Izehhiden 98
LTI1 Azehhid. Ɣennjem i SIDI ijj n yezři n jdid, maɣar Netta igga lmuɛjizat. Afus nnes afusi d uɣiř nnes iqeddsen ssnejmen t. 2 SIDI isscen asenjem nnes, issargeb tasegda nnes zzat i tiṭṭawin n řegnus. 3 Netta iɛqeř x tmexsiwt nnes icewwaren, x řaman nnes i taddart n Israil. Marra tineggura n temmurt ẓrint asenjem s ufus n n AREBBI nneɣ. 4 Duqqzem s usřiwřew i SIDI, marra tammurt, sɣuyyem, sřiweřwem, zehhdem. 5 Zehhdem i SIDI s řgambri, s řgambri u s tmijja n yezři, 6 s řebwaq d řḥess n usuḍi deg uyicc n icarri. Duqqzem s usřiwřew zzat i wudem n ujeǧid, SIDI. 7 Ejj ad izhar řebḥar d marra aɛemmar nnes, ddunect d yinni dayes izeddɣen. 8 Ejj iɣezran ad wten camxa s ifassen, idurar ad ssřiwřewen jmiɛ 9 zzat i wudem n SIDI, maɣar Netta ad dd-yas ḥima ad iḥkem tammurt. Netta ad iḥkem tammurt s tsegda, řegnus s řḥeqq.