إِزهِّيذنْ 120

1 إِزْڒِي ن ؤُڭعّذْ. نشّْ ڒَاغِيغْ غَارْ سِيذِي ذِي ڒحْصَارثْ إِنُو ؤُ نتَّا إِسْڒَا أَيِي. 2 أَ سِيذِي، فكّْ ڒعْمَارْ إِنُو زڭْ إِينْشِيشنْ إِسّْخَارِّيقنْ، زڭْ إِڒسْ إِشمّْثنْ. 3 مِينْ ذ أَشْ إِ غَا يوْشْ، مِينْ ذ أَشْ إِ غَا يَارْنِي إِڒسْ نِّي إِشمّْثنْ؟ 4 فْڒِيثْشَاثْ ن ڒْقوْسْ قضْعنْثْ زڭْ ؤُفُوسْ ن إِجّْ ن ؤُمْجَاهذْ، أَكْ-ذ ڒفْحمْ ن ثْشجَّارْثْ ن ثَاڭَّا. 5 ؤُشْثْ إِنُو، أَقَا نشّْ ذ أَبَارَّانِي ذِي مَاشِيكْ، أَقَا زدّْغغْ غَارْ إِقِيضَانْ ن قِيذَارْ! 6 أَطَّاسْ إِ إِزْذغْ ڒعْمَارْ إِنُو غَارْ يِينِّي إِشَارّْهنْ ڒهْنَا. 7 نشّْ ذ أَهدَّانْ، مَاشَا خْمِي غَا سِّيوْڒغْ، خنِّي أَرزُّونْ أَمنْغِي.