إِزهِّيذنْ 87

1 أَزهّذْ، إِزْڒِي ن أَيْثْ ن قُورَاحْ. ذْسَاسْ نّسْ أَقَا-ث خْ إِذُورَارْ إِقدّْسنْ. 2 سِيذِي إِتّخْسْ ثِيوُّورَا ن صِيهْيُونْ أَطَّاسْ خْ مَارَّا ثِيزدّْغِينْ ن يَاعْقُوبْ. 3 ثِيمسْڒَايِينْ يُوعْڒَانْ قَّارنْ خَامْ، أَ ثَانْذِينْثْ ن أَربِّي. سِيلَاهْ. 4 نشّْ أَذْ بَارّْحغْ رَاهَابْ ذ بَابِيلْ غَارْ يِينِّي إِ ذ أَيِي إِسّْننْ. خْزَارْ، فِيلِيشِيثْ ذ ونِّي زِي صُورِي أَكْ-ذ ؤُكُوشِي … ‘وَانِيثَا إِتّْوَاخڒْقذْ-د ذِينْ!’ 5 مَاشَا خْ صِيهْيُونْ أَذْ إِنِينْ: ‘إِنَا مَارَّا تّْوَاخڒْقنْ-د ذَايسْ!’، أَمْعُودْجِي خْ كُوڒْشِي أَذْ ت إِسّمْثنْ. 6 سِيذِي أَذْ إِزمّمْ ذِي لِيسْثَا ن ڒڭْنُوسْ: ‘وَانِيثَا إِخْڒقْ-د ذِينْ’. سِيلَاهْ. 7 نِيثْنِي تّْغنَّاجنْ أَمْ شطّْحنْ: ‘ثَاڒَاوِينْ إِنُو مَارَّا ذَايمْ!’