1 Imezruyen 2

1 Ina tuɣa aten d ayt n Israil: Rubin, Cimɛun, Lawi d Yahuda, Issakar d Zabulun, 2 Dan, Yusuf d Binyamin, Naftali, Jad d Acir. 3 Arrawen n Yahuda tuɣa aten d Ɛir d Unan d Cayla. Aqa třata-ya ttwarwen as-dd zeg yeǧis n Cuɛa, Takenɛanit. Ɛir, amenzu n Yahuda, tuɣa d aɛeffan di tiṭṭawin n SIDI. S uyenni inɣa i-t. 4 Tamar, tasřit nnes, turuw as-dd Fariṣ d Zaraḥ. Yahuda tuɣa ɣares s marra xemsa n warrawen. 5 Arrawen n Fariṣ tuɣa aten d Ḥaṣrun d Ḥamul. 6 Arrawen n Zaraḥ tuɣa aten d Zimri, Itan, Hayman, Kalkul d Daraɛ. S marra xemsa. 7 Arrawen n Karmi tuɣa aten d Ɛaxar, wenni iɣeḍřen Israil di řeɣben, minzi igga s řeɣdar ak-d min tuɣa ittwaḥarrmen i uteḥḥi. 8 Arrawen n Itan: mɣir Ɛazarya. 9 Arrawen n Ḥaṣrun inni d as dd-ittwarwen tuɣa aten d Yarḥam’il d Ram d Kalubay. 10 Ram ijja-dd Ɛamminadab. Ɛamminadab ijja-dd Naḥcun, řḥakem n ayt n Yahuda. 11 Naḥcun ijja-dd Salmu. Salmu ijja-dd Buɛaz. 12 Buɛaz ijja-dd Ɛubid. Ɛubid ijja-dd Yassa. 13 Yassa ijja-dd Iliyab, amenzu nnes, wiss tnayen Abinadab, wiss třata Cimɛa, 14 wiss arebɛa Natanayil, wiss xemsa Radday, 15 wiss setta Uṣam d wiss sebɛa Dawud. 16 Suyᵉtmatsen tuɣa aten d Ṣaruya d Abijayil. Arrawen n Ṣaruya tuɣa aten d Abicay d Yuwab d Ɛasa’il, třata n warrawen. 17 Abijayil turuw-dd Ɛamasa u babas n Ɛamasa tuɣa-t d Yatru, wenni d Asmaɛili. 18 Kalib, mmis n Ḥaṣrun, ijja-dd ak-d Ɛazuba, tamɣart nnes, yeǧis Yariɛut. D ina tuɣa aten d arrawen nnes: Yacar, Cubab d Ardun. 19 Umi immut Ɛazuba, yiwi Kalib Ifrata d tamɣart i yixef nnes u nettat turuw as-dd Ḥur. 20 Ḥur ijja-dd Uri u Uri ijja-dd Baṣalyil. 21 Awarni as yudef Ḥaṣrun x yeǧis n Maxir, babas n Jilɛad, u netta yiwyi tt d tamɣart umi ɣares tuɣa settin n iseggʷusa u nettat turuw as-dd Sajub. 22 Sajub ijja-dd Ya’ir. Netta tuɣa ɣares třata u-ɛicrin n tneddam di temmurt n Jilɛad. 23 Jacur ak-d Aram ikkes zzaysen dcurat n Ya’ir, uřa d Qanat d tneddam i ɣares dd-iqqnen, s marra settin n tneddam. Ina marra tuɣa aten d arrawen n Maxir, babas n Jilɛad. 24 Awarni řmewt n Ḥaṣrun di Kalib-Ifrata, turuw as-dd Abiya, tamɣart n Ḥaṣrun, Acḥur, babas n Taquɛa. 25 Arrawen n Yarḥam’il, amenzu n Ḥaṣrun, tuɣa aten d Ram, amenzu, xenni Buna, Awran, Uṣam d Axiya. 26 Yarḥam’il tuɣa ɣares ɛad ict n temɣart nneɣnit, qqaren as Aṭara. Nettat tuɣa d yemmas n Unam. 27 Arrawen n Ram, amenzu n Yarḥam’il, tuɣa aten d Maɛaṣ d Yamin d Ɛaqar. 28 Arrawen n Unam tuɣa aten d Cammay d Yadaɛ. Arrawen n Cammay tuɣa aten d Nadab d Abicur. 29 Tamɣart n Abicur qqaren as Abiḥayil. Nettat turuw as-dd Aḥban d Mulid. 30 Arrawen n Nadab tuɣa aten d Salad d Affayim. Salad immut břa arrawen. 31 Arrawen n Affayim: mɣir Yicɛi. Arrawen n Yicɛi: mɣir Cican. Arrawen n Cican: mɣir ict n yeǧis, Aḥlay. 32 Arrawen n Yadaɛ, umas n Cammay, tuɣa aten d Yatru d Yunatan. Yatru immut břa arrawen. 33 Arrawen n Yunatan tuɣa aten d Falat d Zaza. Ina tuɣa aten d arrawen n Yarḥam’il. 34 Cican tuɣa war ɣares bu warrawen maca yessis wah. Cican tuɣa ɣares ijj n umsexxar d Amiṣri, qqaren as Yarḥaɛ. 35 Cican iwca yeǧis d tamɣart i umsexxar nnes Yarḥaɛ u nettat turuw as-dd Ɛattay. 36 Ɛattay ijja-dd Natan, Natan ijja-dd Zabad, 37 Zabad ijja-dd Iflal, Iflal ijja-dd Ɛubid, 38 Ɛubid ijja-dd Yahu, Yahu ijja-dd Ɛazarya, 39 Ɛazarya ijja-dd Ḥalaṣ, Ḥalaṣ ijja-dd Ilɛasa, 40 Ilɛasa ijja-dd Sismay, Sismay ijja-dd Callum, 41 Callum ijja-dd Yaqamya u Yaqamya ijja-dd Ilicamaɛ. 42 Arrawen n Kalib, umas n Yarḥam’il: mɣir Micaɛ, amenzu nnes wenni d babas n Zif, uřa d arrawen n Marica, babas n Ḥabrun. 43 Arrawen n Ḥabrun tuɣa aten d Quraḥ, Taffuɛ, Raqam d Camaɛ. 44 Camaɛ ijja-dd Raḥam, babas n Jaraqɛam, u Raqam ijja-dd Cammay. 45 Mmis n Cammai tuɣa-t d Maɛun. Maɛun tuɣa d babas n Bayt-Ṣur. 46 Ɛiyfa, tayya n Kalib, turuw-dd Ḥaran, Muṣa d Jaziz. Ḥaran ijja-dd Jaziz. 47 Arrawen n Jah-Day tuɣa aten d Rajam, Yutam, Jican, Falaṭ, Ɛiyfa d Caɛaf. 48 Ak-d tayya n Kalib, Maɛka, ijja-dd netta Cabar d Tarḥana. 49 Nettat turuw-dd Caɛaf, babas n Madmanna, d Cawa, babas n Makbina d babas n Jibɛa. Yeǧis n Kalib tuɣa Ɛaksa. 50 Ina d arrawen n Kalib: mmis n Ḥur, amenzu n Ifrata, tuɣa Cubal, babas n Qaryat-Yaɛarim, 51 Salma, babas n Bayt-Laḥm, d Ḥarif, babas n Bayt-Jadir. 52 Arrawen n Cubal, babas n Qaryat-Yaɛarim, tuɣa aten d Haruwa d Ḥaṣi-ha-Manuḥut. 53 Tiwacunin n Qaryat-Yaɛarim tuɣa aten d Iyitriyyen, Iffutiyyen, Icamatiyyen d Imacraɛiyyen. Zzaysen i dd-iqqarṣen Iṣarɛiyyen d Ictawuliyyen. 54 Arrawen n Salma: mɣir Bayt-Laḥm, uca Inaṭufatiyyen tuɣa aten: Ɛaṭarut-Bayt-Yu’ab d Ḥaṣi-ha-Manaḥti d Iṣurɛiyyen. 55 Tiwacunin n imariren nni izeddɣen di Yaɛbiṣ, tuɣa aten d Itirɛatiyyen d Icamɛayyen d Isukaniyyen. Nitni d Iqiniyyen inni dd-iqqarṣen zi Ḥammat, babas n taddart n Rakab.