Sam 125

1 Nedi di nunu saga at Leeme Silok, di lok ngan Lakaana Saion ua ixo epovo do tara nakma asubu i, ketla naba tu atmatkun lexen tino. 2 Larakaana dit kis kangkan lemenemen Jerusalem, la kerepmo bok Leeme Silok nabang kan pe axap limixin teren monga la at levenaleng axap i tu melamgo. 3 Limixin kapmek di noxom gomgonga amisik lenep kangka atnedik limixin manmanton teren. Mo do dina lox i xuren, limixin manmanton bok giba vubeles at laxakapmek. 4 Leeme Silok, una lok lununuan tinedi dik lok nunuan, la tinedi bok ding tonga res at levempapaase ali ram. 5 Ketla una lox asongot nedi dit pas at leventaangas i xakauk, la una lox asongot nedi bok di sok tixirixes kepe leventaangas taram. Limila nak lok to Israel.