1 JOHN 3

1 En ta u, khodoÌr tak mo Pa mi lungkham hi! Mi lungkhamna lien rai sikin Pathien naÌingeiin mi be zoi ani, male ma anghan a naÌingei eini zoi. Hima sika hin rammuolin mi riet loi ani: Pathien a riet loi sikin. 2 Ka mal moroitak ngei, atuÌn hin Pathien naÌingei ei ni zoi, aniatachu, imo ei hongni rang ti chu laÌn thaÌr tak mak. Aniatachu, Khrista a juong inlaÌr tika chu ama angin om ei tih, ti chu ei riet, ama chu anina anghan adiktakin ei mu rang sikin. 3 Tukhomin Khrista taka sabeina doÌn kaiin chu Khrista aÌnthieng anghan an inthieng ngaÌi ani. 4 Tutu khom nunsie ngei tho kai chu Pathien Balam a siet ani, asikchu nunsie hih balam sietna ani. 5 Khrista hah nunsie ngei laÌk pai rangin a juong inlaÌr zoi ti nin riet, male ama koÌm han chu nunsie reng om mak. 6 Masikin tukhom Khrista leh inzomin a om tittin chu nunsie tho ngaÌi khaÌi mak; aniatachu tukhom nunsie a la tho bangin chu ama hah mu maka aninoÌnchu riet khom riet tet mak ani. 7 Ka naÌingei, tuteÌn nangni huong no rese ngei! Tukhom adik sinpu chu midik ania, Khrista hah adik anghan. 8 Tukhom nunsie a la tho bangin chu Diabol ta ani, Diabol chu aphut renga nunsie a tho sikin. Pathien NaÌipasal a juong inlangna abitak chu, Diabol sintho ngei minmang rang hih ani. 9 Tukhom Pathien naÌingei chu nunsie tho ngaÌi khaÌi mak ngei, Pathien nina tatak hah an nia han aom tita, male Pathien hih an Pa ani sikin, nunsie tho thei ngaÌi khaÌi mak ngei. 10 Mahin Pathien naÌingei le Diabol naÌingei an teina aÌnthaÌrna ani: adik sin loi ngei murdi le midang lungkham loi ngei chu Pathien naÌingei nimak ngei. 11 Aphut renga chong nin riet ha: inkhat le inkhat eÌn lungkham inloÌm ngeÌt rang tih hi ani. 12 Eini chu Cain anghan chu om tet no u; ama chu Asaloi Inkhatpa ta ania, male a naÌipa lele Abel a that ani. Ithomo Cain’n a thata? A sintho ngei ha chu asaloi ania, a naÌipa sintho ngei ha chu adik sikin ani. 13 Masikin ka laÌibungngei le sarnu ngei, rammuol mingeiin nangni an mumaÌkin chu kamaÌm no roi. 14 Ei laÌibungngei le sarnu ngei ei lungkham sikin thina renga hong joÌkin ringna han ei luÌt zoi tiin ei riet ani. Tukhom lungkhamna doÌn loi chu thina sinthotheina nuoia a la om tit ani. 15 Tutu khom a laÌibungngei mumaÌkngei chu mithatngei an ni, male mithatngei kumtuong ringna man ngaÌi mak ngei iti nin riet. 16 Ma hin lungkhamna hih imo ani ti chu ei riet: Khrista’n eini rangin a ringna a peÌka. Hanchu, eini khom ma anghan, ei laÌibungngei le sarnu ngei rangin ei ringna peÌk rang hi eÌntaÌng ani! 17 Minei ngeiin laÌibung mini sarnu mini aÌnsamin mu senla, hannoma anni ngei doiin an mulungngei khaÌr senla ngeia, Pathien kin lungkham inti thei no ni ngei. 18 Ka naÌingei, ei lungkhamna hih chongbaÌingei le muÌra ti vaiin ni no senla; lungkhamna diktak, sinthoÌn minlang ngaÌi nirse. 19 Hanchu, ma anghin, eini chu chongtak ta eini ti riet thei ei ta; ma anghin Pathien makunga ngamin ei om rang ani. 20 Ei sielesarietnaÌn asie mimintumin chu, Pathien chu ei sielesarietna neÌkin a roiinpui uola neinuntin a riet let ngaÌi ei riet ani. 21 Masikin ku ruol midit om ngei, ei sielesarietnaÌn asie mimintum noÌn chu, Pathien makunga haÌina ei doÌn ani. 22 A chongpeÌkngei ei joÌma, a raÌisaÌn rang lam ei sin ngaÌi sikin ei ngeÌn murdi a koÌm renga ei man ngaÌi ani. 23 A chongpeÌkngei chu a NaÌipasal Jisua Khrista ei iema, Khrista chongpeÌk mi peÌk anghan inkhat le inkhat eÌn lungkham inlom hih ani. 24 Tukhom Pathien chongpeÌkngei ajoÌmpu chu Pathien leh inzomin an oma, Pathien khom anni leh inzomin aom ngaÌi ani. Male Pathien’n Ratha mi peÌk sikin Pathien leh inzomin ei om ti ei riet ani.