Izehhiden 53
LTI1 I umeqqran n imeɣnajen. S teɣnint n ‘Izři n wecḍan’. Axemmi n Dawud. 2 Abuhaři inna deg wuř nnes: “War din bu AREBBI!” Nitni ttareddǧen, tteggen min iǧan d nnɛi n řɣecc, war din uřa d ijj ittegg min icnan. 3 AREBBI ixezzar-dd zeg ujenna ɣar tarwa n bnadem, ḥima ad iẓar ma din ḥed ɣares řefhamet, ijjen i yarezzun AREBBI. 4 Marra ffɣen zeg webrid, aqa aten jmiɛ dewřen d iɛeffanen, war din uřa d ijj ittegg řxar, uřa d ijj. 5 Inni itteggen řmuɛṣiyyet ma war ɣarsen tussna, inni ittᵉtten řgens inu axmi ttᵉtten aɣrum? Nitni war ttřaɣan x AREBBI. 6 Aqa din i xasen tewḍa tiggʷudi imɣaren, umi war din min zi i ɣa ggʷeden, maɣar AREBBI iṭarrec iɣsan n wenni xak ihejjmen. Cek tessbehdřed i-ten, minzi AREBBI inḍar i-ten. 7 Ah, iři asenjem ameqqran n Israil ad dd-yas deɣya zi Ṣihyun! Xmi dd ɣa inneqřeb AREBBI tameḥbast n řgens nnes, ad yarceq Yaɛqub, ad ifarḥ Israil.