Hechos 27

TBL

‹ Chapter 26 Hechos — All Chapters Chapter 28 ›

1 Mänitä Festo wyiinmahñdyhajty coo ja�a Pablohajxy jim̱ quiexǿøjät Italia barcojooty møød jiamiøødhajxy, ja�a hajxy hänajty tsum̱ybiä. Mänitä Julio ja�a tsum̱yhäna�c yajcø�ødägøøyyä. Capitán ja�a Julio hänajty tiuum̱by maa ja�a Augusto biatallóngän. Høøc�h Lucas, høøc�hä Pablo hänajty nbanøcxaam̱by. 2 Mänit højts hoy nbarcotägø�øy. Jim̱ä barco hänajty tøø choh�da�agy maa ja�a cajpt hänajty xiøhatiän Adramitio. Tänaayyhaambiä barco hänajty ñøcxa�añ majatiä cajpt hänajty miejypia�ajän jim̱ Asianaaxooty. Jim̱ä jäya�ay hänajty tu�ug piadsoonä. Aristarco hänajty xiøhaty. Jim̱ hänajty quiunaax̱ä Tesalónica, jim̱ Macedonia�naaxooty. Mänit højts ndu�ubøjnä barcojooty. 3 Cujaboom højts nmejch maa ja�a cajpt hänajty xiøhatiän Sidón. Jaanc�h tehm̱ yhojiootä Julio hänajty miøød ja�a Pablocøxpä. Paadiä Julio ja�a Pablo cuhdujt miooyy coo ja�a Pablo ja�a miägu�ughajpä nøcxy quiuhix̱y cajptooty, weenä Pablo jaduh� piuhbedyii. 4 Mänit højts jim̱ jadähooc ndu�ubǿjcumbä Sidón barcojooty. Møc højts hänajty xjiøjcubojø�øy. Paady højts Chiprenaaxooty hahooyhaamby nwiinnajxy maa hänajty møc quia�a jaty pojjiän. 5 Mänit højts jim̱ nnaxøøyy Cilicia�naaxooty møød Panfilia�naaxooty. Mänit højts jim̱ nmejch maa ja�a cajpt hänajty xiøhatiän Mira, jim̱ Licea�naaxooty. 6 Jim̱ä Julio wiingbarco hoy piaady, ja�a hänajty nøcxaam̱bä Italia. Alejandría ja�a barco hänajty tøø choh�da�agy. Mänit højts barcojooty hoy ndägøødiägach. Mänit højts ndägøøyy tu�uyohbiä jadähooc. 7 Je�enä højts hänajty møc xjiøjcubojø�øy, paady højts hänajty hodiägaamby ndu�uyo�oy. Mädaax̱xøø mägoox̱xøø højts hänajty tøø njaac nøcxy coo højts jim̱ nmejch mäwiingó� maa ja�a cajpt hänajty xiøhatiän Gnido. Hobiänejpiä højts jim̱ nmejch. Cab højts hänajty hoy ndu�uyo�oyaa�nä. Je�enä højts hänajty møc xjiøjcubojø�øy. Mänit højts wiingtuum nnøcxøøyy maa ja�a naax̱ hänajty xiøhatiän Creta. Coo højts jim̱ nnaxøøyy mäwiingó� maa hänajty xiøhatiän Cabo Salmón, mänit højts Creta hanajtyhaamby nnøcxøøyy maa hänajty møc quia�a jaty pojjiän. 8 Hamäjaa højts jim̱ nmejypia�ayohy. Mänit højts jim̱ nmejch maa ja�a cajpt hänajty xiøhatiän Buenos Puertos, jim̱ mäwiingó� maa ja�a cajpt hänajty xiøhatiän Lasea. 9 Maxiøø højts jim̱ nhijty. Tøø højts hänajty hanax̱iä nhøx̱haamø�øy. Mäjahñ ja�a tu�uyo�oyiibä hänajty tøø jiajnä je�eguiøxpä coo tøøchpoj hänajty tøø piädsøøm̱nä. Mänitä Pablo miänaaṉ̃: 10 �Wiindsø�døjc, mäjahñdiägǿøbiøc�hä tu�uyo�oyiibä jaduh� nhijxnä coo tøøchpoj tøø piädsøøm̱nä. Weh�dä barco jaduh� miá�adät møødä tsøm̱ydiajy cøx̱iä. Weh�dä højts jaduh� nhó�cämät. 11 Pero cabä Julio ja�a Pablo ja�a miädia�agy ñä�ä yajtuu�ä. Jue�e ja�a miädia�agyhajxy yajtúu�äxä, ja�a barcoyajyohbiä møødä cubarco. Jaduh� hajxy hänajty tøø miäna�añ cooc tyijy hänajty quia�a mäjahñä. 12 Cab hänajty yhahixø�øy coo højts tøøchpoj jim̱ nyajnáxät Buenos Puertos. Mänit hajxy nämay miänaaṉ̃ coo højts jadähooc ndu�ubǿjcumbät barcojooty. Jim̱ hajxy hänajty ñaxa�añ maa ja�a cajpt hänajty xiøhatiän Fenice. Creta�naaxooty hänajty je�e mejypia�a. Cab hänajty jim̱ jiaty mäjahñä je�eguiøxpä coo jim̱ møc quia�a pojy. Paadiä tøøchpoj hajxy hänajty jim̱ yajnaxa�añ. 13 Mänitä jøømboj yuung piädsøøm̱y. Mänit hajxy miänaaṉ̃ cooc hajxy hoy jiaac tu�uyo�oya�añ barcojooty. Mänit højts njaanc�h tu�ubǿjcumbä. Jim̱ højts njaac mejypia�ayohy Creta. 14 Weeṉ̃tiä højts hänajty tøø njaac tu�uyo�oy, mänitä tsuxpoj møc piädsøøm̱y. 15 Møc højts hänajty xjiøjcubojø�øy. Coo ja�a barcoyajyohbiä jaduh� yhijxy coo hänajty quia�a mäjäda�aga�añ, mänit hajxy ñiñämaayyä coo ja�a barco ween piabojy. 16 Mänit højts jim̱ nmejch maa ja�a naax̱ mejyquiujc chuucpän, ja�a hänajty xøhajpä Cauda. Mänit højts jim̱ nnaxøøyy hanajtyhaamby maa hänajty møc quia�a pojjiän. Jim̱ højtsä barcohuung hänajty nbawich. Hobiänejpiä højtsä barcohuung jiiby nyuugjädujty møjbarcojooty. 17 Coo hajxy yajwiimbejty, mänitä barco hajxy yagjuhmäguijwädijty laansähaam, jaduh�ä barco quia�a má�adät. Coo ja�a mejy hänajty jim̱ quia�a jaty hagom̱ä, paadiä barcoyajyohbiähajxy hänajty chähgø�øy coo ja�a barco jiiby jié�xät tsäbiu�ujooty nøøba�c. Mänitä wit pojyohbiä hajxy yajmänajcy, ja�a barco hänajty quiuhdøyhajpiä. Mänit hajxy miänaaṉ̃ coo ja�a barco ween jaduhyyä piabojy. 18 Cujaboom, je�enä hänajty møc piojy. Møcä barco hänajty miøjpojpedyii. Ja�a tsøm̱ydiajy ja�a barco hänajty yajnøcxypä, mänit hajxy ñøøjuip ñøøpøgøøyy mejjiooty. 19 Cujaboom højtsä tuum̱bejt njaac nøøjuip njaac nøøpøgøøyy, møødä wit pojyohbiä, ja�a barco hänajty quiuhdøyhajpiä, møødä wittøøbiejt. 20 Maxiøø højts jaduh� nmänajxy nyajnajxy. Teh�gajnä hänajty møc piojy. Jaanc�h tehm̱ wyiimbøcy hänajty. Cabä xøø cabä madsa�a hänajty quiähxø�øgy ni weeṉ̃tiä. Cab højts hänajty nnajuø�øy maa højtsä poj hänajty xchøm̱nøcxy. Jaanc�h tehm̱ chähgøøby højts hänajty coo højts nhó�ogät. 21 Tøø højts hänajty maxiøø nhity jaguiay. Mänitä Pablo tiänaayyø�cy jäya�ayhagujc. Mänit miänaaṉ̃: �Wiindsø�døjc, cooc�hä nmädia�agy hajxy häxøpy tøø xyajtuu�ä, cab hajxy häxøpy jim̱ tøø mdsooñ Creta, y cabä tsø�ty cabä häyohn hajxy häxøpy tøø nbáatäm. 22 Pero, ca�a hajxy mdsähgø�øy. Caj pø� yho�oga�añ, hoyyä barco cu jia ma�ad. 23 Hix̱, haamyquióodshøc�hä Diosmoonsä tu�ug nwiinhijxy. Jim̱ chooñ Dioswiinduum. Nwiingudsähgǿøbiøc�hä Dios. Je�ec�h jaduh� xwyiinguejx. 24 Mäníthøc�hä Diosmoonsä xñämaayy: “Pablo, ca�a mdsähgø�øy. Tsipcøxp yhahixø�øy coo miic�h jim̱ mmédsät Roma maa ja�a gobiernä wyiinduumän. Miic�hcøxpä ja�a Dios tøø miäna�añ cooc pø� quia�a ho�oga�añ mäduhṉ̃tiä hajxy jiiby mnøcxy barcojooty”, nǿm̱høc�hä Diosmoonsä xñämaayy. 25 Paady, ca�a hajxy mdsähgø�øy. Nmäbǿjcäbøc�hä Dios ja�a miädia�agy jaduh� cooc hajxy xyajnähwa�adsáa�äm, nebiátyhøc�hä Diosmoonsä tøø xyajmøødmädia�agy. 26 Jim̱ mejyquiujc, jim̱ä naax̱huung tu�ug. Jim̱ højts nøcxy nmøjpojpedáa�äm. Tøyhajt jaduh� �nøm̱ä Pablo miänaaṉ̃. 27 Majmactsxøø højts hänajty tøø nbabojy barcojooty jim̱ maa ja�a mejy hänajty xiøhatiän Adriática. Cuptsuhm̱ hänajty jaduh�, mänitä barcoyajyohbiähajxy ñajuøøyy coo højts hänajty naax̱pa�a tøø nmäwiingoṉ̃. 28 Mänitä nøø hajxy qyipxy mäduhṉ̃tiä quiøøcä. Jue�e hänajty quiøøcä, hii�xmajmocxmetro. Coo hajxy weeṉ̃tiä jiaac nøcxy, mänit hajxy qyípxcumbä. Jue�e hänajty quiøøcä, hii�xjuxtujmetro. 29 Tsähgøøby hajxy hänajty coo ja�a barco tsaa nøøba�c miøjpohm̱bédät, paadiä pujxthajo�c hajxy mädaax̱c ñøøjuipøøyy barcohøx̱haam. Cuxodsø�øyä pujxthajo�c hänajty. Paady hajxy jaduh� ñøøjuipøøyy coo ja�a barco jaduh� jiiby wioh�mähmø�øwǿøjät. Jaanc�h tehm̱ jiootmayhajp hajxy hänajty. Jaduh� hajxy hänajty miäna�añ coo paquiä cu jiobøøyy. 30 Mänitä barcoyajyohbiä ja�a barcohuung hajxy quiuhdøøñajxy nøøjooty. Jaduh� hajxy hänajty yajnänøma�añ cooc tyijy ja�a pujxthajo�c hänajty ñøøjuipø�øwa�añ barcojøbhaam. Ja wi�i piäyø�øgaam̱bä barcoyajyohbiähajxy hänajty jaduh� ja�a barcohuungooty. 31 Pero cabä Pablo yajwiinhøhṉ̃. Mänitä Juliohajxy ñämaayyä møødä soldadohajxy: �Coo yø�ø yajyohbiädøjc�hajxy häyaa piäyǿ�øgät, mhó�ogäp hajxy jaduh� �nøm̱ä Pablo miänaaṉ̃. 32 Mänitä soldado ja�a barcohuung hajxy miäbuxøøyy. Mänitä barcohuung chøm̱nøcxä nähgapjooty. 33 Jobø�øwaam̱b hänajty jaduh�, mänitä Pablo jäya�ay ñämaayy: �Joom, huuc wiingaañáx̱äts hajxy hii. Majmactsxøø hajxy tøø mhity jaguiay jamia�ay. Cab jaduh� yhoyyä coo hajxy jaguiay mjaac hídät, coo hajxy jaduh� mnä�ä päma�ayǿ�øwät. Hix̱, cab hajxy nej mjada�añ. 35 Coo ja�a Pablo jaduh� quiapxpädøøyy, mänitä tsajcaagy quionø�cy. Mänitä Dios ñämaayy “Dioscujú�uyäp” jiamiøødwiinduum. Mänitä tsajcaagy yhaguidøøyy. Mänit tiägøøyy caabiä. 36 Coo ja�a Pablo jaduh� yhijxä coo hänajty quiay, mänitä jiamiøødhajxy jiootcugøøyy. Mänit hajxy piadägøøbiä caabiä. 37 Jue�e højts hänajty nhity barcojooty nämejtsmägo�xcudägøøghii�x cu majmocxtu�ug. 38 Coo hajxy jaduh� quiaabiädøøyy, mänitä trigo hajxy miejjwyipøøyy, jaduh�ä barco ween pie�tiø�øy. 39 Coo jiobøøyy, cabä barcoyajyohbiädøjc�hajxy hänajty yhajuø�øyii. Mänitä laguun hajxy yhijxy mejypia�a. Pa�adsäbiu�u hänajty je�e. Mänit hajxy miänaaṉ̃ coo ja�a barco hajxy jim̱ yajnǿcxät pu�uwiing, coo hajxy jim̱ yajmøjyädsujtspédät. 40 Mänitä pujxthajo�c hajxy miäbuxøøyy. Jiiby jaduh� miähmøøyy mejjiooty. Mänitä barcocaa�pt hajxy yajyuungøøyy, jaduh�ä barco hoy yó�oyät. Mänitä wit hajxy yujxojch barcojøbhaam, ja�a barco hänajty quiuhdøyhajpiä. Mänitä barco tiägøøyy yohbiä. Jim̱ ñøcxøøyy pu�uwiing. 41 Mänitä barco jie�xy nøøba�c tsäbiu�ujooty maa nøø hänajty quia�a com̱än. Ja�a barcojøbhaam jaduh� je�x. Mänitä barcohøx̱haam tiägøøyyä møjcujpéjtäbä. Mänit tiägøøyy ma�pä tsaybiig. 42 Coo ja�a soldadohajxy jaduh� yhijxy coo ja�a barco hänajty mia�ada�añ, mänitä tsum̱yhäna�c�hajxy jia yagho�ogaa�ä, jaduh� hajxy cu quia�a päyø�cy yáhw̱äp. 43 Pero cabä Julio jaduh� miänaaṉ̃ coo ja�a tsum̱yhäna�c�hajxy yagho�ogǿøjät. Paady jaduh� miänaaṉ̃ je�eguiøxpä coo ja�a Julio ja�a Pablo hänajty yajnähwa�adsa�añ. Mänitä Julio miänaaṉ̃ coo hajxy ñøøga�awǿ�øwät, pønjaty yaaw hänajty jajp, jaduh� hajxy ñǿcxät tø�ødstuum yáhw̱äp. 44 Pønjaty hänajty ca�a yaawjajp, wéenäc hajxy ñøcxy pu�uñähgøxp, møødä barcohadøjcøxp. Jaduh� højts nägøx̱iä ndsoocy tø�ødstuum.

‹ Chapter 26 Hechos — All Chapters Chapter 28 ›

Hechos 27

Cite / Share This Page