Sam 82

1 Tamasa si vata evaṉae nia si keke vinaripitui hopena, meke gegesi Sa sari na baṉara pu varigara vasina. 2 “Vea seunae gua sapu kaqu lopu toṉoto sari na mia vinaripitui, meke toka kale ni gamu sari na tie kaleadi? 3 Mi toka ni sari pu malohoro, na eapa; mi tavete valeana la koari pu malaṉa meke saripu ta doṉo palaedi. 4 Mi va sarei saripu malohoro na malaṉa, mi harupi koasa ṉiniraṉira tadi na tie kaleadi. 5 Na tie pupuhu mia, meke kaleamia hola si gamu, meke sa tinoṉoto si ele murimuri taloa hokara pa kasia popoa. 6 Zama si Rau, ‘Sapu na tamasa si gamu, gamu doduru si na tuna sa Tamasa sapu Ululuna Hola.’ 7 Ba kaqu mate guana tie mo si gamu; sari na mia tinoa si kaqu mate kekeṉoṉo gua mo ari na tie nomadi." 8 Kei Tamasa, Mu mae, Mamu koa baṉara nia sa kasia popoa, Ura Tamugoi sari na butubutu!