LINGE 23

1 A Lord nigua na vatogha; Inau ku mua kenea na hava te liogu. 2 Gaia te lubatiu ge ku aheahe tana buburu maumauri; me uhuliu va tana daidari ni beti maghora. 3 Gaia te vaheu na laga vaolu. Gaia te huliu tana halautu maemane, ge ku nia kikinima na ahana. 4 Sakai vamua ku liu tana pui mana ungaunga ni mate ku mua mataghu; na pukuna ighoe tana lilighigu. nimua na toghona mana tila kara pilupiluu. 5 Ko gonidilaa vaniu na vanga kolu tana matadira tara kanahaghiniu. Ighoe to lavipangotiu mo dolovia na ulugu nia na oil/oele. Ma nigua na seu ke vonughia na vauto. 6 Nimua na dolo mana vauto ke saritaoniu tana lei bongi ni volagu, mi nau kabu kasila tana valena Lord.