SALMOS 6

1 TOTECO, amo techajhua quema ticualani. Amo techtlatzacuilti quema tlahuel ticualantoc. 2 Techtlasojtla, pampa nimococohua. TOTECO, techchicahua, pampa tlahuel nechcocohua nochi notlacayo. 3 Nihuihuipica ica majmajtli huan amo nijmati tlaque nijchihuas. Huan ta TOTECO, ¿hasta quema tihualas para techtlananas? 4 Xihuala, TOTECO, techmanahuiqui para amo nimiquis. Techmaquixti pampa tlahuel techicnelía. 5 Amo aqui catli mictoc huelis mitzelnamiquis. ¿Ajqueya huelis mitzhueyichihuas sintla mictoc huan ya quitlalpachojtoque? 6 Ya tlanqui nofuerza ica choquistli. Sesen yohuali nichoca miyac hasta nijtlamixolonía notzonteto. 7 Nichocatoc miyac hasta nechcocohua noixteyol huan ayacmo hueli nitlachiya. Quena, nichoca quema nimoilhuía catli nocualancaitacahua nechchihuilijtoque. 8 Techtlalcahuica, tlajtlacolchijca masehualme, pampa TOTECO quicactoc quen nichoca. 9 Yaya quicactoc catli nijtlajtlanijtoc, huan quiselijtoc nonetlatlajtilis. 10 Nochi nocualancaitacahua mopinahuase huan huetzise. Ica se tlatoctzi TOTECO quincuepas ica pinahualistli.