Англунимос ла люмако 33
VLA1 О Яково вазгля э якха и дикхля, со жал о Исаво тай лэса штаршэла манушэн. Вов ростходя лэ бэятонэн машкара э Лия, э Рахиль тай дуен копэльницэн.
2 Вов стходя лэ копэльницэн тай лэндерэ бэятонэн англал, лэ Лия тай латерэ бэятонэн пала лэндэ, ай ла Рахиля лэ Иосифоса палал саворэндар.
3 Ай вов екжэно жыля англэ. Вов поджал каринг пэско пхрал тай тэлиля лэсти жы каринг э пхув ефтавар.
4 Ай о Исаво прастая каринг о Яково, обля лэс, шутяпэ лэсти каринг э кор тай росчюмидя лэс, тай вонэ лэдуй заровлэ.
5 О Исаво додикхля лэ жувлян тай лэ бэятонэн тай пушэл: — Ко када туса? О Яково пхэндя: — Када э бэяцэ, савэн о Дэл па Пэско тынгимос дя терэ копэлести.
6 Поджылэ э копэльницэ пэстерэ бэятонэнца тай тэлён англа Исав.
7 Пала лэндэ поджылэ тай тэлилэ э Лия тай латерэ бэяцэ. Пала саворэндэ поджылэ о Иосифо тай э Рахиль, и вонэ тэлилэ.
8 О Исаво пушля лэ Яковостар: — Состар ту бишалдян саворэ кадыла гуртуря каринг мандэ? — Мэ камав тэ аракхав лашымос англа терэ якха, мэрно рай, — пхэндя о Яково.
9 О Исаво пхэндя: — Мандэ ся исы, пхрала. Ашав теро тути.
10 — Най, мангав тут! — пхэндя о Яково. — Сар кай мэ аракхлэм лашымос англа терэ якха, тунче прилэ мандар кадыва даро. Важ мандэ тэ дикхав теро муй — када сар тэ дикхав о муй лэ Дэвлэско, ке ту прилян ман лашымаса.
11 Мангав тут, прилэ мандар кадва бахталимос, пала кода кай о Дэл сас тынгомэ мандэ, тай мандэ исы ся, со манди трэбуй. Яково фартэ мангэлас Исавос тэ прилэл кадыла даруря, тай вов ля лэн.
12 Тунче о Исаво пхэндя: — Авэн, трэбуй тэ жас андо дром. Мэ лава тэ ритярдював паша тутэ.
13 Ай о Яково пхэндя лэсти: — Мэрно рай ганэл, со кай э бэяцэ найбут зор. Тай манди трэбуй тэ гындосарэл пала э бакря тай гуруня, савэ дэн о тхут. Сар кай тэ даравас лэн йито андэ екх дес, тунче о ското похасайвэла.
14 Мэк мэрно рай жал англа пэско копэли, ай мэ жава полокорэ, кадя сар жана англа мандэ э гуртуря тай сар жана э бэяцэ, жыпокэ авава каринг мэрно рай андо Сеиро.
15 О Исаво пхэндя: — Дэ мэ дава тути варисавэ мэрнэ манушэн. — Состар тэ терэс када? — пушля о Яково. — Хутила и кода, кай мэ аракхлэм лашымос англа мэрнэ раестерэ якха.
16 Андэ кодва жэ дес о Исаво рисайля палпалэ каринг пэстэ андо Сеиро.
17 О Яково жэ жыля андо Сукото, кай вов стходя пэстерэ катунэ тай стерэл катунэ важ о ското. Акэ пала со кодыва тхан акхарэлпэ Сукото .
18 Анда Падан-Арамо о Яково миштэс авилятар андо форо Шэхемо анда Ханаано тай стходя таборо паша форо.
19 Пала шэл рупунэ ястря вов тиндя кай э шавэ лэ Хаморостерэ, саво сас лэ Шэхемоско дад, котор пхув, пэ саво вов стходя пэстери катуна.
20 Котэ вов стердя жэртвенико тай дя лэсти алав «Эл-Элохей-Йисраэл» .