1 Korinth 3

1 Ka laÌibungngei le sarnungei, ratha mingei koÌma ki misiÌr angin nin koÌm thurchi misiÌr thei mu-unga; hi rammuol mi, khrista taksoÌnna tieng naÌitengei koÌma misiÌr angin keÌng nangni ki misiÌr pe. 2 Burum niloiin, runutuiin nangni ka vaÌi ani hi, bu nin la neÌk theiloi sikin. Male atuÌn khom la neÌk theiloi deÌn nin nia, 3 rammuol mingei om anghan nin la om tit sikin. Nin laÌia innarsana le inkhat le inkhat inkhalna aom kaÌr chu rammuol ta nin ni tiin minlangin aoma, anni angdeÌna la om nin ni tina nimak mo? 4 Nin laÌia, “Kei chu Paul paÌl ki ni,” a dangin “Kei chu Apollos paÌl ki ni,” ti ngei nin la om kaÌr chu rammuol mingei angin nan la om bang nimak mo? 5 Apollos hah tumo ani? Paul khom tumo ani? Pathien tiÌrlaÌmngei, nin iem theina ranga sinthopu papai keÌng kin ni. Pathien’n tho rang mi peÌk chit keÌng kin sin: 6 Keiman chimu ker thea, Apollos’n tui a buoka, aniatachu chimukung a minsoÌnpu chu Pathien ani. 7 A minsoÌnpu Pathien ni loiin chu chimu rethepu le tui buokpu hah ite nimak ngei. 8 A lingpu le tui buokpu hah ite an teina om mak. An sintho lam angtakin Pathien’n raÌisaÌnman peÌk ngei atih. 9 Pathien ta ranga munkhata sintho kin nia, nangni hih Pathien loimaÌn nin ni. Pathien in nin ni sa. 10 Pathien’n manboipeÌk ni peÌk mangin in sinpu theitak angin keiman lungphuÌm ku phuÌma, midangin in an sin ani. Aniatachu mitinin an sin rang lam angtakin indiÌn thei rese ngei. 11 Pathien lungphuÌm a lei phuÌm sai Jisua Khrista peÌna chu tuteÌn lungphuÌm dang phuÌm thei noni ngei. 12 Ma lungphuÌm chunga han senkhatin raÌngkachakin mini, sumdaÌrin mini, lung mantam mini mangin sin an ta; senkhatin thingin mini, suÌlbuon mini, sapoÌl mini mangin sin an tih. 13 Khrista Nikhuo han meiin aÌnlaÌr rang sikin mei ngeÌt han mitin sintho hah phuol a ta; anina tak inlang atih. 14 LungphuÌm chunga sin hah akaÌng noÌnchu a sinpu’n raÌisaÌnman man atih. 15 Aniatachu tutu sintho khom akaÌngin chu dok atih; hannirese, ama ha chu mei rakaÌn angdoÌrin sanminjoÌkin om atih. 16 Pathien in nin ni le Pathien Ratha nin koÌma aom ngaÌi ti nin riet minthaÌr khet mo? 17 Masikin tutu khom Pathien biekin hah a sietin chu Pathien’n ama hah siet atih. Pathien biekin chu aÌnthieng keÌng, male nangni ngei hah a biekin nin ni. 18 TuteÌn athenin inhuong no rese. Nin laÌia tutu khom hi rammuol balama avaÌrin aÌn beÌn chu a vaÌr tatak theina rangin amo chang bak rese. 19 Hi rammuolin vaÌrna ati hih Pathien mitmuÌn chu achaÌng ani sikin, Pathien lekhabu’n, “Pathien’n mivaÌrngei chu kin vaÌr an intina han a min oÌk ngei ngaÌi,” ati anghan; 20 male Pathien lekhabu dangin, “Pumapa’n chu mivaÌrngei mindonna hah mangmunboi ani ti a riet,” ati sa anghan. 21 Masika han tuteÌn miriemngei song no rese ngei. Adikin chu neinun naÌm nin ta ani: 22 Paul khom, Apollos khom, Peter khom; hi rammuol khom, ringna le thina khom, neinun omsai le ala hong om rang ngei khom anreÌngin nin ta riempet an ni, 23 male nangni khom Khrista ta nin nia, Khrista khom Pathien ta ani.