ⵉⵥⴻⵀⵀⵉⴷⴻⵏ 13

1 ⵉ ⵓⵎⴻⵇⵇⵔⴰⵏ ⵏ ⵉⵎⴻⵖⵏⴰⵊⴻⵏ. ⴰⵣⴻⵀⵀⴻⴷ ⵏ ⴷⴰⵡⵓⴷ. 2 ⵎⴻⵛⵃⴰⵍ ⵄⴰⴷ, ⴰ ⵙⵉⴷⵉ, ⵉ ⴷ ⴰⵢⵉ ⵖⴰ ⵜᵉⵜⵜⵓⴷ? ⴰⵍ ⵎⴻⵛⵃⴰⵍ ⵄⴰⴷ ⵉ ⵅⴰⴼⵉ ⵉ ⵖⴰ ⵜⴻⵙⵙⵏⵓⴼⴼⴰⵔⴻⴷ ⵓⴷⴻⵎ ⵏⵏⴻⵛ? 3 ⵎⴻⵛⵀⴰⵍ ⵉ ⵉⵇⵇⵉⵎⴻⵏ ⴰⴷ ⴳⴳⴻⵖ ⵄⴰⴷ ⵍⴻⵀⵎⵓⵎ ⴷⵉ ⵍⴻⵄⵎⴰⵔ ⵉⵏⵓ, ⴰⵛⴹⴰⵏ ⴷⴻⴳ ⵡⵓⵍ ⵉⵏⵓ ⵎⴽⵓⵍ ⴰⵙⵙ? ⴰⵍ ⵎⴻⵍⵎⵉ ⵖⴰ ⵉⵙⵙⵄⵓⴵⴰ ⵍⴻⵄⴷⵓ ⵉⵏⵓ ⵉⵅⴻⴼ ⵏⵏⴻⵙ ⵅⴰⴼⵉ? 4 ⵅⵣⴰⵔ-ⴷⴷ, ⴰⵔⵔ-ⴷⴷ ⵅⴰⴼⵉ, ⴰ ⵙⵉⴷⵉ, ⴰⵔⴻⴱⴱⵉ ⵉⵏⵓ! ⴻⴳⴳ ⵜⴼⴰⵡⵜ ⵖⴰⵔ ⵜⵉⵟⵟⴰⵡⵉⵏ ⵉⵏⵓ, ⵃⵉⵎⴰ ⵡⴰⵔ ⵜⵜᵉⵟⵟⵚⴻⵖ ⵉⴹⴻⵚ ⵏ ⵍⵎⴻⵡⵜ, 5 ⵃⵉⵎⴰ ⵍⴻⵄⴷⵓ ⵉⵏⵓ ⵡⴰⵔ ⵉⵇⵇⴰⵔ: “ⵏⴻⵛⵛ ⵖⴻⵍⵍⴱⴻⵖ ⵅⴰⵙ!”, ⵃⵉⵎⴰ ⵡⴻⵏⵏⵉ ⴷ ⴰⵢⵉ ⵉⵃⴻⵚⵚⴰⵔⴻⵏ ⵡⴰⵔ ⵉⴼⴰⵔⵔⴻⵃ ⵎⴰⵍⴰ ⴼⴰⵔⵖⴻⵖ. 6 ⵏⴻⵛⵛ ⵜⵜⴻⵛⵍⴻⵖ ⵅ ⵜⵎⴻⵅⵙⵉⵡⵜ ⵏⵏⴻⵛ ⵉⵛⴻⵡⵡⴰⵔⴻⵏ. ⵓⵍ ⵉⵏⵓ ⴰⴷ ⵉⴼⴰⵔⵃ ⵅ ⵓⵙⴻⵏⵊⴻⵎ ⵏⵏⴻⵛ. ⵏⴻⵛⵛ ⴰⴷ ⵖⴻⵏⵏⵊⴻⵖ ⵉ ⵙⵉⴷⵉ, ⵎⴰⵖⴰⵔ ⵏⴻⵜⵜⴰ ⵉⴳⴳⴰ ⴷⴰⵢⵉ ⵍⵅⵉⵔ.