ሐዋሩን ኦቻ 4

1 ጴጥሮሳን ዋሐንሳን አሱንስ ኦሆደራ ካህኑን Ꮉላቁን፥ ጾዘ ኬቶ ናግዙን Ꮉላቅዘን ሳዱቃዉን ኡንታጎ ይእዳ። 2 ኡን የሱሳ Ꮉይቆፓ ደንድዳኖን ኤ ባጋራ Ꮉይቆፓ ደንዶ የዛኖ አሱንና ታማርስደ ግሾ ካጭዳ። 3 ይኒ ግሾ፥ ኡንታና አይኪ ሳእታ ኡጉርደ ግሾ ዎንቶደ ዎንስ አች ኬ ገልዳ። 4 የዝን ቃላ ስእዱንፓ ጋሙን አማንዳ። አማንደ ራ አሱን ፋይድታ እችን ሙኩል የልዳ። 5 ዎንትት ኦደ ጋደ አህዙን፥ ጭሙንን፥ ህገ አስታማሩን የሩሳላመ ሺቅዳ። 6 የን አሱን ግዳ ካህኑን Ꮉላቅዘ ሃናን፥ ቃያፋ፥ ዋሐንሳ፥ እስክንድሮሳን ካህኑን Ꮉላቃ እግኑን ኡባ የነ። 7 ጴጥሮሳን ዋሐንሳን ፋ ቲንተ ኤስ፥ «አኮ ዎልቃራ ዎይ ኦደ ሱንተ Ꮉኖ ይን ኦችዶ?» ያጋእ ኦጭዳ። 8 የ ዎደ ጴጥሮሳ ጌሽ አያናር ኩሚ፥ «አህዙንን፥ ጭሙን፥ 9 Ꮉይኖ Ꮉይ ቶሄ ዎቦ አስ ኦችንትደ ሎኦ ኦችትስን ኤ ዋይዝ ፋጸዛኮ ይን ኑና ቁርችኮ፥ 10 ማስቃላላ ይን ሱጽን፥ ጾዚ Ꮉይቆፓ ደንደ ናዝረተ የሱስ ክርስቶሳ ሱንተ Ꮉይ አ ፋጺ ይን ቲንተ ኤቅዳይ ይንትስን እስራኤለ አስ ኡቡንስ ኤርንትደባዝ ማቀ። 11 «ይን ‹ኬጽዙን ለቂ እጽደ ሹችዘ፥ ኬ ማይዘነስ ኦማን፥ ኡባፓ አዘ ሹች ማቅዳ፤ የ ሹችዘ የሱሳ።› 12 ይኒ ግሾ፥ አቶት ኤ ባጋራፕ አትን መለ ኦደ ባጋራን ይእካያ። ኑ ኤ ሱንተ አቶደ ጋር አስ ኡባስ ጾዚ ሳሎፓ ኦሞራ እንግደ መለ ሱን ባያ» ያጋይዳ። 13 ሺቅደ አሱን ጴጥሮሳን ዋሐንሳን ቆንጭዝ ኦህዳኖ ብእደ ዎደ ኡን ታማርካይዘ ጨር አስ ማቅዳኖ ቆፒ ጋማ ናሽዳ፤ ኡን የሱሳራ የዛኖ ኤርዳ። 14 ማህ ፋጽደ አ ጴጥሮሳራን ዋሐንሳራ ኤቅዳኖ አሱን ብእን ጋዉደ ባዝ ብዳ። 15 የዝን ጴጥሮሳን ዋሐንሳን ባለ ኬሳደ ጋር ዪዚ ፋ ግዳ፥ 16 «Ꮉን አሱንላ ኑ አኮ ኦቾ? ኡን ኩሽተ ኦችንትደ ዳማ ክለ ባዝ የሩሳላመ የዘ ኡቡንስ ቆንጭዳ። ኑ ይኖ አቾደስ ዳንዳኦስ። 17 የዝን Ꮉና ኦህታ አስ ግዳ ዳልጋመ ጋር ይኬፓ Ꮉን አሱን የሱሳ ሱንተ ሙሎን ኦሃመ ፋናን ታማርሳመ ፋና ካዮዳ» ጋእ ዞርንትዳ። 18 ኡንታና ጼጊ፥ የሱሳ ሱንተ ይኬፓ ኦሃመ ጋር ዎይ ታማርሳመ ጋር ኪትዳ። 19 የዝን ጴጥሮሳን ዋሐንሳን ኡንታጎ ማህ፥ «ጾዘስ ኪትንቶዳንፓን ይንትስ ኪትንቶዳንፓ ጾዘ ቲኖ አና ሎኦ የዛኮ አነ ይን ፍርዶተ። 20 ኑ ብእዳኖን ስእዳኖን ኦህካይዛራ ስእ ጋዉደስ ዳንዳኦስ» ያጋይዳ። 21 ጭሙንን ዎርዣ አህዙን ቲኖስትፓ ምን ካጪ ኡንታና ዳኪ አሽዳ። አሱን Ꮉንዳንስ ጾዝ ጋላቲ ቦንችደ ግሾ ኡንታና ፍርዶደስ ዳንዳእካያ። 22 ይና ክለ ኦችተ Ꮉርግትፓ ፋጽደ አስ ላይታ ኦይታማፓ አነ። 23 ጴጥሮሳን ዋሐንሳ ብልንቲ አማንዘ ባጉንጎ Ꮉንግ፥ ካህኑን Ꮉላቁንን ጭሙን ፋጎ ጋይደባዝ ኡባ ኡንትስ ኦህዳ። 24 ኡን ይኖ ስእደ ዎደ ፈቲ ዎዝና ማቂ ጾዛ Ꮉንጋራ ያጋእ ዎስዳ፦ «ኡባ አህዘ ላዮ፥ ሳሎ፥ ሳአ፥ አባን ኡን ግዳ የዛኖ ኡባ መዳዮ፥ 25 ኔኒ ነ አርዘ፥ ኑ አዳይ ዳዉተ ዶንተ ጌሽ አያናራ፥ «አይሁደ ማቆሱን አኮስ ዙዝንግዶ? ዎርዡን አኮስ ጨር ዞርንትዶ? 26 ሳአ ካቱንን ዎርዣ አህዙን ዎላ ላላን ትዥንትደላን ደንድዳ ያጋይዳ። 27 «ቱሮን፥ ሄሮድሳን ጰንጠ ጵላጦሳ አይሁደ ማቆሰ አሱንራን እስራኤለ አሱንራ ነ ትዥደ ነ ጌሽ ናአይ የሱሳላ ደንዶደስ Ꮉና ካታምተ ሺቅዳ። 28 ማህ ኔኒ ነ ዎልቃራን ነ ቆፋር ኦቾዳ ጋእ ቆፒ በትደ ባዝ ኡባ ኡን ፎልዳ። 29 Ꮉተን ላ፥ ኡን ማንድዛኖ ቦኦ፤ ኑኒ ነ አሩን ነ ቃልቶ ኩሙ ዎዝናር ኦሆደ ጋር ኑስ ዎልቃ እንጎ። 30 ነ ጌሽ ኦቻንችዘ የሱሳ ሱንተ Ꮉርግንትዙንና ፋደስ፥ ክለ ባዝን ጋማ ቆፍዘ ባዝ ኦችንቶደ ጋር ነ ኩሽቶ ምጮ» ጋእ ዎስዳ። 31 ኡን ጾዝ ዎስዳንፓ ሱባ ኡን ሺቅደ በስታ ኤንእዳ። ኡን ኡቡን ግዳ ጌሽ አያና ኩምን ጾዘ ቃልቶ ቆንጭዝ ኦህዳ። 32 አማንዙን ኡቡን ቆፋራን ዎዝናራን ፈቶ ማቅዳ። ኡን ፋስ የዘ ባዝ ኡባ ታ ባዝ ጋእ ኦሆስ። የዝን ፋስ የዛኖ ኡባ ዎላ ማድንታነ። 33 ሐዋሩን ላ የሱሳ Ꮉይቆፓ ደንድዳኖ ዳማ ዎልቃራ ማርክነ። ጾዚ ኡን ኡቡንስ ዳማ አ ኬሃት እንግዳ። 34 ጋደ ማቅን ኬ የዘ ኡባ ባይዝ ብርቶ ዎላላ ጋዳነ። ይኒ ግሾ አማንዙን ግዳ ማዘ ፈትን ባያ። 35 ብርቶ ክእ ሐዋሩንስ እንጋነ፤ ይና ብርቶ ፈተስ ፈተስ ኮሽደ ፋና ሻኪ ሻኪ እንጋነ። 36 ቆጵሮሳ ጋዘ በስተ የልንትደ ዮሰፋ ጋዘ ሌወ ኮቻፓ ማቅደ ፈተ የነ። ኤ ሱንቶ ሐዋሩን ባርናባሳ (ምንዘ ናአ) ጋይዳ። 37 ባርናባሳ ፋስ የዘ ጋድቶ ባይዝ ብርቶ ክእ ሐዋሩንስ እንግዳ።