إِزهِّيذنْ 123

1 إِزْڒِي ن ؤُڭعّذْ. نشّْ سّْڭعّْذغْ ثِيطَّاوِينْ إِنُو غَاركْ، شكْ إِ إِقِّيمنْ خْ ڒْكُورْسِي نّسْ ذڭْ ؤُجنَّا. 2 خْزَارْ، أَمْ ثِيطَّاوِينْ ن إِسمْغَانْ غَارْ ؤُفُوسْ ن بَابْ نْسنْ، أَمْ ثِيطَّاوِينْ ن ثَايَّا غَارْ ؤُفُوسْ ن لَالَّاسْ، أَمُّو إِ خزَّارنْثْ ثِيطَّاوِينْ نّغْ غَارْ سِيذِي، أَربِّي نّغْ، أَڒْ خَانغْ إِ غَا إِحِينّْ. 3 حِينّْ خَانغْ، أَ سِيذِي، حِينّْ خَانغْ، مَاغَارْ يُوزَا غَارْنغْ ؤُسحْقَارْ. 4 ڒعْمَارْ نّغْ يُوزَا غَارسْ أَطَّاسْ زڭْ ؤُسْثهْزِي ن أَيْثْ ن بُو-نّْفَاخثْ، ؤُڒَا زڭْ ؤُسحْقَارْ ن إِغبَّاننْ.