Izehhiden 149

1 Hallilu-Yah! Ɣennjem ijj n yezři n jdid i SIDI, sɛuǧem t deg wegraw n imtiqqan nnes. 2 Ad ifarḥ Israil zeg wenni t iggin, ad arcqen iḥenjiren n Ṣihyun s Ujeǧid nsen. 3 Ad ṣebbḥen nitni Isem nnes s ccḍiḥ s nnubtat, ad as zehhden s ubendir d řgambri, 4 maɣar SIDI yarḍa x řgens nnes, ad yawi ccan i imwaḍɛen s wenjam. 5 Ad sřiweřwen imtiqqan s uweqqar yuǧɣen, ejj i-ten ad sɣuyen s řefraḥet zeg imucan nsen n arraḥet. 6 Izřan n uɛuǧi i AREBBI deg uqemmum nsen ijj n ssif iqḍeɛ s tnayen n wudmawen deg ufus nsen, 7 ḥima ad ntaqmen zi řegnus, ḥima ad ɛaqben ccuɛub, 8 ḥima ad carfen ijeǧiden nsen s ssnaseř, ayt n taṣiřet nsen s ssnaseř n wuzzař, 9 ḥima ad xasen ggen řḥukm yuran. D man aya ad tiři d lɛaḍama n marra imtiqqan nnes. Hallilu-Yah.