Mboe 150

1 Haleluya! Kapakur Anutu lela muriini potomŋana! Kapakuri lela muriini mbolŋana ta saamba a! 2 Kapakur zaana pa uraata kini mburanŋan ta ni ikamam na. Kapakuri pa ni ta zaana biibi ma ilip. 3 Kiwi twiiri mi kapakur zaana. Kese kombom mi kupun gita mi kapakuri. 4 Kitir kakaaba, mi karak mi kapakur zaana. Kapakuri pa mamaaza mi gita. 5 Kupun koŋ mi kapakuri. Mi sombe kupun, na kupun kat bekena kalŋaana biibi. 6 Tana niom koroŋ mata yaryaaraŋoyom ta munŋaana men, kapakur Yooba! Haleluya!