Pjalm 125

1 Me liki Ieowa kin rajon dol Jion, me jota kin mokid, a pan potopot eta. 2 Duen dol akan kin kapil pena Ierujalem, iduen Ieowa kin kotikot ren japwilim a aramaj akan, jan met o kokolata. 3 Pwe jokon en me doo jan Kot akan jota pan mimieta ren kijin pwin en me pun kan, pwe me pun kan ender kapa won pa ar an nin japun. 4 Main Ieowa, kotin kajanjaleda omui kalanan on me mau kan o on ir, me melel nan monion arail. 5 A me kin wuki won ni al japun, Ieowa pan kotin paki irail wei ianaki me jued akan, Ijrael en popol!