SALMOS 93

1 ¡TOTECO tlanahuatía! Yaya tlahuel hueyi hasta quipiya itlatlanex catli onpano yejyectzi. Quitlatzquilti nelcuali ni tlaltipactli, huan amo hueli mojmolinis tlen itlatzinpehualtil. 2 Nochipa hasta tlen huejcajya ta tijpixtoc tlanahuatili, huan nochi catli itztoque ipan motlanahuatilis mocahuaj temachme. San ta tiitztoc para nochipa. 3 TOTECO, nopa hueyame caquisti para mitzpaquilismacaj quema mocoxoníaj. 4 Pero ta, TOTECO, catli tiitztoc hasta huejcapa tijpiya más chicahualistli, huan amo quen nopa atl catli mocoxonía ipan nochi huejhueyi atl ipan tlaltipactli. 5 Motlanahuatilhua amo quema mopatlaj. TOTECO, para nochi xihuitl huan para nochi tonali motequiticayo eltoc senquistoc tlatzejtzeloltic.