raÌlmi tuteÌn indoi laÌiin hi ringlaÌi hoinangei hih minpol ngaÌi mak. 5 TaÌn insietna aÌnchelpu khom balamngei joÌmin a taÌn noÌnchu raÌisaÌnman man ngaÌi mak. 6 Loia sintho ranak songpu ngeÌt hah amara aÌt masatak rang ani. 7 Ko chong ti hi mindon roh, asikchu Pumapa’n riettheina nang peÌk let atih. 8 Jisua Khrista, David richisuonpaÌr, Thurchi Sa misiÌra nang ki ril sai, thina renga inthoinoÌkpu hah riettit roh. 9 Thurchi Sa sika mipuoloi angin khitbelin intakna ngei khom ku tuong ngaÌia. Aniatachu Pathien chong chu khitbelin om ngaÌi maka, 10 male Khrista Jisua renga juong ngaÌi sanminringna le kumtuong roiinpuina mintung ngaÌi hah an man sa theina rangin Pathien thangsai mingei jaÌrin intakna ngei murdi ku tuongdier ngaÌi ani. 11 Hi chong hih adika ti ani: “Ama leh ei thiÌn chu, ama leh ring noÌk sa ei ti u. 12 Ei tuongdier bangin chu, ama leh roijeÌk sa ei ti u. Ama ei ipdelin chu, ama khom mi ipdel atih. 13 Eini hih taksoÌnom no khom ila, ama chu taksoÌnomin a omtit ngaÌi ani, amananaÌkin adikloiin a om theiloi sikin." 14 Hi chong hih ni mingei minrietnoÌk roh, male chong kaÌmnaÌngloia an inkhal loina rangin Pathien mitmua inningna ngartak peÌk ngei roh. Ma inkhalna hah ite asatna om maka, arangaÌi ngei kai asiet ngei ngaÌi ani. 15 Sinthopu, Pathien chongtak diktaka mi minchu ngaÌipu, a sintho inzakpui loi anghan Pathien mitmua pomna tatak na chang theina rangin ranak song roh. 16 Pathien ngikloina le amo injeÌknangei renga inkeÌm roh, mahah mingei Pathien renga amin la tetet ngaÌi. 17 Ma anga minchuna ha chu paÌnsie aÌn-ong taksa asaÌk minhek ngaÌi ang hah ani. Mi inik ma anga mi minchu ngaÌi chu Hymenaeus le Philetus ngei hah an ni. 18 Ha mingei hah chongtak lampui ha an maÌka, ei inthoinoÌkna chu atung suo zoi, tiin iempu senkhat ngei taksoÌnna an min duoi ngaÌi. 19 AninaÌkachu Pathien lungphuÌm dettak ha chu min niÌk thei maka; male ma chung han hi chongngei hih miziekin aom: “Pumapa’n ama ta ngei chu a riet ngaÌi,” male “Tukhom Pumapa ta ki ni ti kaiin chu asaloi thona renga an inhei ngeÌt rang ani." 20 In lienpa hin beÌlbuÌrngei le khuriaÌingei jaÌt tamtak an oma: senkhat chu raÌngkachak le sumdaÌra sin an nia, senkhat ngei chu thing le pilpoka sin an nia; senkhat ngei chu zora dang uola mang rangin a sina, senkhat ngei chu mang papai rangin a sin ani. 21 Tukhom amapa mini, amanu mini hah asaloi neinunngei murdi renga aÌnthienga aniÌnchu, zora dang uol ngeia mang niÌng an tih, asikchu anni ngei hah an Pu ta ranga inpeÌk sai le kaÌmom an nia, sin sa ngei murdi thona rangin mang ranga om sai an ni. 22 VaÌnglaÌi oÌinangei maÌk inla, mulungriÌl inthienga Pumapa ralam ngei kai koÌm dikna, taksoÌnna, lungkhamna le inngeÌina ngei rujuÌl sa roh. 23 Aniatachu amo le iterietloi inkhalnangei renga inkeÌm inla; ma ngei hah insuolnangeiin keÌng among ngaÌi ti ni riet sikin. 24 Pumapa tiÌrlaÌm ni ni anghan mi leh neÌn suol tet rang nimaka. Mi murdi chunga sing inla, minchupu sa le tuongthei ni roh, 25 nang doipungei nunneÌm taka mindikpu ni roh, asikchu Pathien’n insiÌrna zoraÌnchum peÌk ngei a ta chongtak la hong riet an tih. 26 Hanchu hoÌn rietsuok an ta, a lungdo min sin ngei ranga anni ngei suÌrpu Diabol chong min joÌmna rang chaÌng renga hah la joÌkpai an tih.