SALMOS 120

1 Quema niitztoya ipan taijyohuilisti, nijtzajtzili TOTECO huan yaya nechnanquili. Niquilhui: 2 “TOTECO, techmanahui inimaco nopa masehualme, cati nechistacahuíaj huan nechejelnamiquij." 3 Ma moilhuica nopa istacatini taya ininpantis por iniistacaticayo. 4 Quintamicocoyotzase ica cuataminti huan quintatise ipan ticoli. 5 Nelía niteicneltzi na cati niitztoc inihuaya ni masehualme ten tali Mesec huan Cedar. Nelía nitaijyohuía tatajco ten inijuanti, pampa yon se ten inijuanti amo mitztepanita, Toteco. 6 Ya nisiyajqui para niitztoc inihuaya ni masehualme cati amo quinequij ma onca tasehuilisti. 7 Quema niquincamanalhuía quenicatza hueli tiitztose ica tasehuilisti, inijuanti quisencahuaj quenicatza tatehuise.