2 Korinth 9

1 Judea rama Pathien mingei sanna muthuona aom chungroia hih nangni miziek pe rang naÌng tet mak. 2 San rang nin nuom tiin ki rieta, male Macedonia rama mingei koÌm, “Achaia rama laÌibungngei le sarnungei,” anni chu, “Nikum renga san rangin an inthok sai keÌng ani zoi.” tiin nangni ko song ani. Nin joÌtna han an laÌia mi tamtak akaithoi minhar ngei ani. 3 AtuÌn hin hi laÌibungngei hih ku juongtiÌr ngei ani, masika han nangni kin songna chungroi hah chongbaÌingei koronga aÌnlet loina rangin. Aniatachu, ki tisai anghan, nin sanna lehan inthoksaiin lei om roi. 4 Nikhomrese, Macedonia ram renga mingei ngaÌnin ni juong juÌiin nin inthok loi juong mu duoi ta rese ngeia, idoÌr mo kin inzak rang â nangni nin inzak rang pairakin â tak nangni kin soÌn sabak tie ha! 5 Masikin neinunpeÌk ranga nin inkhaÌm hah nin leÌnthok theina rangin hi laÌibungngei hih ko motona nin koÌm lei juong ranga ngeÌn rangin anaÌngin ki riet. Hanchu ku juong tung tena chu leÌntuosai niÌng a ta, male nin doÌn sika niloiin nin nuom sika nin peÌk ani ti inlang atih. 6 Chimu toÌmte lingpu han saÌkthar toÌmte doÌn a ta; chimu atam lingpu han atam doÌn atih, ti hih riettit roi. 7 Hanchu, nin sisika, nin masat angin nin peÌk rang ani, insiÌr pum le nin sintum ani ti rietloi niloiin; mulungtaÌihieia peÌkpu hah Pathien’n a lungkham ngaÌi sikin. 8 Male Pathien’n nin naÌng neÌka tam nangni a peÌk thei, masikin nin naÌng murdi nin doÌn tita, sin asa ngei rangin doÌn thei uol nin tih. 9 Pathien lekhabu’n, “Phaltakin aÌnsamngei koÌm a peÌk ngaÌia; a lungkhamna chu tuonsoÌtin adier ngaÌi,” ati anghan. 10 Male Pathien’n, chimuru rethe ranga peÌkbang ngaÌipu le vaÌipoÌl saÌk ranga peÌkbang ngaÌipu, han chimu nan naÌng murdi nangni peÌkbangin nangni minsoÌn pe a ta, phaltaka nin peÌkna renga han amara tamtak mintuÌp rang nangni musuo peÌng atih. 11 Phaltaka nin peÌk tit theina rangin Pathien’n nangni min nei tit a ta, mi tamtakin nin neinunpeÌkngei keini renga an man sika han Pathien koÌm raÌisaÌnchong misiÌr an tih. 12 Hi nin chuonsin hin Pathien mingei an naÌngngei a mintongngei vai nimaka, Pathien koÌm aliemrak doÌra raÌisaÌnchong misiÌrna lientak khom amusuo ngaÌi ani. 13 Male nin chuonsin minthaÌrna amintung sika han mi tamtakin Pathien koÌm roiinpuina peÌk an tih, Khrista thurchisa nin phuong ngaÌia iem nin om sik le an ta rang le mitin ta ranga phal tatak nin insempui ngei sika han. 14 Male masikin moroina inthuÌk tak doÌnin chubai nangni tho pe an tih, Pathien’n moroina aliekasa nangni a min mu sikin. 15 Amanboi neinunpeÌk sika han Pathien koÌm raÌisaÌnchong misiÌr ei tih u.