LINGE 62

1 Inau tu nia kabu beto sono na pitu dilaana God. itatana te mai a nigua na vola maurihali. 2 Agaira heghena vamua nigua na vatu ngasi mana vola maurihali. Nigua vatei tuturi kauha ge ke mua alealeu na hava. 3 Ara subo ghagua na levunimate tara koukolu, Agaira udolu tara tabotabo ge kara va mateu. Itadira gaira Inau te vaghau vamua na vokovoko tara durakei horua pana pilupilu te aleale. 4 Ara padalaghinia ge kara talu horuu ta nigua na malei haba. Ara nia rivurivu na tutugu sorisoriagu. Ara doloviu ta nigua na reirei, Hauva, mara [sukaghiu]/[bosa dikalau] tana tobadira. 5 Inau tu nia kabu beto so na pitudilara God, nia nigua na ghanaghana dila itatana gaia. 6 A gaia heghena vamua nigua na vatungasi mana vola maurihali; Nigua vatui tuturi kauha ge ke mau alealeu na hava. 7 Nigua na vola maurihali mana talu mava te va butu mai itatana God heghena vamua. A gaia te nigua na vavola, na vatu ngasi te na ghagua na kana ke mua hagalo sodou. 8 Ighau nigua na vure, kau talu mavaa gaia tana lei bona ni bongi soko, Kaikavi horura vania na tobamu, nia God, dida na vavolaghita tana vahaghitaili. 9 Vuivuni tadira tara haba dato me riti tadira tara pari sosoko, te mua vaghara siki totobo tana matana. Ge ko taboa na mavadira ke, A gaira tara mamala vulea na kolukolu ni ghuri. 10 Kau bei tabotabo ge kau nia lologho au na gito, Ma ge a nimua na lologho ke sule ghahagha ke, kau bei nia gea ge ke puku ni totobo tana volamu. 11 A God te kokoe tatavahalea tua, me subo ni bona tua tu rongovia Inau: Na maana mana laga a nimua Ighoe God. 12 Na dolo te mua sosokogha, Ighoe Lord, a nimua. E utuni sughua to detera na lei tinoni soko taonighi na lei totobo tara gonighi.