Jevrejenđe 3

1 Zato, svete phralalen, tumen saven si udeo ando nebesko poziv, usmerin tumare gindurja po Isus, savo si Apostol thaj Baro rašaj amare paćimako. 2 Vo si verno e Devlešće savo postavisarda les, baš sago kaj sas vi o Mojsije verno e Devlešće ande sasto Devlesko ćher. 3 A e Isusešće pripadil majbari slava nego e Mojsiješće, baš sago kaj okolešće savo gradil o ćher pripadil majbari čast nego e ćherešće savo sas ćerdo. 4 Kaj, svako ćher vareko gradil, a o Del sagradisardas sa so postojil. 5 O Mojsije sas verno sago sluga ande Devlesko ćher, thaj svedočilas pale okova so o Del ande budućo vrjama objavila. 6 Ali o Hristo si verno sago Čhavo pe sasto lesko ćher. A lesko ćher sam amen, ako inćaras o pouzdanje thaj e nada savjava hvali men. 7 Zato, sago kaj o Sveto Duho phenel: “Ađes ako ašunen lesko glaso, 8 neka či zuravon tumare ile sago ande vrjama kana tumare pradada pobunisajle, ando đes kana iskušisardine les ande pustinja, 9 kaj tumare pradada iskušinas man thaj izazivinas man, vi ako štarvardeš brš dićhenas mungre dela. 10 Zato bari holji astarda man pe godova naraštaj thaj phendem: ‘Uvek ileja durjon mandar, thaj mungre droma či pindžardine.’ 11 Gajda ande mungri bari holji halem solah: ‘Či dena ando than mungre odmorosko!’ “ 12 Len sama, phralalen, te varekasko ilo maškar tumende či avel bilačho thaj bipaćivalo, pa te džaltar e džude Devlestar. 13 Nego, svako đes, ohrabrin jek avres dži kaj god si okova “ađes”, te na vareko tumendar zavedime katar o bezeh otvrdnil piro ilo. 14 Kaj sa amen si udeo ando Hristo ako dži ko krajo čvrsto inćaras o pouzdanje savo sas amen ando početko. 15 Sago kaj si mothodo ando Sveto lil: “Ađes ako ašunen lesko glaso, neka či zuravon tumare ile sago ande vrjama kana tumare pradada pobunisajle." 16 Kaj save si godola save ašundine, pa pobunisajle? Zar nas okola saven o Mojsije inkalda andar o Egipat? 17 A pe save sas o Del holjariko štarvardeš brš? Zar nas pe okola save sagrešisardine thaj savenđe tela muline ande pustinja? 18 A savenđe godova hala solah kaj či dena ando than lešće odmorosko, ako či okolenđe save sas neposlušne? 19 Thaj dikhlam kaj našti dine ando than lešće odmorosko zbog piro bipaćipe.