Ola Saam 13

1 YAWEI, haulong yu garra fogedabat mi? Maitbi olagijawan. Mi weidabat langa yu blanga album mi, bat im jis laik yubin gibit bekboun langa mi. 2 Olataim aibin nogudbinji detmatj, en aibin sori miselp detmatj langa main hat. En olataim main enami olabat oldei win, dumaji mi brabli wikwan blanga bidim olabat. 3 Luk langa mi, YAWEI. Ensim mi, main God! Yu kain langa mi en meigim mi jidan strongbala igin! If yu nomo album mi wal ai garra dai, 4 En main enami olabat garra tok, “Wibin bidim im!” En detlot pipul hu fait langa mi garra gudbinji, dumaji deibin bidim mi. 5 Bat mi trastimbat yu dumaji yu laigim mi olagijawan. Ai garra jidan gudbinji igin, dumaji yu garra seibum mi. 6 YAWEI ai garra sing langa yu, dumaji yubin kain langa mi detmatj.