Juan 9

1 Cuhva tsa yaha̱ ra Jesús iin nu yaha̱ ra, nyehe̱ ra tsi iin ra cuaa nda cacu̱ ra. 2 Tan quitsaha̱ tsicá tuhun ra tsicá tsihin ra tsi ra: âMaestro, ¿nacuvi tyin cuaa ra ihya cacu̱ ra? ¿A tsa cuenda cuatyi jutu ra tan sɨhɨ ra, o tsa cuenda cuatyi maa ra? âcatyí ra naha tsihin ra. 3 Tan nacaha̱n ra Jesús tan catyí ra: âÃavin tsa cuenda cuatyi maa ra, tan ndi ñavin tsa cuenda cuatyi jutu ra tan sɨhɨ ra. Cuaa maa ra tyin tacan tan cuví janaha Nyoo tunyee iñi ra tsi nyɨvɨ tsa cuenda ra can. 4 Tsa tsinu cahñi, cuñí tsi tsa javaha yu tyiñu ra tsa jaquitsi̱ tsi yu. Tyin tsa yatyin cuii cua cuaa tan ña cua cuvi ca jaha tyiñu yo. 5 Tsa ndi nyií yu nu ñuhu ñayɨvɨ ihya, ñuhu̱ jandunditsín [cuenda nyɨvɨ iyó] nu ñuhu ñayɨvɨ ihya cuví yu. 6 Tsa yaha̱ tsa caha̱n ra Jesús tacan, tan tɨvɨ̱ sɨɨ ra nu ñuhu̱. Tan jatyii̱ ra luxu nyahyu tsihin sɨɨ ra tan tyaa̱ ra tinuu ra cuaa can. 7 Tacan tan catyí ra tsihin ra cuaa can: âCu̱aahan cua nacatya nuu un nda tanque Siloé. âSɨvɨ can cuñí tsi catyí: “Jacuhu̱n Yu Tsi Un.” Tacan tan ra cuaa can tsaha̱n ra tsinacatya̱ ra nuu ra. Tan cuhva tsa tsaa̱ nyico ra, tsa nyehé ra. 8 Tacan tan nyɨvɨ iyó yatyin yuvehe ra, tan nyɨvɨ tsa nyehe̱ tsi ra tsa ndi cuaá ra catyí ñi: â¿A ñavin ra ihya cuví ra tuhvá tsinyaá tsicán xuhun? âcatyí ñi. 9 Tan yɨhÉ¨Ì Ã±i catyí: âJuvin ra. Inga ñi catyí ñi: âÃavin ra cuví can, maa tyin tacan caá ra. Maa tyin maa ra catyí ra: âJuvin yu cuví âcatyí ra. 10 Tacan tan quitsaha̱ tsicá tuhun ñi tsi ra: â¿Tan nácaa tyin cuví nyehé un vityin? âcatyí ñi. 11 Tan catyí ra: âRa tsa nañí Jesús, ra ican jatyii̱ nyahyu tan tyaa̱ ra tinuu yu tan catyí ra tsihin yu: “Cu̱aahan cua nacatya nuu un nda tanque Siloé.” Tacan tan tsaha̱n yu. Tan tsa yaha̱ nacatya̱ yu nuu yu tan nanyehe̱ yu âcatyí ra tsihin ñi. 12 Tacan tan quitsaha̱ tsicá tuhun ñi tsi ra: â¿Tan numaa nyií ra can vityin? Tan catyí ra tsihin ñi: âÃa tsitó yu âcatyí ra. 13 Tacan tan tsindaca̱ ñi tsi ra tsa nduvaha̱ can nuu ra cuví fariseo naha ra. 14 Tyin quɨvɨ tsa jatyii̱ ra Jesús nyahyu tan janduvaha̱ ra tsi ra can, cuví tsi quɨvɨ quitatú nyɨvɨ. 15 Yacan cuenda ra cuví fariseo naha ra tsica̱ tuhun nyico ra naha tsi ra nácaa tyin nyehé ra. Tan catyí ra tsihin ra naha: âTyaa̱ ra nyahyu tinuu yu, tan nacatya̱ nuu yu tan vityin nditsin nyehé yu âcatyí ra tsihin ra naha. 16 Tacan tan catyí juhva ra fariseo naha ra: âRa tsa javaha̱ yacan ñavin cuenda Nyoo cuví ra, tyin ña tyaá yahvi ra quɨvɨ quitatú yo âcatyí ra naha. Maa tyin catyí inga ra naha â¿Nacaa tsa cuví javaha̱ ra tsa iyo ihya tatun ra iyó cuatyi cuví ra? âcatyí ra naha. Tan sɨɨn sɨɨn tsa caahán ra naha. Tan natahvi̱ sava ra naha. 17 Tan tsica̱ tuhun nyico ra naha tsi ra nduvaha̱ can inga tsaha, tan catyí ra naha tsihin ra: â¿Tan yooho, náa catyí un tuhun ra tsa janduvaha̱ tinuu un? âcatyí ra naha. Tan nacaha̱n ra tan catyí ra: âYuhu catyí yu tyin ra cuví ndusu yuhu Nyoo cuví ra âcatyí ra. 18 Maa tyin ra cuví ityi nuu tsihin nyɨvɨ Israel ña cuñí ra naha tsinu iñi ra naha tsa cuaa̱ ra can tan nanyehe̱ ra. Nda cuanda cana̱ ra naha tsi jutu ra tan tsi sɨhɨ ra. 19 Tan tsica̱ tuhun ra naha tsi ñi, tan catyí ra naha: â¿A ra ihya cuví sehe ndo tsa catyí ndo tyin cuaá ra cacu̱ ra? ¿Nacaa tsa cuví nyehé ra vityin? âcatyí ra naha. 20 Nacaha̱n jutu ra tan sɨhɨ ra tan catyí ñi: âTsitó ndi tyin ra ihya cuví sehe ndi. Tan cuaa ra quɨvɨ cacu̱ ra. 21 Maa tyin ña tsitó ndi nácaa tsa cuví nyehé ra vityin. Tan ndi ña tsitó ndi yóo janduvaha̱ tinuu ra. Nda̱ca tuhun maa ndo tsi ra. Tsa iyó tucu maa cuiya ra. Tan cuví nacatyi tuhun maa ra tsihin ndo âcatyí ñi tsihin ra naha. 22 Jutu ra tan sɨhɨ ra caahán ñi tacan tsa cuenda tyin yuuhví ñi tsi ra cuví ityi nuu tsihin nyɨvɨ Israel naha ra, tyin tsa natuhu̱n tahan ra naha tyin cua tava cuii ra naha tsi nyɨvɨ vehe ñuhu, tun cahan ñi tyin ra Jesús cuví ra Cristo, ra tsa jaquitsi̱ Nyoo. 23 Yacan cuenda catyi̱ ñi: “Nda̱ca tuhun ndo tsi maa ra. Ra tsa ñihi cuví ra." 24 Tacan tan cana̱ nyico ra naha tsi ra tsa nduvaha̱ can inga tsaha. Tan catyí ra naha tsihin ra: âNda nuu Nyoo ca̱han tsa nditsa tsihin ndi. Tyin nyuhu tsitó ndi tyin ra ican, ra iyó cuatyi cuví ra âcatyí ra naha. 25 Tacan tan nacaha̱n ra tsa nduvaha̱ can tan catyí ra: âYuhu ña tsitó yu tatun ra iyó cuatyi cuví ra, a ñavin. Intuhun ñi tsa tsitó yu tyin yuhu ra cuaa cuví yu, maa tyin vityin nditsin nyehé yu âcatyí ra. 26 Tan tsica̱ tuhun nyico ra naha tsi ra inga tsaha tan catyí ra naha: â¿Náa ica̱ ra tsihin un? ¿Nacaa ica̱ ra tan nanyehe̱ un? âcatyí ra naha tsihin ra. 27 Tan catyí ra: âTsa caha̱n yu tsihin ndo, tan ña tyaá yahvi ndo tsi yu. ¿Náa cuenda cuñí ndo tsa cahan yu inga tsaha? ¿A cuñí ndɨhɨ ndo cunyicun ndo tsi ra can? 28 Tacan tan nduxaa̱n ra naha tsi ra, tan catyí ra naha: âYooho tsa yɨhÉ¨Ì un cuenda ra, maa tyin nyuhu cuenda ra Moisés ra tsa tsicoo̱ tsa naha yɨhÉ¨Ì ndi. 29 Nyuhu tsitó ndi tyin Nyoo caha̱n tsihin ra Moisés taha̱n tsa naha. Maa tyin ra can, ndi ña tsitó ndi numaa quee̱ ra âcatyí ra naha. 30 Tacan tan nacaha̱n ra tsa nduvaha̱ can tan catyí ra: â¡Naa tsa iyo cahnu cuví tsehe! Nyooho ña tsitó ndo numaa quee̱ ra, tan jananyehe̱ ra tsi yu. 31 Tsitó vaha yo tyin Nyoo ña tyaá soho ra nu caahán ra iyó cuatyi. Maa tyin ra jacahnú tsi ra tan icá ra cuhva cuñí ra, tyaá soho Nyoo tsa caahán ra. 32 Ndi iin tsaha tan ñaha ca cuñi yo tatun iyó iin ra jananyehe̱ tsi iin ra cuaá nda cacu̱ ra. 33 Tun tsatyin ra ihya tan ñavin cuenda Nyoo vatsí ra, nduve tsa cuví javaha ra âcatyí ra tsihin ra naha. 34 Tacan tan catyí ra naha tsihin ra: âYooho ra iyó cuatyi cuví un nda cacu̱ un. ¿Tan cuñí un jacuaha un tsi nyuhu? âcatyí ra naha. Tan tava̱ cuii ra naha tsi ra vehe ñuhu. 35 Tsitó ra Jesús tyin tava̱ ra naha tsi ra tsa janduvaha̱ ra vehe ñuhu. Tan tsa ñihi̱ tahan ra tsihin ra tan catyí ra tsihin ra: â¿A tsinú iñi yooho tsa caahán Rayɨɨ tsa quee̱ nda gloria? âcatyí ra tsihin ra. 36 Tan nacaha̱n ra tan catyí ra: âCa̱tyi tuhun tsihin yu, taa, yóo ra cuví ra tyin tsinú iñi yu tsi ra âcatyí ra tsihin ra. 37 Tan catyí ra Jesús: âTsa nyehe̱ un tsi ra. Tan juvin ra natuhún tsihin un âcatyí ra tsihin ra. 38 Tacan tan tsicuɨñɨ̱ tsɨtɨ ra tsaha ra Jesús tan catyí ra tsihin ra: âTsinú iñi yu tsi un, Jutu Mañi yu âcatyí ra tsihin ra Jesús. 39 Tan catyí ra Jesús: âYuhu vatsí yu tyin catyi tuhun yu tsa iyó añima nyɨvɨ iyó nu ñuhu ñayɨvɨ ihya. Tyin nyɨvɨ cuaa, ñi ña tsitó tuhun Nyoo cua nanyehe ñi tyin coo tuhun Nyoo añima ñi. Tan nyɨvɨ cuñí tyin nditsin nyehe ñi, catyí ñi tyin tsitó ñi tuhun Nyoo, coto ñi tyin cuaa ñi tyin ña tsinú iñi ñi tsi yu âcatyí ra Jesús. 40 Tacan tan juhva ra fariseo tsa nyecú tsihin ra Jesús tsiñi̱ ra naha tsa caahán ra, tan catyí ra naha tsihin ra: â¿A cuaa ndɨhɨ tucu nyuhu? âcatyí ra naha. 41 Tacan tan catyí ra Jesús tsihin ra naha: âTun tsatyin cuaa ndo cua coto ndo tyin tsiñí ñuhu tuhun Nyoo tsi ndo, tan ña cua coo cuatyi ndo. Maa tyin catyí ndo tyin nyehé ndo tan tsitó ndo, yacan cuenda ndoó cuatyi ndo sɨquɨ ndo âcatyí ra tsihin ra naha.