Izehhiden 24

1 Azehhed n Dawud. A. Azehhed umi ttgeɛɛden ɣar wedrar n Ṣihyun Marra imeɣnajen n řɣaci ittɛeyyden: I SIDI teǧa temmurt d uɛemmar nnes, ddunect d imezdaɣ nnes. 2 Maɣar Netta issars dsas nnes x řebḥur, issemten i-t x sseḥřat. 3 Tmijja: Wi izemmaren ad igeɛɛed adrar n SIDI, wi izemmaren ad ibedd deg wemcan nnes iqeddsen? 4 Tmijja nneɣni: Wenni ɣar iǧa ifassen imezdagen d wuř iṣfa, wenni war dd-ittarri řeɛmar nnes x řɣecc, war ittjjaǧa ẓur! 5 Marra imeɣnajen: Netta ad iksi lbaraka zi SIDI, uřa d tasegda zi AREBBI n usenjem nnes. 6 D wa d jjiř n yinni xas yarezzun, inni yarezzun x wudem nnec, aqa-t d Yaɛqub. Silah. 7 B. Azehhed umi udfen ɣar tendint n Ṣihyun Marra imeɣnajen n řɣaci ittɛeyyden: Sgeɛɛdent izeǧifen nwem, a tiwwura, sgeɛɛdent ixef nkent, a tiwwura n řebda, ḥima ad yadef Ujeǧid n uɛuǧi! 8 Tmijja zi tewwurt n tendint: Man wen i iǧan d Ajeǧid n uɛuǧi wanita? Marra imeɣnajen: D SIDI, ijhed ijebbar, SIDI aqa-t d ajebbar deg umenɣi. 9 Sgeɛɛdent izeǧifen nkent, a tiwwura, sgeɛɛdent ixef nkent, a tiwwura n řebda, ḥima ad yadef ujeǧid n uɛuǧi! 10 Tmijja zi tewwart n tendint: Min iɛna Netta, Ajeǧid-a n uɛuǧi? Marra imeɣnajen: SIDI n řɛeskarat d Netta d Ajeǧid n uɛuǧi. Silah.