SALMOS 113

¹ ¡Aleluya! ¡Tayta Diosga alabasha cachun! Tayta Diosta sirbejcuna, payta alabay-llapa.

² ¡Cananpis imaypis Tayta Diosga alabasha cachun!

³ ¡Tayta Diosta alabachun cay pachachöga intërucho!

⁴ Tayta Diospa munayninchömi caycan llapan nasyuncunapis. Syëlupis mas janajcho cajpis payllapami caycan.

⁵ Tayta Diosga janajpitami mandaycämun. Paynöga manami pipis canchu.

⁶ Chaypitami ricaycämun syëlutawan cay pachatapis.

⁷ Pobritaga Tayta Dios allimanmi churan. Pishëpacojta ima-aycatapis tarichinmi.

⁸ Nircurmi jamachin rispitäducunawan iwal. Jamachin marca-masincho mandajcunawan iwal.

⁹ Mana wawa tarej warmita cushicachin wawayoj cananpaj, wasincho cushishana tiyananpaj. ¡Aleluya! ¡Tayta Diosga alabasha cachun!