SAN JUAN 9
TBL1 Tata Diospa wasinmanta llukshishpa Jerusalen llaktapi Jesuska ñukaykunawan puriykarkan. Chaypina suk mana kawakuk runata kawarkanisapa. Chay runaka nasishkanmantapacha mana kawakurkanchu. 2 Payta kawashpaynikuna Jesusta tapurkanisapa: âMaestru ¿imapatà chay runaka mana kawakuk nasishka? ¿Kikinpa uchanraykuchu? ¿Tatanpa mamanpa uchankunaraykuchu mana kawakuk nasishka? 3 Jesuska willawarkansapa: âKay runaka manami kikinpa uchanraykuchu nima tatanpa nima mamanpa uchanraykuchu mana kawakuk nasirkan. Payka chay laya nasirkan Tata Dios kankunata kawachishunaykichipa atipananta alliyachiyta. 4 Wañunanchikuna diyakaman kachamuwak Tatayni willawashkanchikunata rurananchikuna tiyan. Wañushpanchikuna manami atipanchisapachu trabajayta. 5 Manarapish wañushpaynira runakunata yachachiykani. Chashna yachachikushpayni ñukaka tukuy runakunapa lusninshinami kani. 6 Chayta rimashkanwasha Jesuska allpapina tukakurkan. Chay tukayninwan suk tipi turuta rurarkan. Chaypina turuwan chay mana kawakuk runapa ishkantin ñawinkunata tuparkan. 7 Tupashpana willarkan: âRillay Siloe tantanachidu yakupi ñawikita mayllamuy. Siloe shutin riman Kallpachimudu Yaku. Chashna Jesus willaptin payka rirkan ñawinta mayllakna. Mayllashkanwasha atiparkan kawakuyta. Chaypina allita kawakushpa wasinman kutirkan. 8 Chaypina chay alliyadu runapa ladunpi kawsakkuna chay kullkita mañakuptin kawak runakuna payta kawashpa tapunakurkansapa: â¿Manachu kayka tiyarishpa kullkita mañakuk runa? 9 Sukkuna rimarkansapa: âAriya paymi mana kawakuk runa karkan. Sukkuna rimarkansapa: âPayshina rikurishpapish manami paychu. Chashna chay runakuna sukaman ayninakuptinkuna chay alliyadu runaka willarkansapa: âÃukami kani kullki mañakuk runaka. 10 Chashna rimaptinna chay riksik runakunaka tapurkansapa: â¿Imashnatà atipanki kawakuyta? 11 Chashna tapuptinkuna willarkansapa: âChay runa Jesusmi suk tipi turuta rurashpa ñawinikunata tupashpa willawashka: “Rillay Siloe yakupi ñawikita mayllamuy.” Chashna willawaptinna rirkani mayllak. Mayllashkaynimantapacha atipani allita kawakuyta. 12 Chaypina chay runakuna paytaka tapurkansapa: â¿Maypità kunanka chay alliyachishushka runaka? Chashna tapuptinkunana willarkansapa: âManami yachanichu. 13 Jesus chay mana kawakukpa ñawinta turuwan tupashpa alliyachishkan diyaka samana diya karkan. Chayrayku ladunpi kawsak runakuna chay runataka fariseo awtoridarkunaman pusharkansapa chatanankunapa. 15 Chaypina fariseokunaka payta tapurkansapa: â¿Imashnatà kanka mana kawakuk kashkaykimanta atipanki kawakuytana? Chashna tapuptinkuna willarkansapa: âSuk runa turuwan ñawinita tupaptin rishkani yakuwan mayllak. Mayllashkayni ratumanta atipani kawakuyta. 16 Chashna willaptinkuna suk fariseokunaka rimarkansapa: âSamana diya alliyachishushpa chay runaka manami Tata Diosmanta shamudu runachu. Sukkuna rimarkansapa: âUchasapa runa kashpaka manami atipanmanchu kay almirana layata rurayta. Chashna ayninakushpankuna chay fariseokunaka mana atiparkansapachu suk yuyayllapi kipariyta. 17 Chaypina kashkan chay alliyadu runataka tapurkansapa: âChay alliyachishuk runapaka ¿imatatà kanka rimanki? Chaypina chay runaka willarkansapa: âÃuka yuyani alli yachachikuk runa kananta. 18 Chaypina chay awtoridarkunaka mana kreyinayarkansapachu chay runa mana kawakuk kashkanta nima alliyadu kashkanta. Chayrayku payta llukshichishpankuna tatanta mamanta kayachirkansapa. 19 Tatan maman shamuptinkuna paykunata tapurkansapa: âKankuna willawaysapa. ¿Deveraschu chay runaka wambraykichi? ¿Deveraschu mana kawakuk nasishka? Mana kawakuk nasishpaka ¿imashnatà kunanka allitana atipan kawakuyta? 20 Chaypina tatan mamanka willarkansapa: âAriya chay runaka wambraynikunami. Ariya mana kawakukmi nasirkan. 21 Manami yachanisapachu imashnami alliyashka nishpa. Nima yachanisapachu pimi alliyachishka nishpa. Kikinta tapuychi. Payka ñami atun runana. Paymi allita willashunkichi imashnami atipashka kawakuyta. 22 Tatan mamanka manchakuywan chashna aynirkansapa. Manarapish Jesus chay runata alliyachiptin fariseo awtoridarkuna paktanakushpa tukuy runakunata willarkansapa: “Maykan runa rimaptin Jesus Tata Diosmanta shamudu runa kananta paytaka tantanakunanchikuna wasimanta karkushunchisapa ama kutin yaykunanpa." 23 Fariseokunata manchashpankuna chay alliyadu runapa tatan mamanka willarkansapa: “Payka ñami atun runana. Kikinta tapuychi." 24 Chaypina awtoridarkunaka chay alliyadu runata kashkan yaykuchishpankuna willarkansapa: âTata Dioska tukuy rimanaykita uyariykan. Chayrayku kuskata rimay. Ãukaykuna yachanisapa chay alliyachishushka runaka sukaman uchasapa kananta. 25 Chashna willaptinkuna payka willarkansapa: âÃukaka manami yachanichu chay runa uchasapachu manachu nishpa. Allita yachani mana kawakuk kashkaynimanta allitana kawakunaynita. 26 Chaypina kashkan tapurkansapa: â¿Imata rurashpatà chay runaka alliyachishushka? 27 Chaypina payka aynirkansapa: âÃami tukuytana willashkaykichi. Willaptinipish manami kreyiwankichichu. ¿Imapatà kuti kuti tapuwankichi? Ichará kankunapish Jesustaka katinayankichi. 28 Chaypina chay awtoridarkunaka sukaman piñayashpa willarkansapa: âKanmi chay runataka katinki. Ãukaykunaka ñawpa alli yachachikuk Moisesllata katinisapa. 29 Allita yachanisapa Tata Dioska Moiseswan parlashkanta. Mana nima yachanisapachu pimi chay Jesusta kachamushka nishpa. 30 Chaypina chay runaka willarkansapa: âÃukaka sukaman almirani kankuna mana yachaptikichi pimi Jesusta kachamushka nishpa. Chay runa alliyachiwashkanrayku yachankichiman Tata Dios kachamushkanta. 31 Tukuy runakuna allita yachanchisapa Tata Dios payta kuyak payta kasuk runakunallata uyarinankunata. Manami uchasapa runakunata uyarinsapachu. 32 Ãawpamantapacha kunankaman mana uyarishkanchisapachu ni pi mana kawakuk nasishkata alliyachishkanta. 33 Kay runa mana Tata Diosmanta shamushka kashpaka manami kay almirana milagruta atipanmanchu rurayta. 34 Chashna chay runa willaptinkuna fariseo awtoridarkunaka sukaman piñakushpa willarkansapa: âKanka nasishkaykimantapacha sukaman uchasapami kanki. Chashna uchasapa kaykashpaykika ¿imashnatà ñukaykunata yachachiwanayankisapa? Chayta willashpankuna chay runata chay tantanakunankuna wasimanta karkurkansapa. 35 Chaymanta Jesuska yacharkan chay alliyachishkan runata karkushkankunata. Chayta yachashpa payta tarishpa tapurkan: â¿Kanka kreyinkichu Tata Diospa wambran sielumanta shamushkanta? 36 Chashna Jesus tapuptin chay runaka willarkan: âMaestru, willaway ¿pità chay sielumanta shamudu runaka payta kreyinaynipa? 37 Chashna chay runa willaptin Jesuska willarkan: âÃukami kani. Mana riksiwashpaykipish parlachiwaykanki. 38 Chaypina chay runa Jesusta kuyashpa ñawpakninpi kunkurikushpa willarkan: âSeñor, kreyikuni Tata Diosmanta shamushkaykita. 39 Chaymanta Jesuska willarkan: âÃukaka sielumanta kay allpaman shamushkani tukuy kreyiwak runakunata salvanaynipa mana kreyiwak runakunata kastiganaynipa. Uchasapa runakuna iden mana kawakuk runakunashina. Paykuna munaptinkuna yachachishasapa allita Tata Diosta riksinankunapa. Chaymanta suk runakuna kikinlla llullachinakushpa rimansapa Tata Diosta allita riksinankunata. Paykunaka yuyanakunsapa alli kawakuk runakunashina kanankunata. Ãukaka sielumanta shamushkani paykunata yachachinaynipa mana kawakukshina kanankunata. 40 Chayta uyarishpa suk fariseokuna willarkansapa: â¿Ãukaykunatachu willawaykankisapa iden mana kawakuk runakunashina kanaynikunata? 41 Chaypina Jesuska aynirkansapa: âKankuna llullakushpa rimankichi alli kawakuk runakunashina Tata Diosta allita riksinaykichita. Chayrayku Tata Dios kastigashunkichi. Kankuna mana kawakuk runakunashina mana Tata Diosta riksiyta yachaptikichika payka mana kastigashunkichimanchu.