Rom 9

1 Na Kraist mondÊp nÊnt, na ik kol rop ni nanÊnt. Na ik kupa ei nÊnt. Na nga numan mbo kel ei, Muⱡnga Wingti ei ndi, ronduⱡ ngumba nduimp roⱡnga, ik kupa ei nÊnt. 2 Ei kÊn, na nga mundmong ei, mindil elinga, rÊk rÊk mbun tÊt. 3 Na Got kÊn atinga rop nÊmp mel, na nanim Kraist kÊn mor uⱡ ila, tÊpa ekit ndangga, koⱡ ila na nga Jura wamp kÊⱡ, Kraist tÊn tÊpa rÊmp ndupa monduⱡnga ndam, kapⱡa elinga. 4 Isrel wamp kÊⱡ, Got ndi tÊpa, elim nga kangambuⱡa rÊndrÊm. Wote elim nga rÊⱡang kai ei kandrÊng, wote wamp mbÊ kÊn mi ambuⱡpa, mi ik kÊⱡ ngumba, mbi paka rundi uⱡ kupa ei, ora ndupa, omba Got nga nimba mÊi rui uⱡ kÊⱡ ngurum. 5 Ni kÊn, anda kouwÊmÊn mbÊ, Got ndi, unt kandpa mbi ndurum kÊⱡ, enim nga tÊpanÊmÊl kÊⱡ nga, anda kouwÊmÊn mbÊ nga rÊⱡaip ila ku, Kraist ni, mana omba mÊi kona wamp kÊng titim. Wu ei, akup muⱡ mÊi raⱡ nga pora Nuim morum. Ei kÊn, Got nga rÊk rÊk mbi mundamin! Ei kupa! 6 Na nÊnt ik ei ndi, Got nga nimba mÊi rurum ik ei omba, kawa ndurum ni nanÊnt. Wote Isrel wamp mbÊ pora, Got ndi kÊmp ropa ti nÊtÊtÊm. Ei nambuⱡ mel, Isrel wamp mbÊ pora, Isrel wamp kupa mat mon. 7 Aparam nga mema ila kalk tÊtÊng wamp mbÊ pora, Got nga kangambuⱡa ni nÊnmÊn mon. Ei nambuⱡ emel, unt Got ndi, Aparam kundpa nimba mel, “Aisak nga rÊⱡaip ila kaⱡpa tÊm wamp mbÊ, nim nga wamp rÊⱡaip,” nitim. 8 Ik ei nga puⱡ ei mel, ya mÊi kona ila wu amp ndi, wamp kaⱡÊp tÊtmÊn mbÊ, Got nga kangambuⱡa mon! Got nga nimba mÊi ropa nitim ik mbÊ, mondÊk pÊtmin wamp mbÊ, Aparam nga kangambuⱡa kupa ralk mormin. 9 Uⱡ ei nga, Got ndi, unt nimba mÊi ropa nimba mel, “Na ndi, ui kanggÊp ambÊⱡÊp pindÊt ila, yant wamba kÊn, amp Sera ni, kang ti memba,” nÊtÊm. 10 Wote, ei mint mon! Amp Repeka nga kangÊm wu raⱡ nga tipam ei, tÊn nga anda kouwÊ tipam Aisak. 11 Wote, wu raⱡ mi nÊmi kÊn, wote uⱡ kit kai mbÊ nga ti iti natÊtÊnggil kÊn, Got ndi, amp Repeka kundpa, nimba mel, “Kang kumina ei omba, kang akil ei nga kindmant wamp mel muⱡangga!” nitim. Uⱡ ei, wu raⱡ nga etÊnggil uⱡ tila mon. Uⱡ ei, Got ndi, itangga nimba pitim ei mel omba, kupa itim. 13 Wote, Got nga ik ti, Buk Wingti ila petÊm ei, omba kupa etpa nimba mel, “Na Jekop numan ngur. Wote Iso numan ngui ngÊnggÊr mon!” nÊtÊm. 14 Ei kÊn, akup tÊn ndi, uⱡ ei nga namba nimin? Muna Got nga wamp kÊmp titim uⱡ ei kÊn, pi napÊrÊm nimin ei? Ei ama mon! 15 Akup elim ndi, Moses kundpa, nimba mel, “Wamp nam ti kÊn, uⱡ kai ti itimp nÊmp pint ndam, ei nanim pint ei mel ku itimp. Wote, wamp nam ti, kont kuⱡimp nÊmp pint ndam, ei nanim pint ei mel ku itimp,” nÊtÊm. 16 Ik ei ndi, nimba kÊn, tÊn wamp nga numan pÊtmÊn uⱡ ila, Got ndi, kandpa kÊn, kÊmp ropa ti natÊtÊm mon. Uⱡ ei, Got elim nga wamp kont kuⱡi uⱡ ila mint etÊm. 17 Wote, Got nga Buk Wingti ila ik ti ndi, Pero kundpa, nimba mel, “Na nga ronduⱡ ei, nim kÊn mot nangga, wote na nga mbi ei, muⱡ uⱡ mbila, pilik kapⱡa indeing nÊmp kÊn, nim tÊp wu nuim mundÊr,” nitim. 18 Ei kÊn, akup tÊn uⱡ ti pilimin ei, Got ndi, wamp nam ti, kont kuⱡimp nimba pÊtÊm ei, elim pÊtÊm ei mel ku etÊm. Wote, wamp nam ti kÊn, etÊp numan ku rundimp nimba pÊtÊm ei, elim pÊtÊm ei mel ku etÊm. 19 Ei kÊn, akup enim ti ndi, na kundÊk, nÊng ndam, “Wote nambuⱡ emel, Got ndi, wamp nga uⱡ ⱡawa etmin mbÊ nga nÊtÊm? Wote, wamp nam ti ndi, Got nga numan ei, tÊpa roi ndumba?” nitim. 20 Ei kÊn, wu ana ye! Nim wamp nam nÊkÊn pilkÊn, Got kÊn ik int ndukÊn nin? “MÊi ming ei ndi, mim itim wamp ei kundpa, na nambuⱡ emel, ei mel mim itin nimba ei?” nitim. 21 Ei kÊn, mÊi ming mim etÊm wu ei ndi, mÊi kÊning ila, namba uⱡ ti itimp nimba pÊtÊm ei mel etÊm. MÊi kÊning tenda ila, mÊi ming raⱡ mim etpa, ming tila rÊng kaⱡÊp, ming tila wamp rÊng etÊp, nguimp nimba mim etÊm. 22 Got ndi, itim uⱡ ei, mÊi ming ei mel uⱡ to tenda ei. I itim uⱡ ei ndi, elim nga popÊⱡ ei kÊn, elim ronduⱡ ei kÊn, wamp mbÊ ent kÊneing nimba, etpa mot ndurum. Wote, ming ropa kit mondÊmba mbÊ, kit muⱡing ei nga tÊk kun etÊk mormin. Ei wote, puⱡ wu ei ndi, ming mbÊ ropa gau ndumba ei nga ui ei, ui nawÊⱡnga nokundÊk mormin. 23 Ei nambuⱡ emel, elim nga uⱡ rÊⱡang pi mbÊ, elim nga wamp mbÊ kÊn, oi ndurum uⱡ ei, tÊp mot ndamba. TÊn elim nga uⱡ mon pi mbÊ, kandÊp tÊmin nimba kont kuⱡpa, tÊpa kun itim wamp mbÊ timin. 24 Ei kÊn, tÊn ya wamp kÊⱡ mendpÊⱡ wi ropa titim. Ei nga, Jura wamp kÊⱡ mendpÊⱡ mon! Wote, wamp rÊⱡaip elpa mbÊ, kÊmp kÊm ku. 25 Got ndi, painui wu Oseiya kundpa, nimba mel, “Na nga wamp puⱡ mon mbÊ kundÊp, na ndi, ‘Na nga wamp puⱡ mbÊ,’ nimp. Wote, wamp rÊⱡaip na numan ngui nganggÊr mbÊ, na ndi, ‘Na nga wamp numan ngur mbÊ,’ nimp. 26 Wote kona nant tila kundÊk nimba mel, ‘Enim na nga wamp mat mon, nÊtmin nimbila, wote wamp mbÊ kundÊk, Got kont morum ei nga kangÊmÊl mbÊ,’” ning. 27 Ei wote, Aisaiya ndi, Isrel wamp mbÊ nga nimba mel, “Isrel wamp rÊⱡaip ei, num kuta ila ku ok, na ei mel kapⱡa. Ei wote, wamp onunga kÊralt mint, Got ndi, etpa peng kont tÊmba. 28 Ei nambuⱡ emel, Nuim ei ndi, wamp etpa romba uⱡ ei tÊkrÊpa etpa pora ndumba,” nitim. 29 Uⱡ ei, unt Aiseiya ndi, nimba mel, “Unt Nuim ronduⱡ ei ndi, tÊn nga wu anda kouwÊmÊn mat etpa kont mundi namÊndÊⱡnga ndam, tÊn Sorum kÊn Gomora kona raⱡ itim ei mel elimina,” nÊtÊm. 30 Ei kÊn, akup tÊn ndi, namba nimin? TÊn ei mel namin, wamp rÊⱡaip elpa mbÊ ndi, uⱡ kun kai mbÊ kandÊp timin nÊk, kongun mindil nok iti natÊk, wote mondpa pili uⱡ ila mendpÊⱡ, kun kai mul uⱡ ei kandÊk tÊtÊng. 31 Wote, Isrel wamp mbÊ, Got ndi, kÊmp ropa titim mbÊ, mi ik ei, ronduⱡ mundÊp pep ramina, Got ndi, en enim wamp kandpa, kun kai nimba, nÊk pÊtÊng. Ei wote, Got kÊn, kun kai mul uⱡ ei kandÊk, ti natÊtÊng mon. 32 Ei nambuⱡ emel, kandÊk ti natÊtÊng? Ei kÊn, en enim Kraist kÊn mondpa pili napilik nga ik ei, ronduⱡ mundpÊn pep ropÊn, Got kÊn, kun kai mul uⱡ ei kandÊp, timin nÊk pÊtÊng. Ei kÊn, enim ndi, “KÊmp nduma rorum ku,” ni ndi, kÊmp nduma roⱡnga puk petÊng. 33 Uⱡ itim ei, Buk Wingti ei ndi, nimba mel, “Saiyon ila ku ti, tent ei ndi, wamp mbÊ nga kÊmp mbÊ tÊnga romba. Ku ei ndi, wamp mbÊ kÊmp mbÊ tÊnga rangga mana puk ping. Wote, wamp nam ti, wu ei mondpa pilim ndam, elim pipil kuⱡi naⱡÊmba,” nÊtÊm.