Izehhiden 113

1 Hallilu-Yah, sɛuǧem, kenniw imsexxaren n SIDI, sɛuǧem Isem n SIDI! 2 Ad ittwabarek Isem n SIDI, zi řexxu ař řebda. 3 Zi manis dd-tneqqar tfuct ař manis tɣeǧi tfuct, ad ittwassɛuǧa Isem n SIDI. 4 SIDI yuɛřa x marra řegnus, tiwa i ijenwan d aɛuǧi nnes. 5 Man wen iǧan am SIDI, AREBBI nneɣ, wenni izeddɣen di řuɛřa qaɛ, 6 wenni yuḍaren maḥend ad iẓar deg ijenwan u x temmurt! 7 Wenni dd-issnekkaran amuqřiř zi tɛejjajt, issgeɛɛed amezřuḍ zeg wefraḍ 8 maḥend ad t issɣim ak-d tarwa n taṣiřet, ak-d tarwa n taṣiřet n řgens nnes. 9 Wenni issezdaɣen tenni war ittirwen di taddart, am ict n yemmatsen n iḥenjiren tfarḥ. Hallilu-Yah.