1 Timothy 4

1 NuÌka chu mi senkhatngei chu an taksoÌnna la maÌk an tih tiin Ratha’n aÌnthaÌrtakin a misiÌr ania; ratha milakngei chong la joÌm an ta, male ramkhoringei minchuna la juÌi an tih. 2 Ma anga minchunangei hah milakngei mi huongna renga hoÌnjoÌt ania, an sielesarietna hah athi ani, thiÌr inling bel anghan ani. 3 Ma anga mingei han innei le i-ih mini saÌk hih dikmak tiin mi an minchu ngaÌia. Aniatachu ha saÌkngei hah a iem ngei laÌia chongtak rietsai ngeiin raÌisaÌnchongril suole saÌk thei rangin Pathien’n a sin ani. 4 Neinuntin Pathien sin ngei murdi hi asa; chubaithoa raÌisaÌnchong misiÌra saÌk ani ngaÌnin chu, ite pai rang reng om mak, 5 Pathien chong le chubaithona han Pathien koÌm pomtheiin a sin sikin. 6 Ma rilnangei hah iempungei koÌm ne peÌkin chu, Khrista Jisua tiÌrlaÌm satak niÌng ni tih, taksoÌnna chongngei le minchuna dik nu juÌi sai rathatienga neÌn vaÌi tit anghan. 7 Aniatachu pathienboi thurchimuruo misiÌrna ngei hah nuÌksong roh. Ni ringnun hah Pathien’a inpeÌk rangin inchu roh. 8 Taksatienga insepna hin a lekti chu asena aoma, rathatienga insepna vaÌng chu lam tina asena aom ok ani, asikchu atuÌnlaÌia ringna le suÌnmotona ringna peÌk ranga inkhaÌmnangei aom ani. 9 Hi chong hih adikin, iem aoma pomthei tatak ani. 10 Ranak ei songa male sin ei tho tatak ani, Pathien ring chunga han ei sabeina ei baÌng sikin, mi murdi le aliekin iempu ngei Sanminringpu chunga han. 11 Ma rilnangei le minchunangei hih peÌk ngei roh. 12 NaÌipang na ni sikin tuteÌn nang enminnuoi no rese ngei, no chonglam, nu nunchan, nu lungkhamna, na taksoÌnna, le neÌn thiengna ngeia iempungei minenna ni roh. 13 Ko hong maÌka chu, mipui makunga Pathien Lekhabungei poreÌn, thurchi misiÌr le mi minchunaÌn no zora le na ranak mang roh. 14 DeÌipungei thurchi an misiÌra male upangei nu chunga an kutngei minngama rathatienga neinunpeÌk na chang hah iteÌn beÌ loiin tho no roh. 15 Mi murdi makunga na masoÌna aÌnlang theina rangin hima neinunngei naÌm hi inpeÌk lakin tho roh. 16 Nangma le ni minchuna han indiÌn inla, ma neinunngei ha tho tit roh, asikchu ma neinunngei hah no thoÌn chu nangma le no chong rangaÌi ngei hah anruonin sanminring ni tih.